ខេត្តរតនគីរី៖ រថយន្តទំនើបធុនបាឡែន ឥតស្លាកលេខ ០២គ្រឿងផ្ទុកដោយឈើប្រណិតពេញប៊ិបបើកនាំមុខដោយរថយន្ត PICH UP ពណ៌សបើកចេញពីចំណុចភូមិ កាចញយាយទូលចេក ឆ្ពោះចូលទៅទីរួមខេត្ត កាត់មុខរដ្ឋបាលព្រៃឈើ នាព្រឹកថ្ងៃទី១០ ខែសីហា ឆ្នាំ២០១៦ យ៉ាងរំភើយផាត់ ដោយពុំមានការរំខានពីសមត្តកិច្ចណាមួយឡើយ។ នេះប្រសិនបើពុំមានការបើកភ្លើងខៀវ ពីសមត្តកិច្ចជំនាញត្រួតពិនិត្យ តាមដងផ្លូវទេនោះ ប្រាកដជាសកម្មភាពបទល្មើសព្រៃឈើទាំងនេះមិនអាចកើតឡើងដូចលាចផ្ទុះអញ្ចឹងនោះទេ។
សកម្មភាពបទល្មើសព្រៃឈើយ៉ាងងងើលបែបនេះហាក់ដូចជាផ្គើន និងអនុសាសន៍បង្កាបង្ក្រាបបទល្មើសរបស់សម្ដេច តេជោហ៊ុនសែននាយករដ្ឋមន្ត្រី នៃរាជរដ្ឋាភិបាល ដោយពុំមានការក្រែងរអាសូម្បីតែបន្តិច។
ឡានដឹកឈើល្មើសយ៉ាងគគ្រឹកគ្រែងឆ្លងកាត់មុខប៉ុស្តិ៍ត្រួតពិនិត្យ ប៉ូលិសបេអឹម រដ្ឋបាលព្រៃឈើទាំងថ្ងៃទាំងយប់ នៅតែពួកមន្ត្រីទាំងនេះ មិនចាប់មិនបង្ក្រាប សង្ស័យថាពួកគេពុលនិងប្រាក់ដុល្លាសំណែនរបស់ឈ្មួញ បទល្មើសព្រៃឈើអស់នោះហើយ បានជាពួកគេសំងំចឺមធ្វើជាខ្វាក់មើលមិនឃើញឡានដឹកឈើទាំងអស់នោះឡើយ។
ភាពពុករលួយរបស់ក្រុមមន្ត្រី ប៉ូលិស បេអឹម មេព្រៃ ស៊ីសំណែនពួកជនល្មើសព្រៃឈើ គួរណាស់តែក្រុមមន្ត្រីអង្គភាពប្រឆាំងអំពើពុករលួយចាត់វិធានការទៅតាមដានសកម្មភាពស្ថាប័ននេះខ្លះហើយ បើមិនដូច្នោះទេក្រុមបន្ត្រីទាំងនោះប្រព្រឹត្តអំពើពុករលួយយ៉ាងជិះសេះលែងដៃដូចសព្វថ្ងៃ ព្រៃឈើនឹងរលាយហិនហោចគ្មានសល់ទេទៅថ្ងៃអនាគត៕