កំពង់ឆ្នាំង ៖ ប្រជាពលរដ្ឋរស់នៅផ្សារព្រៃខ្មែរក៏ដូចជាអាជីវករល់ដូរទំនិញក្នុងនិងក្រៅផ្សារបានរអ៊ូរទាំថាទឹកដក់លិចខួបប្រាំងខួបវស្សានៅខាងមុខផ្សារបណ្ដាលមកពីប្រព័ន្ធលូស្ទះមិនឃើញអាជ្ញាធរនិងមន្ត្រីជំនាញមានវិធានជួយដោះស្រាយឡើយបើលុយវិញទារមិនឲ្យខ្វះ?។
កាលជំនាន់លោកកែវ ពៅនៅជាប្រធានមន្ទីរសាធារណៈការខេត្តកំពង់ឆ្នាំងនៅខាងមុខផ្សារព្រៃខ្មែរមិនមានទឹកដក់ឬប្រព័ន្ធលូត្រូវស្ទះឡើយ ប៉ុន្តែនៅពេលលោកកែវ ពៅបានចូលនិវត្តន៍ទៅ ត្រូវបានលោកឆាយ លាភាឡើងកាន់តំណែងជំនួសវិញគឺអត់ឃើញមានការអើពើយកភ្នែកមើលអ្វីទាំងអស់រួមទាំងលោកយ៉ង់ ភារម្យប្រធានមន្ទីរបរិស្ថានផងដែរគឺអត់មានយកភ្នែកមើលឡើយគឺជិះសេះលែងដៃទៅផុតមកផុតតែម្ដង(អត់ខ្វល់)។
ករណីនេះប្រជាពលរដ្ឋសុំសំណូមពរដល់អាជ្ញាធរខេត្តនិងស្រុកជាពិសេសមន្ទីរសាធារណការខេត្តមេត្តាជួយមានវិធានការដោះស្រាយជូនពួកគាត់មិនតែប៉ុណ្ណេះទឹកនេះមានធុំក្លិនស្អុយជាហេតុធ្វើអោយប៉ះពាល់សុខភាព អនាម័យនិងបរិស្ថាននិងភ្ញៀវទេសចរណ៍យ៉ាងខ្លាំងទៀតផង។
