កំពង់ឆ្នាំង ៖ គេចាំបានថាកាលពីថ្ងៃថ្ទី១០វិច្ឆិកាឆ្នាំ២០១៩ សង្កាត់រដ្ឋបាលព្រៃឈើខ្សែតដំរីសបានចុះតាមដានត្រួតពិនិត្យ ករណីលួចធ្វើរបង និង សង់រោងថ្មី១បន្ថែមទៀតដែលគេថាចារបស់ឈ្មោះអ៊ុន ណាវី ហៅ(លោកតាស្រី) នៅក្នុងព្រៃបំរុងទុកអចិន្ត្រៃយ៍របស់រដ្ឌសំរាប់សហគមន៍មូលដ្ឌាន នៅតំបន់ខ្សាច់ពូន ស្ថិតនៅភូមិក្រសាំងដុះឡើង,ភូមិថ្នល់កែង,ភូមិខ្វិតទួលឃ្លាំង ឃុំក្បាលទឹក ស្រុកទឹកផុសកំពង់ឆ្នាំង។
បន្ទាប់មកកាលពីថ្ងៃទី១វិច្ឆិកាឆ្នាំ២០១៩សមត្តកិច្ចចំរុះបានចុះធ្វើការហាមឃាត់ម្តងទៀត ប៉ុន្តែជនខិលខូចនោះនៅតែបន្តលួចសង់រហូតទាំងយប់ទាំងថ្ងៃ ពេលសម្ថកិច្ចចុះទៅដល់កម្មករបានរត់គេចខ្លួនបាត់។សូមបញ្ជាក់ដែរថាបើ យោងសេចក្ដីរាយការណ៍ចេញពីឃុំក្បាលទឹក ស្រុកទឹកផុស បានអះអាងថា ដីព្រែរបស់រដ្ឋប្រមាណជាង ៥០ ហិកតាស្ថិតនៅចំណុចខ្សាច់ពូន ក្នុងភូមិថ្នល់កែង និងភូមិក្រសាំងដុះឡើង ឃុំក្បាលទឹក ស្រុកទឹកផុស ខេត្តកំពង់ឆ្នាំង កំពុងរងនូវការទន្ទ្រានកាន់កាប់ម្ដងហើយទៀតពីសំណាក់ឈ្មួញដីឈ្មោះ អ៊ុន ណាវី(ហៅចែស្រីឬ លោកស្រី)ដែលមានលំនៅដ្ឋាននៅភូមិត្រពាំចឹកសារ សង្កាត់ កំពង់ឆ្នាំង ក្រុងកំពង់ឆ្នាំងរំលោភយកធ្វើជាកម្មសឹទ្ធទោះបីមន្ត្រីជំនាញរដ្ឋបាលព្រៃឈើនៃមន្ទ្ទីរកសិកម្មខេត្តនិងអាជ្ញាធរខេត្តកំពង់ឆ្នាំង បានធ្វើការដកហូតជាច្រើនលើកច្រើនសាមកហើយ និងមានការប្ដឹងទៅកាន់តុលាការទៀតផង ។
សព្វថៃឈ្មោះអ៊ុន ណាវីបានជួលប្រជាពលរដ្ឋ៩គ្រួសារនៅភូមិផ្សេងរួមទាំអ្នកស្រីអ៊ុន ណាវី១គ្រួសារទៀតស្មើ១០គ្រួសារដើម្បីយកបន្លំភ្នែកមហាជននិងបន្លំភ្នែកថ្ថ្នាក់លើថាពួគេមានដីសារុប៥០ហិចតាដោយម្នាក់ៗមានដី៥ហិចតា។កម្លាំងជំនាញរដ្ឋបាលព្រៃឈើដឹកនាំដោយលោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង ក៏បានចុះធ្វើការដកហូតនិងលើកស្លាកសញ្ញា បញ្ជាក់ពីដីព្រៃរក្សាទុករបស់រដ្ឋ ផងដែរ។
ជុំវិញករណីខាងលើនេះលោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង បានប្រាប់អង្គភាពសារព័ត៌មានយើងអោយដឹងថាលោកបានធ្វើការដកហូតមកដាក់ជាព្រៃសហគមន៍ និងបានដាក់ពាក្យបណ្ដឹងទៅកាន់សាលាដំបូងខេត្តកំពង់ឆ្នាំងដើម្បីចាត់ការទៅតាមនីតិវិធីច្បាប់ផងដែរ។
ចំណែកឯកឧត្តម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងឯកឧត្តសាយ សំអាល់រដ្ឋមន្ត្រីក្រសួងបរិស្ថានក៏បានចេញលិខិតមួយច្បាប់លេខ:០០៤ គជដព ចុះថ្ងៃទី១៨ ខែកញ្ញា ឆ្នាំ២០១៩ ជម្រាបជូនអភិបាលនៃគណៈអភិបាលខេត្តនិងជាប្រធានអនុគណៈកម្មាធិការខេត្តដើម្បីទប់ស្កាត់ លុបបំបាត់ និងបង្ក្រាបការកាប់រាន ដុត ឈូសឆាយ និងហ៊ុំព័ទដីព្រៃឈើ ដើម្បីវាតយកដីធ្វើជាកម្មសិទ្ធិ ផងដែរ។
យោងតាមកម្មវត្ថុសំណើពិនិត្យនិរាករណ៍ករណីរាល់លិខិតពាក់ព័ន្ធនិងការទិញ.លក់ បញ្ជាក់ការកាន់កាប់ និងផ្ទេរសិទ្ធិកាន់កាប់ដីព្រៃឈើដោយខុសច្បាប់។ យោងលិខិតលេខ:១៣៤៨សជណ.កធ ចុះថ្ងៃទី១២ ខែកញ្ញា ឆ្នាំ២០១៩ របស់ទីស្ដីការគណៈរដ្ឋមន្ត្រី។តាមរយៈចលនាការផ្ដល់ថវិកាជូនប្រជាពលរដ្ឋឲ្យកាប់រាន និងឈូសឆាយដីព្រៃខុសច្បាប់ រួចចូលកាន់កាប់ដោយមានការបញ្ជាក់លើឯកសារទទួលស្គាល់ ភាគច្រើនពីភូមិ ឃុំ ស្រុក នឹងមានករណីខ្លះរហូតដល់ថ្នាក់ខេត្តទៀតផង ហើយលក់បន្តទៅឱ្យបុគ្គលមានប្រាក់ ឬបុគ្គលមានឥទ្ធិពលដោយសំអាងមានឯកសារទិញ លក់ ត្រឹមត្រូវ តែធាតុពិតគឺការទិញលក់ដីរដ្ឋខុសច្បាប់ ដែលជាអំពើល្មើសនិងច្បាប់ស្ដីពីព្រៃឈើ ច្បាប់ភូមិបាល និងលិខិតបទដ្ឋានគតិយុត្តដ៏ទៃមួយចំនួនទៀតផងដែរ។