សៀមរាប ៖ មកដល់ម៉ោង៦ល្ងាច ថ្ងៃទី២ ខែធ្នូនេះមានមនុស្ស៣នាក់បានបាត់បង់ជីវិតនិង របួស១៣នាក់ ករណីបាក់សំណង់សាលាពុទ្ធិក នៅវត្តប្រាសាទគោកចក ភូមិវាល សង្កាត់គោកចក ក្រុងសៀមរាប ខេត្តសៀមរាបកាលពី៣ម៉ោងមុន។
សកម្មភាពសង្គ្រោះដែលគេឃើញមានវត្តមានចៅហ្វាយខេត្តលោកទៀសីហានិងតំណាងរាស្ត្រលោកសៀងណាំចុះមើលដែរសមត្ថកិច្ចឲ្យដឹងថា បានកាយយកជនរងគ្រោះចេញអស់ហើយ តែអកុសល្យមនុស្ស៣បានស្លាប់ របួស១៣នាក់ ក្នុងនោះមានព្រះសង្ឃចំនួន២អង្គ ប្រជាការពារភូមិ២នាក់ ក្រៅពីនឹងសុទ្ធតែជាកម្មករ។
សមត្ថកិច្ចមិនទាន់បានសន្និដ្ឋានជាផ្លូវការអំពី មូលហេតុនៃការបង្កឲ្យមានការបាក់ស្រុតសាលាដែលមានកម្ពស់៨ម៉ែត្រ ទំហំ៣០ម៉ែត្រ គុណ២០ម៉ែត្រដែលកំពុងសាងសង់ នៅវត្តប្រាសាទគោកចក ស្ថិតក្នុងសង្កាត់គោកចក ក្រុងសៀមរាប ខេត្តសៀមរាប នេះបណ្តាលមកពីអ្វីនោះឡើយ តែគេកំពុងសង្ស័យថា ធ្វើខុសបច្ចេកទេស ដោយប្រើជន្ទល់តូច ទ្របេតុងថ្មមិនមាំ តែប្រភពមួយចំនួន ដែលមានអបិយ៍ជំនឿគេនិយាយថាមកពីខុសពាក្យសំដី ។
សមត្ថកិច្ចមូលដ្ឋាន បានបញ្ជាក់ថា នៅពេលចាក់ប្លង់សេ មានមនុស្សនៅលើប្លង់សេ និងក្រោមប្លង់សេផងដែរ ហើយការបាក់ប្លង់សេនេះក្នុង ពេលដែលក្រុមជាងកំពុងពង្រាយស៊ីម៉ងត៍ប្លង់សេ ហើយក៏បាក់ប្លង់សេចុះទៅក្រោមតែម្តង។
ចំពោះអត្តសញ្ញាណអ្នកស្លាប់រួមមាន៖ទី១៖ ឈ្មោះ លី សំណាង ភេទប្រុស អាយុ២៨ឆ្នាំ (ស្លាប់)ទី២៖ ឈ្មោះ យិន សំណាង ភេទប្រុស អាយុ៣៥ឆ្នាំ (ស្លាប់)
ទី៣៖ ឈ្មោះ ឡន ឡក់ ភេទប្រុស អាយុ៤០ឆ្នាំ (ស្លាប់) ជនរងគ្រោះទាំង១៣នាក់នេះ រួមមាន៖ទី១ ឈ្មោះ តឿ តឿម ភេទប្រុស អាយុ៣០ឆ្នាំ។ទី២ ឈ្មោះ ចាន់ សីហា ភេទប្រុស អាយុ៣២ឆ្នាំ។ទី៣ ឈ្មោះ វិន វី ភេទប្រុស អាយុ២៨ឆ្នាំ។ទី៤ ឈ្មោះ ថ្លុង ចន្ថា ភេទប្រុស អាយុ២៥ឆ្នាំ។ទី៥ ឈ្មោះ ហុក រ៉ាន ភេទប្រុស អាយុ៣៨ឆ្នាំ។ទី៦ ឈ្មោះ ខ្លុង ចាន់ទិត្យ ភេទប្រុស អាយុ២៧ឆ្នាំ។ទី៧ ឈ្មោះ រិល កោះ ភេទប្រុស អាយុ៤៣ឆ្នាំ។ទី៨ ឈ្មោះ មាស ត្រុង ភេទប្រុស អាយុ៤៧ឆ្នាំ។ទី៩ ឈ្មោះ តី រី ភេទប្រុស អាយុ២៦ឆ្នាំ ទី១០ ឈ្មោះ យ៉ាត ភឿង ភេទប្រុស អាយុ៥៣ឆ្នាំ។ទី១១ ឈ្មោះ សេក សាវុធ ភេទប្រុស អាយុ៣២ឆ្នាំ។ទី១២ ឈ្មោះ តែន ម៉ៅ ភេទប្រុស អាយុ៣១ឆ្នាំ ជាព្រះសង្ឃ។ទី១៣ ឈ្មោះ ធី សុឃុន ភេទប្រុស អាយុ៣០ឆ្នាំ ជាព្រះសង្ឃ។
សូមបញ្ជាក់ថា ហេតុការណ៍នេះបានកើតឡើង នៅម៉ោងប្រមាណ៣រសៀល ថ្ងៃទី២ ខែធ្នូនេះ នៅវត្តប្រាសាទគោកចក សង្កាត់គោកចក ក្រុងសៀមរាប ខេត្តសៀមរាបពេលចាក់ស៊ីម៉ងិប្លង់សេ។ ខណៈនោះមានមនុស្សប្រមាណ២០នាក់ កំពុងសាងសង់ នឹងពិនិត្យមើលសំណង់ ក្នុងបរិវេនណសាលាអគារនោះ ស្រាប់តែបាក់ស្រុតសង្កត់តែម្តង៕
