ខេត្តប៉ៃលិន ៖ ព្រឹកថ្ងៃទី១៣ ខែសីហា ឆ្នាំ២០១៦ លោក ទី សុគន្ធ រដ្ឋលេខាធិការក្រសួងកសិកម្ម រុក្ខាប្រម៉ាញ់ និងនេសាទ អមដំណើរដោយលោក ជា សាំងដូណា ប្រធាននាយកដ្ឋានអភិវឌ្ឍន៏កសិកម្ម នៃក្រសួងកសិកម្ម ,លោក សាយ សុផាត ប្រធានមន្ទីរកសិកម្មខេត្តប៉ៃលិន បានចុះជួបសំណោះសំណាល ជាមួយតំណាងសហគមន៏មៀនប៉ៃលិន ដែលដឹកនាំដោយលោក សារ ចំរើន ទីប្រឹក្សាភិបាលសហគមន៍មៀនប៉ៃលិន ,លោក ស្រេង ស្រៀង ប្រធានសហគមន៏មៀនប៉ៃលិន ព្រមទាំងមានការចូលរួមពីមន្ត្រីកសិកម្ម លោក លោកស្រីសមាជិកសហគមន៏អភិវឌ្ឍន៏កសិកម្ម នានាក្នុងខេត្តប៉ៃលិន ។
លោក សារ ចំរើន ទីប្រឹក្សាភិបាលសហគមន៍មៀនប៉ៃលិន បានលើកឡើងជូនគណៈអធិបតីថា៖ មៀនប៉ៃលិន នេះត្រូវបានចុះកុងត្រាជាមួយ រាជរដ្ឋាភិបាលចិន ហើយក៏បាននាំទៅកាន់ប្រទេសចិន ទៀតផងដែរ ដោយអោយ អ្នកជំនាញ ធ្វើការផ្សាំ រាប់ម៉ឺនដើម ដើម្បីបញ្ជូនទៅចិន ផ្លែឈើ មៀនប៉ៃលិន នេះមានតម្លៃសមរម្យ បើប្រៀបធៀបនិង ផ្លែឈើផ្សេងៗ ។ មៀនប៉ៃលិន ត្រូវការទឹក ជាចាំបាច់សម្រាប់ លូតលាស់ និង បង្កើតផ្លែផ្កា។ ប៉ុន្តែប្រសិន បើទឹកខ្លាំងពេក វានឹងធ្វើអោយ វាងាប់ដើម ទៅជារលួយ ដើម។ មៀនប៉ៃលិន ជាដំណាំ មិនពិបាកដាំទេ ប៉ុន្តែវា ទាមទារការថែទាំ យ៉ាងហ្មត់ចត់ និង មិនអាចធ្វេសប្រហែសបានទេ។ រីឯតម្លៃវា គឺ សមរម្យទៅនិង ជីវភាពប្រជាជន គ្រប់រូប។
ឆ្លៀតក្នុងឱកាសនេះ លោក ទី សុគន្ធ រដ្ឋលេខាធិការក្រសួងកសិកម្ម រុក្ខាប្រម៉ាញ់ និងនេសាទបានមានប្រសាសន៏ថា៖ ការអភិវឌ្ឍន៏វិស័យកសិកម្ម និងមិនត្រឹមតែដោះស្រាយ បញ្ហាសន្តិសុខស្បៀងប៉ុណ្ណោះទេ ថែមទាំងនាំមកនូវប្រភពចំណូល សម្រាបប្រជាពលរដ្ឋនៅជនបទ និងកាត់បន្ថយភាពក្រីក្រដោយផ្ទាល់ នៅជនបទទៀតផង ។ ក៏ប៉ុន្តែយ៉ាងណាវិស័យនេះ នៅមិនទានរឹងម៉ាំនៅឡើយ គឺស្ថិតក្នុងភាពងាយធ្លាក់ចូលទៅភាពក្រីក្រវិញ ដោយសារកំណើនប្រជាពលរដ្ឋនៅជនបទ ដែលត្រួវរកកាងារថ្មី ។
លោកបានបន្តថា៖ ដើម្បីឲ្យវិស័យនេះរឹងម៉ាំ ត្រួវមានភាពចំបាច់បន្ទាន់ ក្នុងការលើកកំពស់ជំនាញកសិកម្ម ដល់កសិករតាមមូលដ្ឋាន ហើយឈានទៅធ្វើពាណិជកម្មបូជនីយកម្មកសិកម្ម ជាពិសេសដំណាំស្រួវ ។ បច្ចុប្បន្នការផ្សព្វផ្សាយកសិកម្មនៅមានកម្រិត ទាំងបរិមាណ និងគុណភាព ហើយវិស័យនេះ ក៏កំពុងតែទទួលរងការគំរាមកំហែង ស្ទើរាល់ឆ្នាំពីគ្រោះធម្មជាតិ ដូចជា គ្រោះរាំងស្ងួត ទឹកជំនន់ និងការបំផ្លាញពីសត្វល្អិត ហើយនិងការប្រែប្រួលអាកាសធាតុ និងក្លាយជាបញ្ហាប្រឈមថ្មីមួយទៀត ។
លោក បានបញ្ជាក់ថា៖ ប៉ុន្នានឆ្នាំចុងក្រោយនេះ រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រី ប្រទេសកម្ពុជា បានប្រឹងប្រែងរើបម្រាស់ ពីប្រទេសអន់ថយខាងសេដ្ឋកិច្ច និងគ្របដណ្តប់ដោយភាពក្រីក្រ មានអសន្តិសុខស្បៀង ឥឡូវនេះក្លាយជាប្រទេសនាំស្បៀងចេញ ហើយស្ថិតក្នុងចំណាត់ថ្នាក់ទី១១ ដែលសម្រេចកំណើនសេដ្ឋកិច្ចខ្ពស់ លើពិភពលោក និងជាប្រទេសចំណាត់ថ្នាក់ទី០១ នៅតំបន់អាស៊ីប៉ាស៊ីហ្វិក ដែលសម្រេចបាន នូវវឌ្ឍនភាពដ៏ល្អប្រសើរផងដែរ ៕
អត្ថបទ ទូច សុខន ប៉ៃលិន
