តាកែវ៖ អាជ្ញាធរមានសមត្ថកិច្ច កាំកុងត្រូលធ្លាប បានធ្វើការបង្ក្រាបទីតាំងផលិតស្ករត្នោតក្លែងក្លាយបានជាច្រើនទីតាំងរួចមកហើយ កាលពីប៉ុន្មានខែមុន ប៉ុន្តែមិនចេះអស់សោះមិនដឹងល្ម៉េច?។ជាក់ស្តែងកាលពីថ្ងៃទី ២៨ ខែ វិច្ឆិកា ឆ្នាំ ២០១៩សមត្ថកិច្ចកាំកុងត្រូលបានរកឃើញ និង ធ្វើការបង្ក្រាបទីតាំងផលិតស្ករត្នោតក្លែងក្លាយបានចំនួន៤ទីតាំងទៀត ជាមួយស្ករត្នោតប៉មរាប់តោន ។
សិប្បកម្មផលិតស្ករត្នោតក្លែងក្លាយដែលសមត្តកិច្ចរកឃើញមានចំនួន ៤ទីតាំង ស្ថិត គឺ នៅឃុំកុមារាជា ស្រុកបាទី ខេត្តតាកែវ ។ ក្នុងប្រតិបត្តិការបង្ក្រាបនោះ មន្ត្រីជំនាញបានធ្វើការដកហូតទំនិញ និង សម្ភារៈ មួយចំនួនយកមករក្សាទុកមានដូចជា៖ ស្ករនៅក្នុងធុងស្ពេត្រូ ចំនួន ១០៩ធុង,កាកស្ករអំពៅ ចំនួន ១៣៧ប៉ាវ , ម៉ូទ័រ ចំនួន ១១គ្រឿង ,រថយន្តម៉ាក់សាំងយ៉ុន ចំនួន ២គ្រឿង , រថយន្តកូរ៉េ ១តោន ចំនួន ១គ្រឿង , ខ្ទះកូ ចំនួន ២០ , ជញ្ជីង ចំនួន ៤ , ធុងដែក ចំនួន ៤ ។
មន្ត្រីជំនាញបានធ្វើកំណត់ហេតុដកហូត សម្ភារៈទាំងនោះយកទៅរក្សាទុកនៅសាលាស្រុកបាទី ហើយគណៈកម្មាការបានឯកភាពគ្នាធ្វើការដុតបំផ្លាញចោលទំនិញទាំង ២ មុខ ដែលដកហូតបានពីទីតាំងទាំង ៤ នោះ ភ្លាមៗនៅក្នុងបរិវេណសាលាស្រុកបាទីតែម្តង ។តែម្ចាស់ទីតាំងមិនត្រូវបានសមត្តកិច្ចចាប់ផ្តន្ទាទោសនោះឡើយ៕