កំពង់ឆ្នាំង ៖ ប្រជាពលរដ្ឋ៨គ្រួសាររស់នៅក្នុងស្រុកកំពង់លែងខេត្តកំពង់ឆ្នាំងដែលមានដីអាស្រ័យផលធ្វើស្រែប្រាំងជារាងរាល់ឆ្នាំជាង១០ឆ្នាំមកហើយ នៅចំណុចគោគព្រះតាមបណ្ដោយផ្លូវ៥០C(ផ្លូវកំពង់ឆ្នាំង កំពង់ធំ) កំពុងរងទុក្ខ។
ពួកគាត់បានអង្វរស្នើសុំដល់សម្ដេចតេជោហ៊ុនសែននិងសម្ដេចកិត្តិព្រឹទ្ធបណ្ឌឹតប៊ុនរ៉ានី ហ៊ុន សែន មេត្តាជួយអន្តរាគមន៍ដល់តុលាការខេត្តកំពង់ឆ្នាំង ពិសេសឯកឧត្តមអភិបាលខេត្ត មេត្តាប្រគល់ដីស្រែចំនួនជិត២០០ ហិកតាដែលតុលាការបានហាមឃាត់និងចេញដីការរក្សារការពារមិនអោយពួកគាត់ធ្វើស្រែបន្ត ខណៈដីស្រែនោះពួកគាត់ធ្លាប់អាស្រ័យផលជាង១០ឆ្នាំ មកហើយនោះ។
សមត្តកិច្ចបានចាប់ត្រាក់ទ័រពួកគាត់ចំនួន៣គ្រឿងយកមករក្សាទុកនៅមន្ទីរកសិកម្មខេត្តមិនអោយពួកគាត់មានលទ្ធភាពធ្វើស្រែបាននិងហាមមិនអោយពួកគាត់ទៅរស់នៅលើដីនោះទៀតផងខណៈដីនោះ ពួកគាត់បានសង់ផ្ទះរស់នៅលើដីនោះជាង១០ឆ្នាំមកហើយ។ប្រជាពលរដ្ឋរងគ្រោះបានប្រាប់ថា៖មានតែសម្ដេចទាំងទ្វេទេដែលអាចអន្តរាគមន៍ជួយពួកគាត់បានបង្កបង្កើនផលលើដីរបស់ពួកគាត់វិញ ព្រោះជិតផុតរដូវធ្វើស្រែប្រាំងហើយ ម្យ៉ាងទៀតដីគេនៅជុំវិញពួកគាត់គេនបធ្វើស្ទើររួចរាល់អស់ហើយផងដែរ។