ភ្នំពេញ ៖ នារសៀលនៅថ្ងៃទី៣០ ខែវិច្ឆិកា ឆ្នាំ២០១៩ រូបសំណាកព្រះនាងគង្ហីងថ្មីដែលស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ត្រូវបានធ្វើពិធីអភិសេកជាផ្លូវការក្រោមអធិបតី លោក ឃួង ស្រេង អភិបាលរាជធានី ភ្នំពេញ និងលោកស្រី ព្រមទាំងមន្ត្រីក្រោមឱវាទមួយ ចំនួនទៀត។
ប្រជាពលរដ្ឋនិយាយថារូបសំណាកនាងគង្ហីង ត្រូវបានផ្លាស់ប្តូទីតាំងពីរបីដងហើយអាឡុវបរហែលជាបញ្ចប់ជាស្ថាពរហើយ ទើបបានធ្វើបុណ្យយកហុងស៊ុងចឹងនោះ។លោក ឃួង ស្រេង អភិបាលរាជធានីភ្នំពេញ បានបញ្ជាក់ថា៖ ដើម្បីកាត់បន្ថយគ្រោះថ្នាក់ចរាចរចរក៏ដូចជាការកកស្ទះចរាចរណ៍ រដ្ឋបាលរាជធានីភ្នំពេញ បានសម្រេចអោយមានការស្ថាបនា ស្ពានអាកាសថ្មើជើងនៅត្រង់ចំណុចរង្វង់មូលនាងគង្ហីង ។ប៉ុន្តែក្រោយពីការសាងសង់ស្ពានថ្មើរជើងនេះ បានធ្វើអោយរូបសំណាក់នាងគង្ហីងទាបជាងតួស្ពានទើប រដ្ឋបាលរាជធានីភ្នំពេញ សម្រេចអោយមានការកែសម្រួលឡើងវិញ ទាំង ពីកំពស់និងទីតាំង សំដៅធ្វើយ៉ាងណា ទាំងរូបសំណាកនាងគង្ហីងនិងស្ពានអាកាសថ្មើជើងត្រូវតែលេចឡើងជាមួយនិងសោភណ្ឌភាពស្រស់ស្អាត និងការគិតពីបញ្ហាលំហូរចរាចរណ៍ផងដែរ ធ្វើយ៉ាងណាកុំអោយមានការកកស្ទះ ព្រោះថា រង្វង់មូលនាងគង្ហីងនេះធ្លាប់ត្រូវបានកែសម្រូលចរាចរណ៍ជាច្រើនលើករួចមកហើយ។
លោក ពៅ ម៉េងហៃ អនុប្រធានមន្ទីរសាធារ ណការ និងដឹកជញ្ជូនរាជធានីភ្នំពេញ បានឲ្យដឹងថា រូបសំណាកនាងគង្ហីងដែលបានស្ថាបនាឡើងថ្មី មានលក្ខណៈធំជាង ថ្មីជាងមុន ដោយមានកំពស់៧ម៉ែត្រ៤៧ បាតក្រោម៦ ម៉ែត្រ បាតក្រោមដល់រូបក្រពើកំពស់២ម៉ែត្រ៦១ ។ រូបសំណាកនាងគង្ហីង ត្រូវបានសាងសង់ឡើងពីថ្មភក់ នាំមកពីខេត្តព្រះវិហារ ដោយចាប់ផ្តើមសាងសង់ពីខែមេសាហើយបានបញ្ចប់នៅតែតុលា ២០១៩ ។
