ខេត្តបន្ទាយមានជ័យ ៖ កាលវេលាម៉ោង១៦និង00នាទី ថ្ងៃទី១២ខែសីហា ឆ្នាំ២០១៦ កំលាំងស្នាក់ការសន្តិសុខ៥៦៨ នៃបញ្ជាការមូលដ្ឋាន កងរាជអាវុធហត្ថក្រុងប៉ោយប៉ែត ចំនួន ៥ នាក់ដឹកនាំដោយលោក អនុសេនីយ៍ឯក សេ សុភក្ត្រា មេញ្ជាការរងមូលដ្ឋានកងរាជអាវុធហត្ថ ក្រុងប៉ោយប៉ែត និងជាប្រធានស្នាក់ការរងសន្តិសុខ៥៦៨ បានចេញល្បាត ក្នុងភូមិសាស្ត្រក្រុងប៉ោយប៉ែត បានឃាត់ខ្លួនជនសង្សា័យ ចំនួន៣នាក់ ករណីប្រើប្រាស់ ចែកចាយនិងជួញដូរគ្រឿងញៀននេះ នៅចំណុចខាងក្រោយកាស៊ីណូឡាក់គី ស្ថិតនៅក្នុងភូមិប៉ោយប៉ែត សង្កាត់ប៉ោយប៉ែត និងក្រុងប៉ោយប៉ែត ខេត្តបន្ទាយមានជ័យ ដោយដកហូតបានវត្ថុតាងគ្រឿងញៀនប្រភេទម៉ាទឹកកកចំនួន១៣ថង់តូច និងទូរស័ព្ទដៃចំនួន៣គ្រឿង ឃាត់ខ្លួនបានជនសង្ស័យ០៣នាក់មានគ្រឿងញៀននៅក្នុងខ្លួនរៀងៗខ្លួន ។ ហើយបានបញ្ជូនមកបញ្ជាការដ្ឋានកងរាជអាវុធហត្ថខេត្ត ដើម្បីធ្វើការសាកសួរ ។
លោកវរៈសេនីយ៍ឯក ស ប៊ុនសឿង មេបញ្ជាការរងកងកងរាជអាវុហត្តខេត្ត ទទួលលើការងារបទល្មើសគ្រឿងញៀន បានអោយដឹងថា ជនសង្ស័យមាន ទី១/មានឈ្មោះ ឡេង ប៊ុនធឿង (ហៅតយ) ភេទប្រុស អាយុ១៧ឆ្នាំ រស់នៅភូមិក្បាលស្ពាន១ សង្កាត់ និងក្រុងប៉ោយប៉ែត ២/ឈ្មោះ នឿន ខូច ភេទប្រុស អាយុ១៧ឆ្នាំ រស់នៅមណ្ឌល៨ ភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត ៣/ឈ្មោះ ម៉ិច ប៉ុន ភេទប្រុស អាយុ១៦ឆ្នាំ រស់នៅភូមិមិត្តភាព សង្កាត់ និងក្រុងប៉ោយប៉ែត ។
លោកវរៈសេនីយ៍ឯក ស ប៊ុនសឿង បានអោយដឹងទៀតថា ក្រោយពីសមត្ថកិច្ចសួរចម្លើយរួច ជនសង្ស័យទាំង០៣នាក់បានឆ្លើយ សារភាពថា ពួកគេពិតជាបានទិញគ្រឿងញៀន យកមកប្រើប្រាស់ផង និងចែកចាយ លក់បន្តពិតប្រាកដមែន។
បច្ទុប្បន្ន សមត្ថកិច្ចកំពុងកសាងសំណុំរឿងបញ្ជូនទៅតុលាការ ដើម្បីដាក់ចាត់វិធានការទៅតាមផ្លូវច្បាប់ ៕
