ខេត្តព្រះសីហនុ ៖ លោក កៅ សារ៉ាណា ប្រធានការិយាល័យនគរបាលអន្តោប្រវេសន៍ច្រកអាកាសយាន្តដ្ឋានអន្តរជាតិកងកេង និងលោក ណាំ សុវណ្ណារ៉ា ប្រធានក្រុមផ្នែកទិដ្ឋាការ ត្រូវបានគេរាយការណ៍ថាបាននិងកំពុងប្រើតួនាទី ទាញយកប្រយោជន៍ពីការ គាបជម្រិតបរទេសតាមរយៈការយកលុយលើសច្បាប់កំណត់ លើការចេញ ទិដ្ឋាការ Tourist (T) , Visa Business (E) ក្នុងម្នាក់១០ដុល្លារ ។
សេចក្តីរាយការណ៍នេះបានកើតឡើងបន្ទាប់ពីក្រុមធុរៈកិច្ចខាងសណ្ឋាគារផ្តះសំណាក់នាពេលកន្លងមកនេះបានត្អូនត្អែពីរឿងធ្លាក់ចុះចំនួនភ្ញៀវទេសចរណ៍ចូលមកលេងស្រុកខ្មែរ។សម្រាប់ព្រលានយន្តហោះនេះបើតាមប្រភពខ្លះធ្លោយថា៖ក្នុង១ថ្ងៃយ៉ាងតិចមានជនបរទេសឆ្លងកាត់តាមច្រកអាកាសយាន្តដ្ឋានអន្តរជាតិកងកេង(ខេត្តព្រះសីហនុ) ប្រមាណជិត១០០០នាក់ ក្នុងនោះស្ទើរ ៨០ភាគរយដែលខាងលោក កៅ សារ៉ាណា និង លោក ណាំ សុវណ្ណា បានយកលុយលើការផ្តល់ទិដ្ឋាការ Tourist (T) , Visa Business (E) ម្នាក់១០ដុល្លារ ?។
លោកវរសេនីយ៍ឯក កៅ សារ៉ាណា ប្រធានការិយាល័យនគរបាលអន្តោប្រវេសន៍ និងលោកវរសេនីយ៍ទោ ណាំ សុវណ្ណារ៉ា ប្រធានក្រុមផ្នែកទិដ្ឋាការ បានឃុបឃិតជាលក្ខណះប្រព័ន្ធលើការងារពុករលួយបែបនេះ គឺក្រុមផ្តល់ទិដ្ឋាការទារប្រាក់ពីរភ្ញៀវម្នាក់មកសុំVisa ប្រភេទ Tourist (T) ១នាក់=42$/ និងVisa Business (E) ១នាក់=60$គឺប្រមូលយកអោយក្រុមការងាររបស់ពួកគេ សម្រាប់បែងចែកគ្នាតាមឋានៈភារកិច្ច។ អ្វីដែលខ្វៈសីលធម៍ វិជ្ជាជីវៈជាមន្ត្រីនគរបាលជាតិ ត្រង់ថា៖ បើភ្ញៀវណាមិនព្រមអោយធ្វើ គឺភ្ញៀវទៅធ្វើខ្លួនឯងផ្ទាល់គឺ Tourist ១=40$ / Business ១=45$ យកលើសតំលៃរដ្ឋកំណត់មួយនាក់ 10$ ។បើតវ៉ាច្រើន ដោយសារដឹងតំលៃសេវានេះ ភាគច្រើនក្រុមលោក កៅ សារ៉ាណា និងលោក ណាំ សុវណ្ណារ៉ា បណ្តោយអោយមន្ត្រីប្រើសកម្មភាព បោះប៉ាស្ព័រចោលមិនព្រមធ្វើ?។
សូមបញ្ជាក់ថា៖ តំលៃទិដ្ឋការរដ្ឋសម្រាប់ភ្ញៀវទេសចរណ៍ម្នាក់៣០ដុល្លារនិងអ្នកជំនួញ៣៥ដុល្រា( Tourist T. ១=30$ និងBusiness E.១=35$)។
មន្ត្រីដែលចុះធ្វើការងារផ្តល់ទិដ្ឋការតាមច្រកទ្វារអន្តរជាតិទាំងអស់ក្រសួងបានផ្តល់ប្រាក់ប្រចាំថ្ងៃក្នុង០១នាក់5$។ មិនតែប៉ុណ្ណោះមានទាំងប្រធាននាយកគ្រប់គ្រងព្រលានយន្តហោះខេត្តសីហនុបានសហការគ្នាជាមួយមេប៉ុស្តិ៍ច្រកទ្វារផ្តល់ pass អោយក្រុមហ៊ុនចិនចូលផ្តល់សេវាកម្មផ្តាច់មុខនិងគំរាមដល់មន្ត្រីក្រោមឱវាទអោយសហការក្នុងការងារជាមួយក្រុមហ៊ុនទៀតផង។
បញ្ហាទាំងនេះប្រសិនជាការពិត បង្ហាញពីភាពមិនប្រក្រតីក្នុងការបម្រើសេវាផ្តល់សេវាទិដ្ឋាការ ផ្ទុយពីគោលការណ៍ថ្នាក់លើ យ៉ាងពេញបន្ទុកដែលទាមទាអង្គភាពប្រឆាំងអំពើរពុករលួយចាត់ការ។មិនអាចសុំទាក់ទងលោក កៅ សារ៉ាណា និង លោក ណាំ សុវណ្ណារ៉ាសុំការបកស្រាយបានទេ។មាតុភូមិរងចាំការបំភ្លឺគ្រប់ពេល!។
