កូរ៉េខាងត្បូង៖ តារាចម្រៀងល្បីល្បាញប្រចាំប្រទេសកម្ពុជានាង មាស សុខសោភា បានតំណាងឲ្យប្រទេសកម្ពុជា ចូលរួមក្នុងព្រឹត្តិការណ៍ “Asean Fantasia” កាលពីយប់ថ្ងៃទី២៤ ខែវិច្ឆិកា ឆ្នាំ២០១៩ ម្សិលមិញនេះ នៅទីក្រុងប៊ូសាន( Busan) ប្រទេសកូរ៉េខាងត្បូង។
តារាចម្រៀងស្រីដ៏កំពូល កញ្ញាមាស សុខសោភា ពេលនេះកំពុងតែទទួលបាននូវការសរសើរយ៉ាងខ្លាំងពីបណ្តាអ្នកគាំទ្រនៅក្នុងប្រទេស ក្រោយនាងបានលេចមុខក្នុងឈុតអាវទ់ងជាតិខ្មែរនៅក្នុងកម្មវិធីធំមួយ ដែលមានការច្រៀងរួមគ្នាជាមួយតារាល្បីដែលមកពីបណ្ដាប្រទេសអាស៊ានទាំង ១១ ប្រទេសផងដែរ។
កញ្ញា មាស សុខសោភា បានសម្តែង និងច្រៀងបទចម្រៀងរួមគ្នាដែលមានចំណងជើងថា «Side By Side» ជាមួយតារាប្រុសស្រីទាំង ១១ ប្រទេស នៅក្នុងកម្មវិធីប្រគំតន្ត្រីដ៏ធំមួយដែលមានឈ្មោះថា Asean- ROK Commemorative Summit 2019។នៅក្នុងកម្មវិធីដ៏ឱឡារិកនេះមានការចូលរួមពីកំពូលតារា K-Pop ល្បីៗមានដូចជា PSY, BOA, Sandara Park, ក្រុម NCT127 រួមទាំង ។
តាមរយៈវីដេអូនេះបានធ្វើឲ្យហ្វេនជាច្រើន ពិតជាមោទនភាពចំពោះរូបនាងយ៉ាងខ្លាំង ដែលសម្លេងច្រៀងរួមគ្នាបែបនេះជាមួយបណ្តាប្រទេសផ្សេង ពិតជាពីរោះខ្លាំងមិនថាច្រៀងជាភាសាបរទេសយ៉ាងណាក្តី។ តែអ្វីដែលធ្វើឲ្យមហាជនជាច្រើន ផ្ទុះការកោតសរសើរកាន់តែខ្លាំងនោះគឺ ការស្លៀកពាក់របស់នាង នៅលើឆាកដ៏ធំក្នុងប៉ុស្តិ៍ទូរទស្សន៍ដ៏ល្បីមួយនេះ។