កោះកុង ៖ កាលពីពេលថ្មីៗនេះ រដ្ឋបាលក្រុងខេមរភូមិន្ទក៏ដូចជាមន្ទីរពាក់ព័ន្ធមួយចំនួន បានចុះផ្អាកទាំងស្រុង ចំពោះក្រុមហ៊ុនចំនួន០៥ដែលកំពុងធ្វើសកម្មភាពជីកររណ្តៅនិងដឹកជញ្ជូនអាចម៍ដីលក់ដោយពុំមានច្បាប់អនុញ្ញាតិ រំលោភបំពានទៅលើអនុក្រិត្យលេខ៨០របស់រាជរដ្ឋាភិបាល ដែលដាក់តំបន់នោះ ជាតំបន់អភិរក្សដោយមិនអនុញ្ញាតិឲ្យមានការកាប់ទន្ទ្រាន ឈូសឆាយនិងធ្វើអាជីវកម្មផ្សេងៗក្នុងទ្រង់ទ្រាយធំឡើយ។
បើតាមប្រភពព្រីក្រុមមន្ត្រីអាជ្ញាធរ បានបង្ហើបប្រាប់ឲ្យដឹងថា ៖នៅថ្ងៃទី១៨និងទី១៩ខែវិច្ឆិកាឆ្នាំ២០១៩ មានក្រុមហ៊ុនមួយឈ្មោះ ក្រុមហ៊ុន រិទ្ធ ធារ៉ា បានចូលទៅជីកយកអាចម៍ដីលក់យកលុយចាយខ្លួនឯង ដោយធ្វើមិនដឹងមិនលឺទៅនិងបម្រាមរបស់សាលាក្រុងនិងមន្ទីរជំនាញពាក់ព័ន្ធឡើយ។
ជុំវិញការរំលោភបំពាននេះ បើតាមប្រភពដដែលឲ្យដឹងថា ភ្លាមៗគណៈបញ្ជាការឯកភាពក្រុង ល៏បានចាត់តាំងកម្លាំងចុះអន្តរាគមន៍ ប៉ុន្តែម្ចាស់ក្រុមហ៊ុនបានបញ្ជាគ្រឿងចក្រនិងរថយន្តបើកចេញពីកន្លែងធ្វើសកម្មភាពយ៉ាងឆាប់រហ័សបាត់ដែរ ។ប្រាការនេះធ្វើឲ្យមានចម្ងល់ថាតើខ្មោចណាវាឲ្យពត៍មានឬបានក្រុមហ៊ុនរត់រួចចឹង?។ តែគេសង្ឃឹមថាប្រសិនបើគ្មានការឃុបឃឹតគ្នាទេវានឹងមានការផាកពិន័យព្រោះគេដឹងឈ្មោះក្រុមហ៊ុនល្មើសទៅហើយនោះ៕
