កំពត៖ក្នុងចំណោមបណ្តាប្រទេសននាលើសកលលោកខ្មែរមានភូមិសាស្ត្រល្អជាងគេគឺមានទឹកសាបនិងទឹកប្រៃព្រៃភ្នំម៉ាកំប្លេ!។តែចូលដល់សម័យហ្វេសប៊ុកនេះអ្វីដែលគួឲ្យភ្ញាក់ផ្អើលនៅត្រង់ថាមានសមុទ្ទដែរតែផលិតអំបឹលស៊ីខ្លួនឯងមិនគ្រប់ទៅវិញ។
ឆ្នាំនេះ ក៏ដូចជាឆ្នាំមុនដែរ ការផ្គត់ផ្គង់អំបិលក្នុងស្រុកមិនគ្រប់តាមតម្រូវការទីផ្សារនោះទេ ។ កាលពីពេលថ្មីៗនេះ កម្ពុជាបាននាំចូលអំបិល ៥ ពាន់តោនពីប្រទេសឥណ្ឌា ហើយនឹងមានការនាំចូលពីក្រៅប្រទេសជាបន្តបន្ទាប់ទៀត ។នេះបើតាមលោក ប៊ុន បារាំង ប្រធានសហគមន៍អ្នកផលិតអំបិលកំពត-កែប។លោកបារាំងឲ្យកាសែតដឹងថា អំបិលក្នុងស្តុករបស់ខេត្តកំពត និង ខេត្តកែប នៅសល់ប្រមាណជា ២ ពាន់តោនប៉ុណ្ណោះ មកទល់ថ្ងៃនេះ ដោយសារការផលិតកន្លងមក ជួបបញ្ហាអាកាសធាតុ ។
អំបិលទិញពីឥណ្ឌានេះអាចទទួលយកបានទាំងគុណភាព និង តម្លៃ ពោលគឺមានគុណភាពល្អ ជាអំបិលធម្មជាតិ ដូចអំបិលយើងដែរ ហើយនាំចូលនេះសុទ្ធតែឆ្លងកាត់ការពិនិត្យពិសោធន៍ត្រឹមត្រូវ ។ រីឯតម្លៃប្រហែលអំបិលយើងដែរ ។
លោក ប៊ុន បារាំង ថាក្រៅពីការនាំចូល ៥០០០ តោនពីឥណ្ឌា កម្ពុជា នឹងបន្តនាំចូលបន្ថែមទៀត ដើម្បីបង្គ្រប់តម្រូវការទីផ្សារព្រោះសហគមន៍ បានស្នើគោលការណ៍ពីរដ្ឋាភិបាលដើម្បីនាំចូលអំបិលដល់ទៅ ៥ ម៉ឺនតោនសម្រាប់ឆ្នាំ ២០១៩ នេះ ។អ្នកផលិតអំបិលកំពុងត្រៀមរៀបចំ ដំណើរការផលិតរបស់ខ្លួនហើយ ដែលគេនឹងត្រូវប្រមូលផលចាប់ពីខែមករាឆ្នាំក្រោយ ។ ឆ្នាំនេះការផលិតអំបិលក្នុងស្រុកមានបរិមាណ ៣ ម៉ឺនតោន ខណៈតម្រូវការមានដល់ ១០ ម៉ឺនតោន។ តែក្រៅពីការនាំចូលអំបិលដោយសហគមន៍ ក៏មានក្រុមហ៊ុនក្រៅសហគមន៍នាំចូលអំបិលពីបរទេស រួមទាំងការនាំចូលតាមច្រករបៀងមួយចំនួនដែរ ។ នៅដើមឆ្នាំ ២០១៨ កម្ពុជាបាននាំចូលអំបិលពីចិន ១ ម៉ឺនតោន ក្នុងគម្រោង ៣ ម៉ឺនតោន ៕
