មានករណីគ្រោះថ្នាក់ចរាចរណ៍មួយកើតឡើង នៅលើកំណាត់ផ្លូវលេខ 258D ស្ថិតក្នុងភូមិយាងថ្វី ឃុំកូប ស្រុកអូរជ្រៅ ខេត្តបន្ទាយជ័យ ។ រថយន្តដឹកជ្រូកបើកកធ្លាក់ប្រឡាយដោយខ្កួនឯង ម៉ាកតូរីស ពណ៌ខៀវ ក្រហម គ្មានស្លាកលេខ បានធ្វើដំណើរពីជើងទៅត្បូង ។ ក្រោយគ្រោះថ្នាក់រួច អ្នកបើកបររថយន្ត បានរត់គេចខ្លួនបាត់។
លោកវរៈសេនីយ៍ត្រី ជា ពីសី មេបញ្ជាការមូលដ្ឋានកងរាជអាវុធត្ថស្រុកអូរជ្រៅ បានអោយដឹងថា ក្នុងរថយន្តនោះ មានអ្នករួមដំណើរ២នាក់ ។ ១/ឈ្មោះ បូ ផាន់ណា ភេទប្រុស អាយុ18ឆ្នាំ រស់នៅស្រុកសំឡូក ខេត្តបាត់ដំបង (បណ្តាលអោយស្លាប់នៅនឹងកន្លែង) ២/ឈ្មោះ ខាត់ សល់ ភេទប្រុស អាយុ28ឆ្នាំ រស់នៅស្រុកសំឡូក ខេត្តបាត់ដំបង (មិនរងរបួសទេ) ។
លោកវរៈសេនីយ៍ត្រី ជា ពិសី បានអោយដឹងទៀតថា រថយន្តដឹកជ្រូកនោះឡើងវ៉ាកង់បី ជ្រុលចង្កូត បណ្តាលអោយធ្លាក់ក្រឡាប់ចូលប្រឡាយតែម្តង ។
បច្ចប្បន្ន សាកសពត្រូវបានក្រុមគ្រួសារដឹកតាមរថយន្តពេទ្យទៅស្រុកកំណើតធ្វើបុណ្យតាមប្រពៃណី ។ ចំណែករថយន្តរក្សាទុកនៅអធិការដ្ឋាននគរបាលស្រុកអូរជ្រៅ ៕
