កណ្ដាល៖ នៅព្រឹកថ្ងៃទី០៣ ខែមិថុនា ឆ្នាំ២០១៩ ខ្មាន់កាំភ្លើងដែលបាញ់ចំនួនបួនគ្រាប់នៅក្នុងខារ៉ាអូខេ ប៊ី ហ្គោល បង្ករការភ្ញាក់ផ្អើលពេញក្រុងតាខ្មៅទាំងកណ្តាលយប់នោះ” បានចូលមកសារភាពហើយនៅកងរាជអាវុធហត្ថក្រុងតាខ្មៅ។នេះបើតាមឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាលបានប្រាប់ឲ្យដឹង។
សូមបញ្ជាក់ថាកាលពី វេលាម៉ោង២០និង៣០នាទីថ្ងៃទី០២ ខែមិថុនា ឆ្នាំ២០១៩ នៅចំណុចហាងខារ៉ាអូខេ B-Gold ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាលមានករណីផ្ទុះអាវុធជាច្រើនគ្រាប់បង្ករអោយមានការភ្ញាក់ផ្អើលទាំងកណ្តាលយប់និងធ្វើអោយនារីៗដែលបំរើការងារនៅក្នុងខារ៉ាអូខេ ប៊ី ហ្គោល រត់គេចទាំងព្រលឹងចុងសក់។ ឯអ្នកបើករថយន្តកុងតឺន័រម្នាក់ភ័យលួសព្រលឹងដោយសារគ្រាប់កាំភ្លើងហោះផ្លោងទៅចំកញ្ចក់រថយន្តពេលកំពុងធ្វើដំណើរនៅមុខទីតាំងនោះ។
បុរសដៃជើងខ្លាំងបាញ់ហើយរត់គេច មានឈ្មោះសាន សុច ភេទប្រុស អាយុ៣៨ឆ្នាំ មុខរបរ យោធា មានទីលំនៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល។តែបានបន្សល់ទុកមានស្រោមកាំភ្លើងពណ៌ខ្មៅចំនួន០១ សោរ ម៉ូតូ១ចង្កោម(កូនសោរម៉ូតូ១កូនសោររថយន្ត១ តេឡេរថយន្ត១) គ្រាប់កាំភ្លើងខ្លី ម៉ាកឡុកចំនួន០៤ បាញ់ផ្ទុះ អស់៣គ្រាប់(លេខA-USA 9MM-LUGER) ។
ជនសង្ស័យជាខ្លាហែកនោះបានជិះម៉ូតូ១គ្រឿង ម៉ាកហុងដា C125 ពណ៌ខ្មៅ សេរី២០១៩ ចូលផឹកស៊ីច្រៀងខារ៉ាអូខេ នៅហាងB Gold បន្ទប់លេខ888 ជាមួយមិត្តភក្ត្រ ប្រុស០២នាក់ទៀត មិនស្គាល់ឈ្មោះ។ រួចមកក៏បានឈ្លោះប្រកែកគ្នា ហើយគេឃើញជនសង្ស័យដើរចេញមកក្រៅហាងចាក់កែបម៉ូតូ
យកកាំភ្លើងខ្លីម៉ាកឡុកពណ៌ខ្មៅ យកដើរចូលទៅបាញ់ក្នុងហាងបាញ់ចំនួន០៤គ្រាប់ ហើយផ្ទុះ០៣គ្រាប់ ហើយស្រែកថា អញឈ្មោះ អាសុច អាណាខ្លាំងចេញមកអញ បាញ់ឲ្យងាប់?!។
បាញ់ហើយក៏ជិះម៉ូតូតាមផ្លូវ១១៥ទៅទិសខាងលិចរួចបាញ់ឡើងលើ០១គ្រាប់ទៀត តែមិនបណ្តាលអោយមានអ្នករបួសហើយគេចខ្លួនបាត់ទៅ។អាឡូវរត់ចូលមកសារភាពខ្លួនឯង។ចឹងបានល្អអានាង!៕
