បាត់ដំបង ៖ កាស៊ីណូមួយកន្លែងឈ្មោះឃ្វីន(CASlNO QUEEN)មានទីតាំងជាប់ទៅនឹងច្រកទ្វាអន្តរជាតិដូងហៅកាត់ថាបានឡែមស្ថិតនៅត្រង់ចំណុចភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបងបាននិងកំពុងក្លាយជាប្រភពសេដ្ឋកិច្ចរបស់សមត្តកិច្ចដោយសារតែកាឃុបឃឹតគ្នាបើកឲ្យខ្មែរចូលលេងខុស្បច្បាប់?។
កាលពីថ្ងៃទី១៥ខែវិច្ឆកាឆ្នាំ២០១៩ប្រជាពលរដ្ធរស់នៅក្បែរទីតាំងខាងលើបានប្រាប់ឲ្យដឹងថាកាស៊ីណូដូចសំបុកកណ្តុរឈ្មោះឃ្វីន(បានជាហៅចឹងព្រោះវាមិនមែនជាកម្រឹតសណ្ឋាគារអីនោះទេ)នេះបានបើកលេងអស់រយៈពេលជិត៥ឆ្នាំមកហើយមនុស្សចូលទៅលេងនៅក្នុងកាស៊ីណូឃ្វីននោះមិនមែនសុទ្ធតែសៀមទេគឺភាគច្រើនជាកម្មករខ្មែរសូម្បីតែអ្នកអូសរទេះក៏ញៀនល្បែងក្នុងកាស៊ីណូនេះដែរ។
អ្នកដែលធ្លាប់ចូលលេងនៅក្នុងកាស៊ីណូឃ្វីន បានឲ្យដឹង ថា នៅក្នុងកាស៊ីណូនោះមានបើកលេងល្បែងគ្រប់ប្រភេទដូចជាកាស៊ីណូធំៗដែរ ថែមទាំងទទួលលក់ការភ្នាល់ចាក់បាល់តាមប្រព័ន្ធអ៊ិនធើណេតថែមទៀតផង ។ចំពោះអតិថិជនវិញចូលទៅលេងនៅក្នុងកាស៊ីណូឃ្វីននោះភាគច្រើនជាបងប្អូនប្រជាពលរដ្ធខ្មែរ ចំពោះភ្ញៀវបរទេសមិនសូវជាចូលលេងប៉ុន្មានទេភាគច្រើនទេព្រោះ ពួកភ្ញៀវបរទេសគេចូលទៅលេងនៅកាស៊ីណូធំៗដែលមានទីតាំងនៅជាប់នឹងច្រកទ្វារអន្តរជាតិច្រកដូងនៅស្រុកកំរៀងដែរ ។
ពាក់ព័ន្ធទៅនឹងកាស៊ីណូឃ្វីនដែលបើកដំណើរការឲ្យពលរដ្ធខ្មែរចូលលេងកោស៊ីលុយជាច្រើនឆ្នាំនេះដែរនៅល្ងាចថ្ងៃទី១៥ខែវិច្ឆកាឆ្នាំ២០១៩ក្រុមការងារពត៌មានយើងមិនអាចសុំការបកស្រាយពីម្ចាស់ទីតាំងខាងលើនេះបានទេ ថាតើច្បាប់អនុញាតិឲ្យបើកល្បែងកាស៊ីណូនេះកម្រឹតណាបានជាឲ្យខ្មែរចូលេងចឹង?។
បងប្អូនប្រជាពលរដ្ធដែលជាប្តីរឺប្រពន្ធភាគច្រើនជាកម្មករអូសរទេះស៊ីឈ្នួលនៅក្នុងស្រុកថៃបានសំណូមពរទៅដល់អាជ្ញាធរស្រុកខេត្តបើមិនទទួលបានសំណូកសំណែនអីទេមេត្តាជួយពិនិត្យមើលកាស៊ីណូឃ្វីនដែលមានទីតាំងនៅចំណុចខាងលើនេះផងថាហេតុអីបានជាបើកឲ្យខ្មែរចូលេងចឹង?ព្រោះអ្នកញៀនល្បែងខ្មែរយើងលក់ខ្ទេចខ្ទីរហើយយកលុយទៅចិញ្ចឹមកាស៊ីណូមួយនេះ។
ដោយឡែកអាជ្ញាធរស្រុកកំរៀងវិញនៅពេលដែលភ្នាក់ងារសារពត៌មានទូរសព្ទ័សួរគាត់តបតាមទូរស័ព្ទមកវិញបែបពង្វាដានថាថាកាស៊ីណូគេមានច្បាប់ត្រឹមត្រូវ?!។ថាអារឿងកាស៊ីណូឃ្វីន(CASlNOQUEEN)មានច្បាប់ត្រឹមត្រូវអាណាថាអីតែម៉េចក៏បើកឲ្យខ្មែរចូលលេងខុសច្បាប់ចឹង? ឬមួយជាឆ្នាំងបាយ?
សូមបញ្ជាក់ថាបើតាមសារាចរណែនាំ របស់រាជរដ្ធាភិបាលកម្ពុជាលេខ០៧/ស រ ណ ន/ស្តីពីការពង្រឹងការគ្រប់គ្រង អាជីវកម្មល្បែងភ្នាល់តាមអេឡិចទ្រូនិចតាមរយៈអ៊ិនធើណេតអនឡាញក្នុងនិងក្រៅប្រទេសគ្រប់ប្រភេទនិងគ្រប់រូបភាពនៅក្នុងព្រះរាជាណាចក្រកម្ពុជាគឺហាមមិនឲ្យមានទៀតទេ!។