ភ្នំពេញ ៖ លោកគីឬទ្ធីចៅក្រមស៊ើបសួរសាលាដំបូងរាជធានីភ្នំពេញ នៅថ្ងៃទី១៥ ខែវិច្ឆិកា នេះ បានចេញសេចក្តីជូនដំណឹងមួយស្តីពីការសម្រេចបិទការស៊ើបសួរក្នុងសំណុំរឿងលោក កឹម សុខា ប្រធាននៃអតីតគណបក្សសង្គ្រោះជាតិ ក្រោយដំណើរការនីតិវិធីជាង២ឆ្នាំ ។
ក្នុងសេចក្តីជូនដំណឹង ឬ ជូនព័ត៌មាន ស្តីពី “ការបិទការស៊ើបសួរ” បានបង្ហាញថា លោក កឹម សុខា ត្រូវបានដាក់អោយស្ថិតក្រោមការពិនិត្យពីបទ “សន្និដ្ឋិភាពជាមួយបរទេស” ប្រព្រឹត្តនៅប្រទេសកម្ពុជា និង ទីកន្លែងផ្សេងទៀត កាលពីអំឡុងឆ្នាំ១៩៩៣ ដល់ថ្ងៃទី៣ ខែកញ្ញា ឆ្នាំ២០១៧ តាមមាត្រា៤៤៣ នៃក្រមព្រហ្មទណ្ឌ ។បើតាមមាត្រា៤៤៣ នៃក្រមព្រហ្មទណ្ឌ បទសន្និដ្ឋិភាពជាមួយបរទេស ចែងថា “គឺជាអំពើត្រូវរ៉ូវគ្នាដោយសម្ងាត់ជាមួយរដ្ឋបរទេស ឬ ភ្នាក់ងារបរទេស ដើម្បីបង្កើតឱ្យ មានអំពើប្រទូស្តរ៉ាយ ឬ ឱ្យ មានអំពើឈ្លានពានប្រឆាំងនឹងព្រះរាជាណាចក្រកម្ពុជា”។ បទ សន្និដ្ឋិភាពជាមួយបរទេសត្រូវផ្តន្ទាទោសដាក់ពន្ធនាគារពី១៥ឆ្នាំទៅ៣០ឆ្នាំ ។
ដូច្នោះ កឹម សុខា ដែលមានសំណុំរឿងព្រហ្មទណ្ឌលេខ ៥៦៤២ ចុះថ្ងៃទី៣ ខែកញ្ញា ឆ្នាំ២០១៧នឹងត្រូវចៅក្រមស៊ើបសួរបញ្ជូនទៅជំរះព្រោះបើមិនជំរះទោសទេរឿងចោទលោកកឹមសុខាក្បត់ជាតិនឹងដូចពាក្យអ្នកលេងល្បែងថាអ៊ុងកាលុងមិនខាន។ បន្ទាប់ពីជម្រះទោសដែលគេជឿថាក្នុងខែធ្នូឬយ៉ាងយូខែមករា២០២០ទោះជាប់គុកប៉ុន្មានឆ្នាំក៏ដោយអាហ្នឹងវាចូលភារៈកិច្ចនាយករដ្ឋមន្ត្រីម្តង។
ទោះជាយ៉ាងណាកាលពីថ្ងៃទី១៤វិច្ឆិកាក្នុងពិធីសម្ពោធរោងចក្រផលិតស៊ីម៉ង់ថៃប៊ុនរ៉ុងនៅខេត្តកំពតសម្តេចនាយករដ្ឋមន្ត្រីតេជោហ៊ុនសែនបានប្រកាសថា សម្តេចនឹងមិនស៊ីញ៉េសុំលើកលែងទោសឲ្យលោកសមរង្ស៊ីទេ!។
បើចឹងមែននោះ លោកកឹមសុខាពេលរួចទោសហើយវឹលចូលឆាកនយោបាយវិញនឹងក្លាយជាកុកហើតែឯងហើយ។មិនដឹងថាតើលោកកឹមសុខាមានយុទ្ធសាស្ត្រីអីដើម្បីប្រម៉ូលកម្លាំងសរ៉ុបឲ្យខ្លាំងតទល់ជាមួយគណបក្សប្រជាជនវិញនោះបែបណាទេ?។ព្រោះសម្តេចហ៊ុនសែនប្រកាសថាដោយការជឿជាក់ថាលោកនឹងធ្វើជានាយករដ្ឋមន្ត្រីរហូតដល់ឆ្នាំ២០២៨ណុះ៕
