ភ្នំពេញ ៖ រថយន្តឡិចស៊ិសស៊េរីទំនើបរបស់ លោក ករុណា ពេជ្រតារាចម្រៀងនិងជាអ្នកគ្រប់គ្រងទូទៅរបស់ផលិតកម្មថោនត្រូវបានជនមិនស្គាល់មួយក្រុមគប់បែកកញ្ចាក់ក្រោយពីស្ទាក់ហៅឲ្យឈប់មិនឈប់ធ្វើឲ្យលោកភ័យព្រលឹងចុសក់តែលោកមិនប្រាប់ថានៅតំបន់ណានោះទេ។
លោក ករុណា ពេជ្រ សរសេររៀបបង្ហោះក្នុងហ្វេសប៊ុកថាថ្ងៃនេះខ្ញុំសូមចែករំលែកព័ត៌មាន ដែលជនឆ្លៀតឱ កាសគប់កញ្ចក់ឡានរបស់ខ្លួន ដើម្បីធ្វើសកម្មភាពនានា ពេលដែលមកដល់កន្លែងស្ងាត់ពេលយប់…។ហេតុនេះពេលយប់ស្ងាត់សូមបងប្អូនប្រុងប្រយ័ត្ន អោយបានល្អ ព្រោះគ្រប់កាលះទេសះគ្រប់ទីកន្លែង និង គ្រប់បណ្តាប្រទេសទាំងអស់លើពិភពលោកតែងតែមានជនមួយចំនួនតូចតែងតែឆ្លៀតឱកាស ពេលយើងគ្រប់គ្នាខ្វះការប្រុងប្រយ័ត្ន និងនឹកស្មានមិនដល់…។
លោក ករុណា ពេជ្រ បញ្ជាក់ថា ជនឆ្លៀតឱកាសមានគ្នា៥នាក់ ស្ទាក់ឡានលោកអោយឈប់ដល់លោកអត់ឈប់ពួកគេក៏គប់ឡានលោកតែម្តងប៉ុន្តែលោកមិនឈប់នៅតែបន្តបើកទៅមុខរហូត។ហើយក៏សំណាងដែលគប់មិនចំកន្លែងលោកបើក ហើយត្រូវតែកញ្ចក់ចំហៀងខាងក្រោយតៃកុងប្រសិនចំតួឡានវិញគឺរឹតតែចប់ហ្មង សរុបមកចុងក្រោយដូរកញ្ចក់អស់១០០ដុល្លារប៉ុន្តែព្រលឹងហោះទៅស៊ីព្រលិតបាត់ហើយ។
សូមកុំជិះផ្លូវស្ងាត់ ហើយមានហេតុការណ៍អ្វីកុំឈប់កន្លែងស្ងាត់អោយសោះ ហើយសូមប្រុងប្រយ័ត្នគ្រប់ពេលវេលាព្រោះជនឆ្លៀតឱកាសមួយចំនួនតូច អាចឆ្លៀតធ្វើមកលើយើងបានពេលដែលយើងភ្លេចខ្លួនតែប៉ុណ្ណោះ។
