ភ្នំពេញ ៖ ការខ្វះខាតថាមពលអគ្គិសនីប្រើប្រាស់ជាថ្មីទៀតនៅក្នុងរាជធានីភ្នំពេញ នៅក្នុងឆ្នាំនេះនៅតែជាកង្វល់របស់នាយករដ្ឋមន្ត្រី ។ សម្តេចតេជោហ៊ុន សែន បានជំរុញឲ្យក្រសួងរ៉ែនិងថាមពលធ្វើការទាំងយប់ទាំង ថ្ងៃដើម្បីឲ្យការសាងសង់រោង ចក្រអគ្គិសនីដើរដោយប្រេងខ្មៅ ៤០០ មេហ្គាវ៉ាត់ដំណើរការបាននៅក្នុងខែឧសភាខាងមុខ។
ថ្លែង នៅក្នុងពិធីប្រកាសដាក់ឲ្យប្រើ«ផែនការយុទ្ធសាស្ដ្រអភិវឌ្ឍន៍ជាតិ (ផ.យ.អ.ជ.) ២០១៩-២០២៣»នៅព្រឹកថ្ងៃទី ៧ ខែវិច្ឆិកានេះនៅរាជធានីភ្នំពេញសម្តេចតេជោនាយករដ្ឋមន្ត្រីបានមានប្រសាសន៍ថា៖«អ្វីដែលជាការកង្វល់គឺនៅត្រង់ថាវារីអគ្គិសនីរបស់យើងចាប់ផ្ដើមខ្វះខាតទឹកទៀតហើយ។បើតាមតួលេខដែលលោកស៊ុយសែ មបានផ្ញើឲ្យខ្ញុំជារៀងរាល់ឆ្នាំឥឡូវនេះនៅពេលម្សិលមិញនេះការផលិតអគ្គិសនីរបស់យើងដែលមានកំលាំងរហូតដល់ ១,៣២៨ ម៉េហ្គាវ៉ាត់ឥឡូវដើរបានតែ១៨៤ មេហ្គាវ៉ាត់ទៅ ៦៨៧ មេហ្គាវ៉ាត់តែប៉ុណ្ណោះអញ្ចឹងទេស្ថានភាពនេះមិនទាន់ដល់ខែប្រាំងផង។ប៉ុន្តែស្ថានភាពបា នធ្លាក់ចុះហើយអញ្ចឹងទេអគ្គិសនីរបស់យើងនឹងមានបញ្ហាទៀត»។
សម្តេចបានឲ្យដឹងថាសម្តេចបានជួបជាមួយលោក ថងលួន ស៊ីសូលីត នាយករដ្ឋមន្ត្រីឡាវអំពីការផ្តល់អគ្គិសនីពីដនសាហុងរបស់ឡាវ ២០០ មេហ្គាវ៉ាត់ ប៉ុន្តែបច្ចុប្បន្ននេះទឹកវាទាបមិនអាចរុញទូប៊ីនបានទៀត។ ប៉ុន្តែនាយករដ្ឋមន្ត្រីឡាវបានសន្យាថានិងទាញភ្លើងពីកន្លែងជ្សេងផ្តល់ឲ្យកម្ពុជាឲ្យបាន ២០០ មេហ្គាវ៉ាត់ ។ ដូច្នេះយើងត្រៀមទិញភ្លើងពីវៀតណាមបន្ថែមទៀត និង ពីឡាវបន្តទៀត ។ សម្តេចបានឲ្យដឹងទៀតថាអគ្គិសនីដែលរាជរដ្ឋាភិបាលបានទិញសម្រាប់បំរើឲ្យរាជធានីភ្នំពេញចំនួន៤00 មេហ្គាវ៉ាត់ គឺរៀបចំតាមការគ្រោងរួចរាល់នៅ ចុងខែមេសារដ្ឋាភិបាលបានបោះលុយចេញជិត៤០០លានដុល្លារដោយទិញម៉ាស៊ីនអគ្គិសនីពីអាល្លឺម៉ង់ចំនួន ២00 មេហ្គាវ៉ាត់និងពីហ្វាំងឡង់ដ៍ចំនួន ២00 មេហ្គាវ៉ាត់សរុបទាំងអស់៤00មេហ្គាវ៉ាត់យកមកដាក់ជាប់នៅភ្នំពេញ នៅល្វាឯមដើម្បីរុញភ្លើងចូលទីក្រុងភ្នំពេញដើម្បីធានាថាភ្នំពេញមិនត្រូវកាត់ ភ្លើងទៀតទេ ។
សម្តេចតេជោក៏បានឲ្យលោក ស៊ុយ សែមរដ្ឋមន្ត្រីក្រសួងរ៉ែ បង្កើនការសាងសង់រោងចក្រនៅល្វាឯមនេះទាំងយប់ទាំងថ្ងៃដើម្បីឲ្យអគ្គិសនី ៤00 មេហ្គាវ៉ាត់នេះ រវាមកបានលឿនជាងមុនកុំធ្វើការតែថ្ងៃគឺត្រូវបង្កើនការធ្វើការទាំងថ្ងៃទាំងយប់បង្កើនចំនួនកម្មករចូលធ្វើនៅការដ្ឋាននោះ ។ សម្តេចបន្តថាការកាត់ភ្លើង ទីក្រុងភ្នំពេញវាលំបាកណាស់។
