កំពង់ចាម ៖ ម្ចាស់ជយលាភីកម្មវិធីប្រឡងចម្រៀងលំដាប់ពិភពលោក X Factor Cambodiaរបស់ស្ថានីយ៍ទូរទស្សន៍ហង្សមាស បានទៅស្រុកកំណើតនៅឯឃុំតាំងក្រាំងស្រុកបាធាយខេត្តកំពង់ចាមដើម្បីយកពានរង្វាន់ទៅជូនឪពុកម្ដាយនិងព្រះសង្ឃជាបងដែលជាអ្នកជួយឧបត្ថម្ភ ។
យុវជនចាន់ សុបញ្ញាជាបេក្ខជនធ្លាប់បរាជ័យម្ដងកាលប្រឡងកម្មវិធី The Voice Kids បានបង្ហោះរូបប៉ុន្មានសន្លឹក និង សរសេរថា៖ ពុកម៉ែ ជាបេះដូងកូន ជាកែវភ្នែកកូនទាំងពីរ ពុកម៉ែ ជាម្ចាស់ជីវិតកូន កូនមានថ្ងៃនេះ ក៏ព្រោះពុកម៉ែ ពុកម៉ែទាំងពីរជាអ្នកផ្ដល់កំណើតឱ្យកូន ក្ដីស្រឡាញ់មួយនេះ កូនៗមិនអាចនិយាយឱ្យអស់បានទេតែក្ដីស្រឡាញ់របស់ពុកម៉ែនៅក្នុងបេះដូងកូនៗជានិច្ច។
ពានដ៏មានតម្លៃមួយនេះ ជារបស់ពុកម៉ែ ក៏ជារបស់ពុកម៉ែបងប្អូនទូទាំងប្រទេសផងដែរ កូនសូមជូនពរពុកម៉ែមានសុខភាពល្អ ដើម្បីនៅជាម្លប់ដល់កូនៗគ្រប់គ្នា ។ជ័យលាភីX Factor Cambodia រដូវកាលទី១យុវជនចាន់ សុបញ្ញាត្រូវបានគេនិយាយថា៖ មានឪពុកជាគ្រូបង្រៀនមុខវិជ្ជាគណិតវិទ្យា នៅវិទ្យាល័យជើងឆ្នុក ស្រុកបាធាយ ខេត្តកំពង់ចាម និងម្ដាយមេផ្ទះ ។
ពេលជួបសំភាសន៍ជាមួយលោក មាស រិទ្ធីនៅហង្សមាសម្ចាស់ពានរង្វាន់ X factor រដូវកាលទី១ ចាន់ សុបញ្ញាដែលមានបងប្អូនប្រុស៦នាក់ខ្លួនជាប្អូនពៅ បានប្រាប់ថាប្រាក់ដែលទទួលបានពេលឈ្នះរង្វាន់ គឺបានប្រគល់អោយម្តាយមួយភាគធំ ដើម្បីឲ្យអ្នកមានគុណរបស់ប្អូនសងបំណុលដែលជំពាក់គេ។
កាលពីថ្ងៃទី ០៤ ខែវិច្ឆិកា កូនក្រុមវ័យក្មេងរបស់អ្នកនាង ឱក សុគន្ធកញ្ញា ក៏បាននាំយកពានរង្វាន់ទៅថ្វាយបង្គំមុខព្រះសង្ឃដែលលោកបងនិងជាអ្នកនៅពីក្រោយ និង ជាបុគ្គលដ៏សំខាន់ដែលជួយជ្រោមជ្រែង ចាន់ សុបញ្ញា ក្នុងការប្រឡងកម្មវិធីលំដាប់ពិភពលោកមួយនេះផងដែរ ។ បញ្ញា ធ្លាប់រស់នៅ ក្រោមការមើលថែពីព្រះសង្ឃ ដែលជាត្រូវបងប្អូនជីដូនមួយ តាំងពីតូចក្រូចឆ្មាមកម្ល៉េះ ។
