ភ្នំពេញ៖ នាល្ងាចថ្ងៃទី៤ ខែវិច្ឆិកា នេះ អ្នកនាង ធី សុវណ្ណថាដែលទើបរៀបការជាមួយលោក ផែ សុវណ្ណារិទ្ធកាលពីថ្ងៃទី២វិច្ឆិកានៅតំបន់ព្រៃអារ៉ែងបាន បង្ហាញអារម្មណ៍ឈឺចាប់ និង ខឹងស្អប់លោក ហេង ឡុងប្រធានសមាគមមិត្តសិល្បៈស្ម័គ្រចិត្តជួយសង្គមខ្លាំងណាស់ព្រោះលោកហេងឡុងយកពិធីរៀបការរបស់ នាង មកលេងសើច។
អ្នកនាង ធី សុវណ្ណថាបាន ផ្ញើសារព្រមានដោយទុកពេល អោយលោក ហេង ឡុង ២៤ម៉ោងបង្ហាញមុខនារីម្នាក់ ដែលវាយប្រហារកញ្ញាថ្ងៃរៀបការ បើនាងមិនចេញមុខទេ កញ្ញានឹងប្តឹងលោក ហេង ឡុងករណីបង្កើតព័ត៌មានក្លែងក្លាយនិងបរិហាកេរ្តិ៍ ។ សូមបញ្ជាក់ដែរថាក្នុងថ្ងៃរៀបការនោះលោកផែសុវណ្ណរិទ្ធបានបដិសេធ។
ស្ថិតក្នុងសម្លៀកបំពាក់រៀបការ ផងនោះនាង ធី សុវណ្ណថា សរសេរតាមបណ្តាញសង្គមហ្វេសប៊ុក ថា “ធ្លាប់មានអ្នកវាយប្រហារ ជេរខ្ញុំជាច្រើន ខ្ញុំមិនដែលខឹងស្អប់ នរណាម្នាក់ទេ តែពេលនេះ ខ្ញុំមានអារម្មណ៍ឈឺចាប់ ខឹងស្អប់លោក ហេង ឡុង ខ្លាំងណាស់ យកពិធីរៀបការខ្ញុំលេងសើច នេះជារឿងអាក្រក់បំផុត មិនអាចអនុគ្រោះបានទេ នេះជាអារម្មណ៍ពិត”។
ក្រោយពីផ្ទុះរឿងនេះ លោក ហេង ឡុង បានផ្សាយផ្ទាល់( Live) វីដេអូជាមួយកញ្ញា ចរិយាដែល ជាម្ចាស់រឿងនេះ ។លោក ហេង ឡុង វិញ នៅល្ងាចថ្ងៃទី៤ ខែវិច្ឆិកា នេះ បានជួបសម្ភាស៍ជាមួយកញ្ញា ចរិយា និយាយពីដំណើររឿងនេះ និង បានសរសេរយ៉ាងដូច្នេះ ថា “មាសសុទ្ធ មិនខ្លាចភ្លើងរឿងពិត ឬ មិនពិត មិនអាស្រ័យលើរូបខ្ញុំទេ អាស្រ័យលើបុគ្គលទាំងសងខាង បានប្រព្រឹត្តពិតមែន ឬក៏អត់?”។
លោក ហេង ឡុង បន្តថា “តួនាទីរបស់សមាគមមិត្តសិល្បៈស្ម័គ្រចិត្តជួយសង្គម ដែលមានរូបខ្ញុំបាទជាប្រធាន ទទួលរាល់ពាក្យបណ្ដឹងរបស់អ្នកសិល្បៈដែលជាសមាជិក ត្រង់ថាខាងណាខុសខាងណាត្រូវ ទុកលទ្ធភាពឲ្យច្បាប់ជាអ្នករកយុត្តិធម៌ជូនទាំងសងខាង”។ នាងចរិយាដែលអះអាងជាតារាចម្រៀងម្នាក់ដែរបានអះអាងថានាងនិងផែសុវណ្ណរីទ្ធបានស្រលាញ់និងរស់នៅជាមួយគ្នា៩ឆ្នាំទីបំផុតផែសុវណ្ណរីទ្ធក្បត់នាងដោយសារ(នាងនោះខ្លាំង)។នាងមិនខ្លាចឡើងតុលាការទេបើមានការផ្តឹងផ្តល់មែន!។
សូមបងប្អូនទាំងអស់គ្នាមើលការបកស្រាយរបស់កញ្ញា ចរិយា បង្ហាញភស្តុតាងជាមួយនិងលោក ផែ សុវណ្ណារិទ្ធ កាលពីពួកគាត់នៅជាសង្សារជាមួយនឹងគ្នាកាលពីជាង 9 ឆ្នាំមុន។
Posted by Heng Loong on Monday, November 4, 2019
