ចិន៖បារាំង បាននិងកំពុងនាំមុខប្រទេសក្នុងតំបន់អឺរ៉ុប បង្កើនទំនាក់ទំនងសេដ្ឋកិច្ចជាមួយប្រទេសចិនក្នុងពេលដែលប្រធានាធិបតីអាមេរិកសម័យលោកត្រាំ គិតតែពីផលប្រយោជន៍ខ្លួនឯង បោះបង់សម្ពន្ធមិត្តរាប់សិបឆ្នាំ បានធ្វើឲ្យប្រទេសនៅតំបន់អឺរ៉ុប ខកចិត្តយ៉ាងខ្លាំង។
ក្នុងពេលដែលសង្គ្រាមពាណិជ្ជកម្មរវាងអាមេរិក និងចិន មិនទាន់ថយកម្តៅ បានខិតខំស្វែងរក ផ្លូវដើរផ្សេងសម្រាប់បារាំងផ្ទាល់ ដោយបង្កើនទំនាក់ទំនងជាមួយទីក្រុងប៉េកាំង កាន់តែស្អិតល្មួតជាងមុន។ដំណើរទស្សនកិច្ចចាប់ពីថ្ងៃទី ៤ខែវិច្ឆិកានៅប្រទេសចិនរបស់ប្រធានាធិបតីបារាំង លោកអេម៉ានុយអែលម៉ាក្រុន( Emmanuel Macron) គឺជាដំណើរទស្សនកិច្ច លើកទីពីរ របស់លោក ទៅកាន់ប្រទេសចិន។
លោកម៉ាក្រុង មិនត្រឹមតែស្វែងរកកិច្ចសហប្រតិបត្តិការជាមួយចិននោះឡើយ ថែមទាំងធានាជូនអឺរ៉ុប មិនធ្លាក់ចូលក្នុងសង្គ្រាមពាណិជ្ជកម្ម ក៏ដូចជាអ្នកចាញ់នៅក្នុងសង្គ្រាម ពាណិជ្ជកម្មចិន អាមេរិក។នៅក្នុងដំណើរទស្សនកិច្ច ទៅកាន់ប្រទេសចិនលើកនេះ ប្រធានាធិបតី ម៉ាក្រុង បានដឹកនាំ សមាជិក ដែលមានប្រធាន ក្រុមហ៊ុនធំៗរបស់បារាំង ទៅកាន់ប្រទេសចិន ដើម្បីស្វែងរកឱកាស នៃការបង្កើនទំនាក់ទំនងសេដ្ឋកិច្ច ពាណិជ្ជកម្ម។សូមបញ្ជាក់ថាចិនជាអតិថិជនលំដាប់ទី៧របស់បារាំង ហើយក៏ជាអ្នកទទួលការនាំចូលទំនិញបារាំង ធំ លំដាប់ទី២។ នៅឆ្នាំ២០១៨កន្លងទៅ ការនាំទំនិញបារាំងចេញទៅស្រុកចិន បានកើនឡើង១១ភាគរយ ដែលមានរង្វង់ទឹកប្រាក់ ប្រមាណ២១ពាន់លានអឺរ៉ូ។
នៅពេលនេះ បារាំងនិងអឺរ៉ុប បានប្រែក្លាយ ភាពតានតឹង អាមេរិក ចិន ក្នុងវិស័យពាណិជ្ជកម្ម ទៅជាឱកាស ពង្រីកកិច្ចសហប្រតិបត្តិការជាមួយចិន ។ បារាំង គឺជាក្បាលម៉ាស៊ីនរថភ្លើង ដឹកនាំអឺរ៉ុប ឆ្ពោះទៅរកភាពល្អប្រសើរ ក្នុងទំនាក់ទំនងសេដ្ឋកិច្ច ពេលប្រធានាធិបតី ម៉ាក្រុង ទស្សនកិច្ច ទៅកាន់ប្រទេសចិន។
បច្ចុប្បន្ន ចិន បានដើរតួនាទីយ៉ាងសំខាន់នៅលើពិភពលោក ក្នុងការរក្សាសន្តិសភាពស្ថេរភាពសេដ្ឋកិច្ច ជាតិ ដោយចិនបានរួចចំណែកជួយដល់ប្រទេសជាច្រើន ពង្រឹងនិងពង្រីកសេដ្ឋកិច្ច របស់ខ្លួន ។
មិនថានៅក្នុងប្រទេស អ្នកមានអឺរ៉ុប នោះឡើយ សូម្បីតែអាហ្រិក អាមេរិកឡាទីន អាស៊ីពិសេសគឺអាស៊ាន ចិនបានដើរតួនាទីយ៉ាងសំខាន់ក្នុងការអភិវឌ្ឍន៍សេដ្ឋកិច្ច ។មន្ត្រីការិយាល័យប្រធានាធិបតីបារាំងបាននិយាយនៅថ្ងៃអង្គារទី៥ខែវិច្ឆិកាថា ប្រធានាធិបតីបារាំងលោក អេមម៉ានុយអែល ម៉ាក្រុងនិង ប្រធានាធិបតីចិនលោក ស៊ី ជីនពីង នឹងចុះហត្ថលេខាលើកិច្ចព្រមព្រៀងមួយដែលរួមបញ្ចូលទាំងការកំណត់ខ្លឹមសារ”ការមិនផ្លាស់ប្តូរនៃកិច្ចព្រមព្រៀងអាកាសធាតុក្រុងប៉ារីស”។
កិច្ចព្រមព្រៀងនេះធ្វើឡើងបន្ទាប់ពីរដ្ឋបាលរបស់លោកដូណាល់ត្រាំ ប្រធានាធិបតីអាម៉េរិកបាននិយាយកាលពីថ្ងៃចន្ទថា ខ្លួនបានរៀបចំឯកសារដើម្បីដកសហរដ្ឋអាម៉េរិកចេញពី កិច្ចព្រមព្រៀងក្រុងប៉ារីសនេះ ដែលជាជំហានផ្លូវការដំបូងក្នុងដំណើរការមួយឆ្នាំដើម្បីចាកចេញពីកិច្ចព្រមព្រៀងពិភពលោកដែលទប់ទល់នឹងការប្រែប្រួលអាកាសធាតុមួយនេះ។
