ភ្នំពេញ៖ អ្នកនាងខ្ញុងតារាកំប្លែងដែលមានឈ្មោះពិតស្រេងសុខានដា បច្ចុប្បន្នកាន់តែមានហាងឆេង និងប្រជាប្រិយភាពកាន់តែខ្លាំងឡើងនៅក្នុងការងារសិល្បៈក៏ដូចមុខរបរផ្សែងដោយសារនាងមិនដែលឮថាមានរឿងអាស្រូវជាមួយអតិថិជនរបស់នាងឡើយ ។
ជាក់ស្តែងនៅថ្ងៃទី១វិ្ចឆិកា នេះ តារាស្រីរូបនេះត្រូវបានហៅឲ្យទៅចូលរួមកាត់សក់ ជាមួយលោកពែកមីនៅក្នុងមង្គលការរបស់នាង ធី សុវណ្ណថាអតីតតារានយោបាយល្បីឈ្មោះម្នាក់ជាមួយ និងលោកផែសុវណ្ណរិទ្ធាំដៃគូនៅតំបន់អារ៉ែង។
អ្វីដែលគេបាន ឃើញនោះគឺថាផ្លូវទៅកាន់ពិធីមង្គលការមួយនេះ មើលទៅពិតជាពិបាកខ្លាំង ព្រោះត្រូវឆ្លងកាត់ទឹកផង រីឯផ្លូវជិះក៏ឆ្ងាយ ធ្វើឲ្យតារាស្រីរូបនេះរអ៊ូ ព្រោះនេះជាលើកទីមួយហើយដែលនាងមកកម្មវិធី ត្រូវដើរកាត់ទឹកបែបនេះ ទាំងដែលខ្លួនបានតុបតែងមុខមាត់ ស្លៀកក្បិនយ៉ាងស្រស់ស្អាតត្រៀមខ្លួនសម្រាប់កាត់សក់ជូន កូនកម្លោះក្រមុំទៅហើយ។នាងរអ៊ូថានេះជាលើកទីមួយហើយ!។
ទោះជាយ៉ាងណាអ្នកគាំទ្រក៏បានសម្តែងការសរសើរដល់នាង ដែលទោះបីជាមានបញ្ហាបែបនេះយ៉ាងណាក្តី នាងនៅតែបន្តដំណើរទៅមុខ និងមិនបោះបង់ចោលនោះទេ។ ពិធីរៀបមង្គលការរបស់ កញ្ញា ធី សុវណ្ណថា រួមជាមួយគូស្នេហ៍ លោក ផែ សុវណ្ណរិទ្ធដែលមានទំនាកទំនងជាមួយគ្នា៧ឆ្នាំហើយមកនោះ ធ្វើឡើង ក្រោមការអញ្ជើញចូលរួម ពីភ្ញៀវកិត្តិយស ដែលជាសាច់ញាតិ និងមិត្ដភក្ដិជិតដិតបន្ដិចបន្ដួចតែប៉ុណ្ណោះ ដែលពិធីមួយនេះនឹងប្រារព្ធធ្វើឡើងនៅ វេលាម៉ោង ៥និង៣០នាទីល្ងាចនេះ ស្ថិតក្នុងឃុំថ្មដូងពៅ ស្រុកថ្មបាំង ខេត្តកោះកុង (តំបន់អារែង)កន្លែងដែលនាងធីសុវណ្ណថាចេញសកម្មភាពនយោបាយដំបូង។
