ភ្នំពេញ ៖ លោកស្រីមេធាវី កេត គន្ធាបុប្ផា និងប្អូនប្រុសឈ្មោះ កេត កត្តញូតាបានរងការចោទថា បានរួមគំនិតគ្នា បោកប្រាស់ប្រាក់ថ្លៃកក់រថយន្ត ម៉ាក Rolls Royce ស៊េរីឆ្នាំ២០១៩ ចំនួន២៥២,០០០ដុល្លារសហរដ្ឋអាមេរិក។
ស្ត្រីម្នាក់ ដែលគេស្គាល់ជាថៅកែផលិតផល Online មានឈ្មោះ អ៊ាន សៀវម៉ីថ្មីៗនេះ បានប្រើគណនី Facebook ឈ្មោះ Siv mey Online Shop បង្ហោះសារភ្ជាប់ជាមួយរូបថតផង ដោយចោទប្រកាន់ថា «ជំរាបសួរពុកម៉ែបងប្អូនទាំងអស់គ្នា ..! សូមប្រុងប្រយ័ត្នចំពោះជនទាំងពីរនាក់បងប្អូនបង្កើតនេះផង ពីរនាក់នេះ បានរួមគំនិតគ្នាបោកប្រាស់ប្រាក់ថ្លៃកក់រថយន្ត ម៉ាក Rolls Royce 2019 ចំនួន ២៥២០០០$។ ដោយទុកចិត្តជឿជាក់លើមនុស្សរាប់អានគ្នានាំទៅទិញរថយន្តពីជនឆរបោកឈ្មោះ កេត កត្តញូតា និងបងស្រីវាឈ្មោះ កេត គន្ធាបុផ្ផា ជាមេធាវីទៀត បានបោះត្រាធានាដឹងលឺកិច្ចសន្យារខាងលើនេះ… តែដល់ថ្ងៃកំណត់ រថយន្តក៏មិនមាន សុំប្រាក់កក់វិញក៏មិនមាន ហើយខាងខ្ញុំទុកឱកាសឱ្យច្រើនដងហើយ រយលានសន្យាមកដល់ពេលនេះ គឺជិតប្រាំខែហើយ។ ឥលូវនេះ សមត្ថកិច្ចកំពុងតាមប្រមាញ់ …។ សូមបងប្អូនជួយស៊ែរបន្តផង ដើម្បីកុំឱ្យជនឆរបោកទាំងពីរនាក់នេះ មកដើរបោកប្រាស់គេបន្តទៀត សូមអរគុណ»។
មិនទាន់អាចសុំការពន្យលពី លោកស្រីមេធាវី កេត គន្ធាបុប្ផា បានទេនៅព្រឹកថ្ងៃទី០១ ខែវិច្ឆិកា ឆ្នាំ២០១៩នេះដោយមិនដឹងអាស័យដ្ឋាន។
តែបើយោងតាមឯកសារកិច្ចព្រមព្រៀង ចុះថ្ងៃទី២៦ ខែមិថុនា ឆ្នាំ២០១៩ រវាងឈ្មោះ អ៊ាន សៀវម៉ី ជាភាគីអ្នកទិញ និងឈ្មោះ កេត កតញូតា ជាភាគីអ្នកលក់ គឺមានលោកស្រីមេធាវី កេត គន្ធាបុប្ផា ជាអ្នកប្រថាប់ត្រា បានឃើញ និងបញ្ជាក់ជាសាក្សីផងដែរ។ប៉ុនណឹងបោកឬអត់?។
