ភ្នំពេញ ៖ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានចោទ អតីតក្រុមបក្សប្រឆាំងថា ព្រួតគ្នាប្លុកអាខោនហ្វេសប៊ុករបស់ ក្រោយពីលោកនិយាយបញ្ហាព្រំដែន ។
ប្រាប់កាសែតនៅព្រឹកថ្ងៃទី២៨ ខែតុលា ឆ្នាំ២០១៩ លោក ខៀវ កាញារីទ្ធ បានលើកឡើងថា ក្រុមប្រឆាំងព្យាយាមប្លុកហ្វេសប៊ុក របស់លោក ដោយសារលោកបានបញ្ចេញវីឌីអូឃ្លីប ទាក់ទងព្រំដែន ដែលនិយាយថា តើខ្មែរពិតជាបាត់បង់ទឹកដី ឬក៏អត់?។តើខ្មែរបានបាត់ដីឬក៏អត់? ត្រង់នេះ លោកបានយកសំដីសម្តេចតេជោ ហ៊ុន សែន ពន្យល់ថាដីខ្មែរមិនរួមតូចទេ គឺដីខ្មែរឥឡូវធំជាងមុន , ២.កោះត្រល់បាត់ទៅណាជាដើម។
“នៅពេលឡើងពីវិឌីឃ្លីបទាំងនេះ ក្រុមប្រឆាំងខឹងក៏នាំគ្នាប្លុកហ្វេសប៊ុករបស់ខ្ញុំតែម្តង ព្រោះថាអ្នកដែលប្លុកហ្វេសប៊ុកនេះ សុទ្ធតែអ្នកមានអាខោនហ្វេសប៊ុកច្រើន គឺម្នាក់មានអាខោនរហូតដល់ ២០អាខោនក៏មាន ដូច្នេះបើពួកគេនាំគ្នាប្លុកច្រើននាក់នោះព័ត៌មាន នឹងបាត់បង់ដោយអូតូម៉ាទិច” ។លោករដ្ឋមន្ត្រី បញ្ជាក់យ៉ាងដូច្នេះ «វីដេអូឃ្លីបនេះ ធ្វើឱ្យពួកហ្នឹងខឹង។ ដល់ពេលវាខឹងនាំគ្នាប្លុក ហើយការប្លុកនេះស្រួលទេ ព្រោះគេមាន Account (គណនី Facebook) ២០, ៣០ អ៊ីចឹងតែ៥០បូក វាឃើញជិត ១ពាន់ហើយ។ តែ ១ពាន់ជាងអាបញ្ញាសិប្បនិម្មិតហ្នឹងវានឹងបិទ»។លោករដ្ឋមន្ត្រីបានទាក់ទង ទៅក្រុមហ៊ុនហ្វេសប៊ុកផ្ទាល់ ដើម្បីបើកអាខោនឡើងវិញ ។
“បន្តិចទៀតខ្ញុំ នឹងស្នើសុំឲ្យទៅក្រុមហ៊ុនហ្វេសប៊ុក ដើម្បីលុបឈ្មោះអាខោនណា ដែលប្រើប្រាស់ឈ្មោះខ្ញុំមិនត្រឹមត្រូវ គឺលុបចោលទាំងអស់។ នៅស្រុកគេប្តឹងហើយ ក្រុមហ៊ុនហ្វេសប៊ុកក៏អាចឲ្យឈ្មោះអ្នកដែលបន្លំហ្នឹងបានដែរ តែខ្ញុំមិនដល់ហ្នឹងពេកទេ ។ តែបើក្រុមហ្នឹងនៅតែប្រើទៀតនោះយើងនឹងស្នើសុំក្រុមហ៊ុនហ្វេសប៊ុកឲ្យឈ្មោះអ្នកហ្នឹង ដើម្បីប្តឹងទៅតុលាការ បើសិនយើងឃើញ អ្នកហ្នឹងប្រើអាខោនឈ្មោះ យើងហើយ ប្រើក្នុងន័យមិនល្អ” ។
លោករដ្ឋមន្ត្រីក៏បានឲ្យដឹងថា បច្ចុប្បន្នហ្វេសប៊ុករបស់លោកប្រើ តែពីអាខោនប៉ុណ្ណោះ អាខោនមួយមានឈ្មោះលោកពេញ (Kanharith khieu) និងមួយទៀតមានឈ្មោះ (Kanharith) ។សូមបញ្ជាក់ថា គណនី Facebook របស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានរងការពិន័យពីក្រុមហ៊ុន Facebook អស់រយៈពេលពីរថ្ងៃ ដោយមិនអនុញ្ញាតឱ្យបង្ហោះ ឬចែកចាយព័ត៌មានអ្វីនោះឡើយ។
លោករដ្ឋមន្ត្រី បានឲ្យដឹងថា គណនី Facebook របស់លោកត្រូវបានក្រុមហ៊ុន Facebook ពិន័យចំនួនពីរលើកមកហើយ។លើកទី១កើតមានឡើងកាលពីឆ្នាំ២០១៣ នៅក្រោយពេលការប្រកាសលទ្ធផលបោះឆ្នោតជាតិ។ លោករដ្ឋមន្ត្រីបានរំលឹកថា កាលណោះក្រោយពីលោកបានបង្ហោះពីលទ្ធផលបោះឆ្នោតអតីតគណបក្សសង្គ្រោះជាតិបាន ៥៥អាសនៈ ហើយគណបក្សប្រជាជនបាន ៦៨អាសនៈ ក៏មានក្រុមមិនសប្បាយចិត្តលើលទ្ធផលនាំគ្នាប្តឹង (Report) ទៅក្រុមហ៊ុន Facebook រហូត Facebook របស់លោករងពិន័យ។ កាលណោះលោករដ្ឋមន្ត្រី មិនបានតវ៉ាទៅក្រុមហ៊ុន Facebook នោះទេ ហើយក៏សម្រេចបង្កើតគណនី Facebook ថ្មី និងប្រើប្រាស់រហូតដល់ពេលបច្ចុប្បន្ន។