ខេត្តប៉ៃលិន៖ កម្លាំងសមត្ថកិច្ចក្រុងប៉ៃលិន សហការស្រាវជ្រាវ ជាមួយកម្លាំងនគរបាល ប៉ុស្ដិ៍ទូលល្វា ដែលដឹកនាំដោយលោក ថុល គឹមហ៊ឹង ព្រះរាជអាជ្ញារង នៃសាលាដំបូងខេត្តប៉ៃលិន បានបង្ក្រាបករណីជួញដូរ និងប្រើប្រាស់គ្រឿងញៀន ដោយឃាត់ខ្លួនជនសង្ស័យ ជាបន្តបន្ទាប់ចំនួន០៥នាក់ ព្រមទាំងដកហូតបានថ្នាំញៀន ចំនួន០៤កញ្ចប់តូច និងទូរស័ព្ទចំនួន០១ ។
ហេតុការណ៍ខាងលើកើតឡើងកាលពីម៉ោង១២ និង១០នាទីរសៀលថ្ងៃទី១០ ខែសីហា ឆ្នាំ២០១៦ ស្ថិតនៅភូមិអូរតាពុកក្រោម សង្កាត់ទូលល្វា ក្រុងប៉ៃលិន ខេត្តប៉ៃលិន ។
ប្រភពពីសមត្ថកិច្ចក្រុងប៉ៃលិន បានឲ្យដឹងថា៖ មុនឈានដល់ការឃាត់ខ្លួនជនសង្ស័យ ខាងលើ គឺសមត្ថកិច្ចក្រុងប៉ៃលិន បានសហការជាមួយកម្លាំងប៉ុស្ត៏ទូលល្វា ដោយមានការដឹកនាំពីលោក ថុល គឹមហ៊ឹង ព្រះរាជអាជ្ញារង នៃសាលាដំបូងខេត្តប៉ៃលិន យើងបានឆ្មប់បង្ក្រាបជាក់ស្តែង នៅចំនុចលំនៅដ្ឋានឈ្មោះ ទេព សុគុណ ភេទ ស្រី អាយុ៦១ ឆ្នាំ នៅភូមិអូរតាពុកក្រោម សង្កាត់ទទួលល្វា ក្រុង/ខេត្តប៉ៃលិន ដែលមាន កូនឈ្មោះ ម៉ាត់ អេ ភេទប្រុស អាយុ២៩ ឆ្នាំ ពេលនោះកំលាំងនគរបាល បានឃាត់ជនសង្ស័យ ០១នាក់ ឈ្មោះ ធី ធឿន ហៅ ម៉ៅ ឬ ហៅ ជាង ភេទប្រុស អាយុ២៩ ឆ្នាំ មានទីលំនៅភូមិ ប៉ាហ៊ីត្បូង សង្កាត់ប៉ៃលិន ក្រុង/ខេត្តប៉ៃលិន និងដកហូតជាក់ស្ដែងនូវគ្រឿងញៀន ម្ស៉ៅក្រាមពណ៏ស ( ម៉ាទឹកកក ) ចំនួន០១ កញ្ជប់ នៅលំនៅដ្ឋានឈ្មោះខាងលើ បន្ទាប់មក សមត្ថកិច្ចក៏ ធ្វើការបង្ក្រាបឆែកឆេរ លំនៅដ្ខានឈ្មោះ ទេព សុគុណ ខាងលើ បន្តទៀត និងបានរកឃើញ គ្រឿងញៀន ចំនួន ០៣កញ្ចប់ទៀត និង សំភារះសំរាប់ជក់មួយចំនួន ព្រមទាំងធ្វើការខាត់ខ្លួនជនសង្ស័យចំនួន ០៤នាក់ ដែលស្ថិតនៅក្នុងលំនៅដ្ឋាននោះបន្ថែមទៀត។
មន្ត្រីសមត្ថកិច្ចក្រុងប៉ៃលិន បានឲ្យដឹងទៀតថា៖ ជនសង្ស័យត្រូវឃាត់ខ្លួនទី១-ឈ្មោះ ធី ធៀន ភេទប្រុស អាយុ២៩ឆ្នាំ ជាជាងដែក រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ជាអ្នកជួញដូរគ្រឿងញៀន, ទី២ ឈ្មោះម៉ាត អេ ភេទប្រុស អាយុ២៩ឆ្នាំ ជាជាងអ៊ុតសក់ រស់នៅភូមិអូរតាពុកក្រោម សង្កាត់ទូលល្វា ក្រុងប៉ៃលិន ជាអ្នកជួញដូរគ្រឿងញៀន ,ទី៣ ឈ្មោះ ធី ចំរើន ភេទប្រុស អាយុ២៥ឆ្នាំ ជាកសិករ ភូមិអូរតាពុកក្រោម សង្កាត់ទូលល្វា ក្រុងប៉ៃលិន ជាអ្នកប្រើប្រាស់គ្រឿងញៀន , ទី៤ឈ្មោះ សុខ នឿន ភេទប្រុស អាយុ២៦ឆ្នាំ ជាកសិករ រស់នៅភូមិបរតាំងស៊ូ សង្កាត់បរយា ក្រុងប៉ៃលិន ជាអ្នកប្រើប្រាស់គ្រឿងញៀន,ទី៥ ឈ្មោះ ជិន សុភ័ក្រ ភេទប្រុស អាយុ៣៦ឆ្នាំ ជាកសិករ រស់នៅភូមិបរតាំងស៊ូ សង្កាត់បរយាខា ក្រុងប៉ៃលិន ជាអ្នកប្រើប្រាស់គ្រឿងញៀន ។
បច្ចប្បន្ន ជនសង្ស័យជួញដូរ និងប្រើប្រាស់ថ្នាំញៀនទាំង០៥នាក់ រួមជាមួយវត្ថុតាង ត្រូវបានបញ្ជូនទៅឃុំខ្លួនបណ្ដោះអាសន្ន នៅស្នងការនគរបាលខេត្តប៉ៃលិន ដើម្បីកសាងសំណុំរឿងបន្ត ទៅអយ្យការសាលាដំបូង ខេត្តប៉ៃលិន ចាត់ការតាមច្បាប់ ៕អត្ថបទ ទូច សុខន ប៉ៃលិន
