ភ្នំពេញ ៖ គណនីហ្វេសបុកមួយមានឈ្មោះ« វី រះ» បានបង្ហោះរឿងរ៉ាវគួរអោយអាណិតអាសូរមួយគឺបុរសក្រីក្រម្នាក់ធាក់កង់លក់ពោតស្ងោរត្រូវបានសន្តិសុខនៅក្នុងកោះពេជ្យបានចាប់យកពោតស្ងោររបស់គាត់ទៅបាត់ទោះបុរសរូបនេះសុំអង្វរលើកលេងទោសអោយគាត់ម្ដង តែមិនអាចកែប្រែបាន។អស់សង្ឃឹម គាត់ក៏ធាក់កង់ត្រលប់ទៅផ្ទះតែម្ដង ។
ម្ចាស់គណនីហ្វេសប៊ុកខាងលើបាននិយាយាថា«ខ្មែរដូចគ្នាទេអីក៏អាក្រក់ម្លេះ អាណិតគាត់ណាស់ លក់ពោតស្ងោរតិចតួចដើម្បីចិញ្ចឹមគ្រួសារ ឥលូវត្រូវសន្តិសុខកោះពេជ្រចាប់យកទៅបាត់ទៀត។គាត់បានលើកដៃសំពះសំទោសដែរ គាត់ថាបងសំុម្ដងទៅគាត់នឹងបណ្ដើរកង់ចេញ តែសន្តិសុខនៅតែមិនព្រមហើយសន្តិសុខលើកពោតស្ងោរដាក់ឡើងម៉ូតូជិះចេញទៅហើយគាត់ក៏ជិះកង់ចេញទៅតាមក្រោយបាត់ទៅដែរបើរមានបងប្អូនណាលក់ដូរនៅកោះពេជ្រសូមប្រយ្នត័ផង»។
ក្រោយពីចេញពត៍មាននេះមកក៏មានសប្បុរសជនចេញមុខជួយឧបត្ថម្ភដូចជាម្ចាស់ហ្វេសប៊ុកឈ្មោះតាំងឡេងនិងផែងវណ្ណៈក៏ចេញមុខជួយបានប្រមាណជាង២០០ដុល្លារអាមេរិកដែរ។ ក្រៅពីនេះមានលោកឧត្តមសេនីយ៍ ហ៊ុនជា 40 ម៉ឺនរៀល, ប្អូនស្រី Srey Noy Cheam 10 ដុល្លារ, ប្អូនស្រី Nãm Nãm Fãã Fãã 20 ដុល្លារ, ប្អូនស្រី Bee Ging 15 ដុល្លារ, បងប្រុស Xihu Xihu 22 ម៉ឺនរៀល, ប្អូនស្រី Love Terassa 25 ដុល្លារ, លោកប្អូន Morno Morano II និង ឌីម៉ី 20 ដុល្លារ, ប្អូនស្រី So Lita 20 ដុល្លារ, បងប្រុសប៉ូលិសចរាចរណ៍ ជាន ជីវន្ត័ 50 ដុល្លារ, ប្អូនស្រី Vi Ta 15 ដុល្លារ, ប្អូនប្រុស Virak TopBoy 10 ដុល្លារ, សំឡាញ់ Thel Vanneng 10 ដុល្លារ, ប្អូនប្រុស Leng Kim Leang 22 ម៉ឺនរៀល, ប្អូនស្រី Norng Savady 10 ដុល្លារ។ សុំទោសផង នៅមានប្រាក់ដែលខ្ញុំដកមិនទាន់បាន។នេះបើតាមលោកសុវណ្ណរិទ្ធីឲ្យដឹង។
ជនដែលជួបគ្រោះតែក្លាយជាលាភមានឈ្មោះ ជាប ទូច ប្រពន្ធ ឈ្មោះ ឈាង គន្ធា មានកូន ២ នាក់ មានស្រុកកំណើតនៅស្រុកព្រះស្ដេច ខេត្ត ព្រៃវែង បានមកជួលបន្ទប់គេស្នាក់នៅរកស៊ីស្ងោរពោតដើរលក់ដើម្បីផ្គត់ផ្គង់ជីវភាពគ្រួសាររបស់គាត់។សម្រាប់ខាងសន្តិសុខវិញនិយាយថាគាត់ធ្វើតាមតែបញ្ជាមេខាងលើតែប៉ុណ្ណោះព្រោះគេហាមមិនឲ្យមានការលកដូរក្រៅពីអ្នកដេលមានសិទ្ធ៕
