ភ្នំពេញ ៖ លោក អូស្មាន់ ការាខា (Osman Karaca) អតីតនាយកសាលាហ្សាម៉ាន់ ដែលបច្ចុប្បន្នជា សាលាផារ៉ាហ្គននៅកម្ពុជាត្រូវបានសមត្ថកិច្ចកម្ពុជាចាប់ខ្លួននៅថ្ងៃទី១៤ តុលា ហើយបានបញ្ជូនចេញ នាថ្ងៃទី១៨ តុលាតាមសំណូម គាគី តួកគី ដោយចោទថាជាប់ពាក់ព័ន្ធ ទៅនឹងអំពើភេរវកម្ម នៅតួកគី កាលពីឆ្នាំ២០១៦ ។
ដោយមានការកៀបសង្កត់ពីប្រទេសតួគីសាកលវិទ្យាល័យហ្សាម៉ាន់ត្រុវបានលក់ចេញឲ្យទៅលោកអ៊ាងសុផល្លែតអនុរដ្ឋលេខាធិការក្រសួងបរិស្ថានដោយដូឈ្មោះថាសកលវិទ្យាផារ៉ាហ្កនវិញមុនពេលដែលនាយករដ្ឋមន្ត្រីកម្ពុជាទៅទស្សនៈកិច្ចនៅប្រទេសតួគីកាលពីដើមឆ្នាំ២០១៩ ។
លោក Osman Karaca ត្រូវបានរដ្ឋាភិបាលតួកគី ចោទប្រកាន់ជាប់សង្ស័យ ពាក់ព័ន្ធអំពើភេរវកម្ម (ផ្តល់ជាហិរញ្ញវត្ថុ)ដើម្បីផ្តួលរំលំរដ្ឋាភិបាល លោកប្រធានាធិបតី អេដូហ្គាន់ (Erdoğan) កាលពីថ្ងៃទី១៥ ខែកក្កដា ឆ្នាំ២០១៦ ដែលឲ្យ មានអ្នកស្លាប់២៥១នាក់ និងអ្នករបួស២,២០០នាក់។
រដ្ឋាភិបាលតួគីចោទថារដ្ឋប្រហារ រៀបចំដោយ លោក Gülen ឥស្សរជននយោបាយដ៏ខ្លាំង១រូប ដែលភៀសខ្លួនទៅនៅសហរដ្ឋអាមេរិក។ លោកប្រធានាធិបតី អេដូហ្គាន់ (Erdoğan) បានបញ្ជារឲ្យចាប់ខ្លួនមនុស្សជាច្រើនពាន់និងដេញចោលយោធានិងមន្ត្រីរាប់ម៉ឺននាក់។ទោះជាយ៉ាងនេះក្តី នាពេលកន្លងទៅនាយក សាលាហ្សាម៉ាន់រូបនេះ បានចេញប្រកាសថា ខ្លួនមិនមានការពាក់ព័ន្ធនឹងរដ្ឋប្រហារនៅប្រទេសតួកគីនោះទេ។
លោក ឆាយ គឹមឃឿន អ្នកនាំពាក្យស្នងការដ្ឋាន នគរបាលជាតិបានប្រាប់ កាសែតពីមូលហេតុនៃការចាប់ខ្លួនថា “អំពើភេរវកម្ម គឺជាបញ្ហារួមរបស់សកលលោក។ រឿងច្បាប់អន្ដរជាតិ យើងគោរព ហើយបញ្ហាភេរវកម្ម គឺជាបញ្ហាសកល ហើយយើងធ្វើនេះ ការពារស្រុក យើងដែរ” ។
ការចាប់ខ្លួនអតីត នាយកសាលាហ្សាម៉ាន់ បន្ទាប់ពីកម្ពុជា-តួកគី បានប្ដេជ្ញាប្រឆាំងភេរវកម្មរួមគ្នា ដើម្បីរក្សាសន្តិសុខជាតិ ធ្វើឡើងរវាងរដ្ឋមន្ត្រី ក្រសួងមហាផ្ទៃ សម្ដេច ស ខេង និងលោក Suleyman Soylu រដ្ឋមន្ត្រីក្រសួងមហាផ្ទៃតួកគី នៅក្នុងពិធីចុះហត្ថលេខា ពង្រឹងសន្តិសុខរវាង ប្រទេសទាំងពីរ នាទីក្រុងអង់ការ៉ា ប្រទេសតួកគីកាលពីថ្ងៃទី៣០ក្កដាឆ្នាំ២០១៩។
បើតាមការផ្សាយ របស់សារព័ត៌មានថ្មីៗ ដកស្រង់ពីទូរទស្សន៍កាតា Aljazeera បានចុះផ្សាយកាលពីថ្ងៃទី២០ តុលា ថា ទីភ្នាក់ងារស៊ើបការណ៍សម្ងាត់ របស់តួកគី បានចាប់ខ្លួនលោក Osman Karaca សញ្ជាតិម៉ិកស៊ិក ដើមកំណើតតួកគីពីកម្ពុជា ហើយនាំទៅឃុំខ្លួននៅតួកគី ក្រោមបទចោទ “បង្កើត និងរៀបចំផែនការរដ្ឋប្រហារ” ជាមួយបណ្ដាញភេរវកម្មមួយ ដឹកនាំដោយលោក Fethullha Gulen ដែលកំពុងនិរទេសខ្លួន នៅសហរដ្ឋអាមេរិក៕
