ភ្នំពេញ៖ លោកឧត្តមសេនីយ៍ អា៑វ ចំរើន ស្នងការខេត្តកណ្តាលបានឯកភាពឲ្យថ្វើការស្រាវជ្រាវករណីដែលស្ត្រីម្នាក់ប្តឹងចោទប្រកាន់ នគរបាលបម្រើការងារនៅស្នង ការនគរបាលខេត្តកណ្តាលមួយរូប ពីការប្រើហឹង្សារហូតរលូតកូនហើយ។
លោកអ៊ាវចំរើនប្រាប់កាសែតថា បើមន្ត្រីជំនាញរកឃើញថា ឈ្មោះ ជិន ជឿន ពិតជាបានវៃស្ត្រីខាងលើរហូតរលូតកូនក្នុងផ្ទៃមែននោះ លោកនឹងចាត់វិធានការភ្លាមៗទៅលើជនបង្ក ហើយមកទល់ពេលនេះក្រុមការងាររបស់លោកក៏កំពុងបន្តនីតិវិធីស្រាវជ្រាវចំពោះករណីនេះ ដោយសារករណីប្រើអំពើហឹង្សាលើស្ត្រីរហូតរលូតកូនគឺជារឿងធំ ។
គួរបញ្ជាក់ថា នគរបាលមួយរូបឈ្មោះ ជិន ជឿនមានទីលំនៅភូមិកោះគរ ឃុំរកាខ្ពស់ ស្រុកស្អាង ខេត្តកណ្តាលជាមន្ត្រីបម្រើការងារនៅស្នងការដ្ឋាននគរបាលខេត្តកណ្តាល ផ្នែកបុគ្គលិក បានរងការចោទប្រកាន់ពីបទប្រើអំពើហឹង្សាលើស្ត្រីពពោះម្នាក់រហូតរបួសធ្ងន់ (រលូតកូន) កាលពីថ្ងៃទី ១៤ ខែតុលា ឆ្នាំ២០១៩ ស្ថិតនៅក្បែរអូតែលភ្នំពេញ ខណ្ឌដូនពេញ។
តាមប្រភពព័ត៌មានពីសាច់ញាតិដើមបណ្តឹងឈ្មោះ ស.ស.ល អាយុ២៦ឆ្នាំ បានអោយដឹងថារូបនាងបានទៅដាក់ពាក្យបណ្តឹងតាំងពីថ្ងៃទី១៤ ខែតុលា ឆ្នាំ២០១៩ ហើយសមត្ថកិច្ចជំនាញទទួលពាក្យបណ្តឹងហាក់បីដូចជា ព្រងើយកណ្តើយក្នុងការជួយរកយុត្តិធម៌ជូននារីជនរងគ្រោះនឹងទារកត្រូវបានស្លាប់បាត់បង់ជីវិតចេញពីផ្ទៃម្តាយ(រលូតកូន ) បាត់ទៅហើយ ។ ទោះជាយ៉ាងណាក៏ដោយករណីនេះ ឈ្មោះ ជិន ជឿន ជាមន្ត្រីនគរបាលនិងម្តាយបានចេញមុខមកបដិសេធតាមកាសែតថាគេមិនបានវ៉ៃទេគឺនារីរងគ្រោះដួលខ្លួនឯង?!៕
