ភ្នំពេញ ៖ រូបថតរូបសំណាកលោកវេជ្ជបណ្ឌឹតប៊ីតរីច្នឺរបិតាសង្គរោះកុមារខ្មែរត្រូវបានគេចែកចាយពេញបណ្តាញសង្គមហ្វេសប៊ុកដើម្បីបង្ហាញពីទឹកចិត្តស្រលាញ់ណិងកោរព។
រូបសំណាករស់រវើកត្រូវបាននិស្សិតសិក្សានៅមហាវិទ្យាល័យសិល្បៈសូនរូប នៃសាកលវិទ្យាល័យភូមិន្ទវិចិត្រសិល្បៈពីររូប រួមគ្នាកសាងឡើង ។
និស្សិតទាំងពីររូបនោះមានឈ្មោះ ឈិន ពិសិដ្ឋ និង ព្រិចពៅ ជាមិត្តរួមថ្នាក់នឹងគ្នា បានសម្រេចសូនរូបស្ថានិកមន្ទីរពេទ្យគន្ធបុប្ផា ជាការបញ្ចប់សារណា ហើយបច្ចុប្បន្ននេះ រូបចម្លាក់ដ៏ឥតខ្ចោះរបស់ពួកគេត្រូវបានយកមកតម្កល់នៅឯសាកលវិទ្យាល័យ ភូមិន្ទវិចិត្រសិល្បៈ ។
រូបថតសកម្មភាពជាច្រើន ដែលនិស្សិតទាំងពីររូបបានបង្ហោះនៅលើគណនីហ្វេសប៊ុក បានបង្ហាញឱ្យឃើញនូវការយកចិត្តទុកដាក់ ផ្ចិតផ្ចង់ និង ព្យាយាមបំផុត ។ លទ្ធផលនៃការយកចិត្តទុកដាក់ និង ចំណេះជំនាញដែលពួកគេមាន បានធ្វើឱ្យការសូនរូបនោះ គឺស្ទើរតែដូចគ្មានខុសទៅនឹងរូបពិតរបស់ លោក វេជ្ជបណ្ឌិត Beat Richner ។ ធ្វើឱ្យមហាជនមានការកោតសរសើរក្រៃលែងពីទឹកដៃដ៏ល្អឯកមួយនេះ ។ ថ្វីត្បិតលោកបានឃ្លាតឆ្ងាយលែងវិលត្រឡប់ តែអំពើល្អរបស់លោកក្នុងនាមជាជនបរទេសនៅតែឋិត ក្នុងបេះដូងកូនខ្មែរគ្រប់រូបគ្មានថ្ងៃភ្លេច ៕
