បន្ទាយមានជ័យ៖ អធិករណ៏មួយបានកើតនៅក្នុងវត្តអណ្តូងថ្មមាសស្ថិតនៅភូមិអណ្តូងថ្មមាសសង្កាត់ផ្សារកណ្ដាលក្រុងប៉ោយប៉ែត ខេត្តបន្ទាយមានជ័យគឺជាករណីព្រះចៅអធិការវត្តអណ្តូងថ្ម បានរងនូវការចោទប្រកាន់ពីមជ្ឈដ្ឋានពលរដ្ឋនិងពុទ្ធបរិសទ័ ក្រោយពីព្រះចៅអធិការវត្តខាងលេីឈ្មោះតឿប៊ុន ធឿន បានបែកធ្លាយរូបភាពជាច្រើនសន្លឹកតាមបណ្តាញព័ត៌មានសង្គមហ្វេសប៊ុក នាចុងឆ្នាំ២០១៧កន្លងទៅនេះ ។
រូបភាពដែលបែកធ្លាយនោះគឺផ្តើមចេញពីហ្វេសប៊ុក អតីតចៅអធិការវត្តមួយនៅក្រុងប៉ោយប៉ែតដែលមានរឿងអាស្រូវចិញ្ចឹមញោមក្មេងនៅខេត្តសៀមរាបរហូតដល់មានកូនមួយទើបបែករឿងក៏បង្ខំចិត្តចាកសិក្ខាបទតែម្តង ។
ចំណែកព្រះចៅអធិការវត្តអណ្តូងថ្មមាស ដែលមានរឿងអាស្រូវលួចលាក់ចេញទៅសប្បាយនៅក្រៅវត្តម្តងម្កាលដែរនោះ កន្លងទៅត្រូវបានមន្ត្រីសង្ឃខេត្តបន្ទាយមានជ័យ បង្ខំអោយចេញពីវត្តម្តងរួចមកហើយកាលពីចុងឆ្នាំ២០១៨បន្ទាប់ពីមន្ត្រីសង្ឃយល់ឃើញថាទង្វើរបស់ចៅអធិការវត្តខាងលើពិតជាបាន ប្រព្រឹត្តិផ្ទុយពីពុទ្ធានុញ្ញាតដែលនឹងធ្វើអោយមានឱនភាពដល់វិស័យព្រះពុទ្ធសាសនា។
តែក្រោយមកមិនដឹងជាយ៉ាងម៉េចចស្រាប់តែព្រះចៅអធិការវត្តអណ្តូងថ្ម នាម តឿប៊ុនធឿន លេចវត្តមានសារជាថ្មីចំថ្ងៃកៀកចូលព្រះវស្សាមកដល់ជាហេតុធ្វើអោយប្រជាពុទ្ធបរិសទ្ធ័ជិតឆ្ងាយចំណុះជើងវត្តនាំគ្នាស្រង៉ាកចិត្តរៀងៗខ្លួន ចង់អស់ជំនឿលើមន្ត្រីសង្ឃដែលមិនចេះដោះស្រាយអធិករណ៏ធ្វើរឿងតូចអោយក្លាយជារឿងធំ ។
ដោយមានការរិះគន់គ្រប់ទិសទី ទើបសម្តេចព្រះពុទ្ធជ័យមុនី ឃឹម សនអគ្គលេខាធិការដ្ឋានសង្ឃនាយកសម្រេចចេញដីការនិមន្តអោយចៅអធិការវត្តអណ្តូងថ្មឈ្មោះតឿប៊ុនធឿន ទៅសួរនាំជុំវិញអង្គហេតុនាំអោយកើតអធិករណ៏ទើបសម្រេចតាមស្មារតីអង្គប្រជុំក្រោយសាកសួរគឺបង្គាប់ឲ្យព្រះចៅអធិការវត្តពោធិសុវណ្ណសិលារាម អណ្តូងថ្មមាស ត្រូវតែលាចាកសិក្ខាបទដើម្បីលុបលាងនិងស្តារកេរ្តិ៍ឈ្មោះវត្តអារ៉ាមអោយល្អឡើងវិញ ។
ព្រះភិក្ខុប៉ោ ខឿន ព្រះវិន័យធម៌ អនុគុណក្រុងប៉ោយប៉ែតប៉ោយប៉ែតបានមានថេរដីការថាសង្ឃប្រកាសបានសម្រេចអោយចៅអធិការវត្តខាងលើត្រូវលាចាកសិក្ខាបទជាបន្ទាន់។ ប៉ុន្តែដោយសារតែមានការទទួចសុំពន្យាពេលពីម្ចាស់សាមីខ្លួនទើបទុកពេលអោយ៤សប្តាហ៍ចាប់ពីថ្ងៃនេះតទៅ បើមិនព្រមចាកសិក្ខាបទទេនឹងមានវិធានការផ្លូវច្បាប់?! ។
