ខេត្តរតនគិរី ៖ លោកស៊ុនប៉ូលីនប្រធានមន្ទីរសាធារណការខេត្តរតនគិរីត្រូវបានលោកស៊ុនចាន់ថុលរដ្ឋមន្ត្រីដកចេញពីតំណែងដោយតម្លើងលោកសាយសាមានពីអនុប្រធានជាស្តីទីសិនកាលពីថ្ងៃទី១៤តុលាឆ្នាំ២០១៩ក្រោយពីមានការរិះគន់ពីលោកប៊ូឡាំតំណាងរាស្ត្ររតនៈគិរីថាជាមន្ត្រីគ្រាប់ល្ពៅ!។
សូមបញ្ជាក់ថាលោក ប៊ូឡាំ អ្នកតំណាងរាស្ត្រមណ្ឌល រតនគិរីកាលពីថ្ងៃទី១២តុលាបានចុះមកមើលផ្លូវ មួយខ្សែ ស្ថិតនៅក្នុងភូមិ ចាអ៊ុង កៅ ឃុំចាឣុង ស្រុកអូរជុំខេត្តរតនគិរី តាមសំណូមពរ របស់ប្រជាពលរដ្ឋ ឱ្យជួយត្រួតពិនិត្យមើលផ្លូវឲ្យពួកគាត់បានធ្វើដំណើរ ដឹកកសិផលឲ្យស្រួលផងប្រជាពលរដ្ឋបាននាំគ្នាទៅដល់ផ្ទះ។ នៅទីនោះលោកប៊ូឡាំបាននិយាយឌឺថា៖លោកប្រធានមន្ទីរសាធារណការខេត្តរតនគិរីលោកស៊ុនប៉ូលីនថាល្អណាស់ ល្អ ត្រង់អត់ចេះធ្វើការ នៅពេលនោះផងដែរគាត់សូមសំណូមពរឲ្យរដ្ឋមន្ត្រីយកមន្ត្រីគ្រាប់ល្ពៅស្ងោ មិនធ្វើការនៅខេត្តរតនគិរីទៅ វិញទៅ ។លោកប៊ូឡាំបានមានប្រសាន៌ថា ប្រជាពលរដ្ឋនៅខេត្តរតនគិរីគាត់មិនទទួលយកបាននោះទេដែលមន្ត្រីមិនធ្វើការទេ។
លោកប៊ូឡាំឲ្យកាសែតដឹងថាលុយគេបានទម្លាក់មកតាំងពីខែកក្កដាមកម្លេះតែហេតុអីលោកស៊ុនប៉ូលីនមិនធ្វើការ?។ ប្រជាពលរដ្ឋ នៅស្រុកតាវែង និងស្រុកវ៉ឺនសៃ បានមធ្វើការរិះគន់ ទៅដល់លោកស៊ុនប៉ូលីន ប្រធានមន្ទីរសាធារណការខេត្ត រតនគិរី ថាផ្លូវពីរខ្សែ កំពុងតែមានការទ្រុឌទ្រោម បែកជាលោកស៊ុនប៉ូលីនវិញ ពុំមានការយកចិត្តទុកដាក់ ទៅលើផ្លូវពីរខ្សែ ដែលប្រជាពលរដ្ឋ ត្រូវការនោះទេ ។ សូម្បីតែមន្ត្រីរាជការ នៅក្នុងខេត្តរតនគិរី ក៏មិនមានការពេញចិត្ត ទៅដល់លោកស៊ុនប៉ូលីន ជាប្រធានមន្ទីរសាធារណការ ខេត្តរតនគិរីនោះដែរ ។
ប្រភពពីមន្ត្រីនៅក្នុង មន្ទីរសាធារណការដឹកជញ្ជូន ខេត្តរតនគិរី បានបង្ហើបឲ្យដឹងថា ផ្លូវចេញពីស្រុកតាវែង និងស្រុកវ៉ឺនសៃ ទាំង២ ខ្សែនេះ គឺនៅក្រោមការថែទាំ របស់ប្រធានមន្ទីរ សាធារណការ ។លោកអភិបាលស្រុកវើនសៃ ក៏ បាន បញ្ជាក់ ប្រាប់ថា រាល់ការផ្លូវ ចេញពីស្រុកវើនសៃនេះ និងស្រុកតាវែង គឺស្ថិតនៅក្រោមការគ្រប់គ្រង របស់មន្ទីរសាធារណៈការ ដឹកជញ្ជូនខេត្តរតនគិរី ធ្វើការថែទាំ ផ្ទុយទៅវិញ មន្ទីរសាធារណការខេត្តរតនគិរី ពុំយកចិត្តទុកដាក់ ជួសជុលផ្លូវ និងថែទាំផ្លូវនោះទេ ។
