កំពត ៖ ជនដៃដល់ចំនួន៣នាក់ ដែលរួមគ្នារំលោភបូកលើស្ដ្រីជនជាតិបារាំង នៅក្រុងកំពត ត្រូវកម្លាំងនគរបាលខេត្តកំពត តាមចាប់ខ្លួនបានអស់ហើយ នៅរសៀលថ្ងៃទី១៦ ខែតុលា ឆ្នាំ២០១៩នេះ។
លោកឧត្តមសេនីយ៍ទោ ម៉ៅ ច័ន្ទមធុរិទ្ធស្នងការនគរបាលខេត្តកំពត បានឲ្យដឹងថា បន្ទាប់ពីចាប់ខ្លួនបក្ខពួកម្នាក់ កាលពីល្ងាចថ្ងៃទី១៥ ខែតុលា ដោយសហការជាមួយកម្លាំងនគរបាលស្រុកព្រៃនប់ ជនដល់ក៏បានសារភាព និងប្រាប់ពីតម្រុយបន្ថែមចំពោះបក្ខពួក២នាក់ទៀត ដែលរត់គេចខ្លួន ទើបកម្លាំងប្រើប្រាស់វិធានការជំនាញ ឈានដល់ចាប់ខ្លួនបានតែម្ដង ដែលរត់ទៅលាក់ខ្លួននៅភ្នំបូកគោ។
ជនសង្ស័យទាំង៣នាក់រួមមាន ១៖ ឈ្មោះ សេង ស្រ៊ុន អាយុ៣៧ឆ្នាំ មានទីលំនៅភូមិបឹងវែង ឃុំ វាលរិញ ស្រុកព្រៃនប់ ខេត្តព្រះសីហនុ មុខរបរបើកឡានឈ្នួល ត្រូវចាប់ខ្លួនកាលពីថ្ងៃទី១៦តុលា២៖ ឈ្មោះ ពុំ លីវី ហៅហ្វ៊ី អាយុ១៩ឆ្នាំ នៅសាងគង់ ឃុំនិទាន ស្រុកបរសេដ ខេត្តកំពង់ស្ពឺ មុខរបរកម្មករ តទឹកនៅលើភ្នំបូកគោនិង៣៖ ឈ្មោះ ង៉ែត នភា អាយុ២៣ឆ្នាំ រស់នៅភូមិត្រពាំងលើក ឃុំក្រាំងស្បូវ ស្រុកឈូក ខេត្តកំពត មុខរបរកម្មករ តទឹកនៅលើភ្នំបូកគោ។
