ពោធិសាត់ ៖ ធម្មជាតិអប្រីយ៍ក្របី៨ក្បាលត្រូវបានរន្ទះបាញ់បណ្តាលឲ្យងាប់ទាំងអស់កាលពីវេលាម៉ោង ៦និង៣០នាទីព្រឹក ថ្ងៃទី១២ ខែតុលា ឆ្នាំ២០១៩ នៅ ចំណុចការដ្ឋានចាស់ (ក្រុមហ៊នភាភិម៉ិច) ដែលស្ថិតនៅក្នុងភូមិ អន្សក្តាម ឃុំស្នាអន្សា ស្រុកក្រគរ ខេត្តពោធិ៍សាត់។
មិនមានប្រជាពលរដ្ឋឬម្ចាស់ក្របីទទួលរងគ្រោះទេ។ សត្វក្របីចំនួន៨ក្បាលដែលត្រូវរន្ទះបាញ់ បណ្តាលឲ្យងាប់ទាំង៨ក្បាលនៅក្នុងថ្លុក វាលស្រែរួមគ្នា ខណៈដែលមេឃកំពុងតែភ្លៀងលាយឡំខ្យល់នឹងផ្គររន្ទះផងដែរ។ការបំរ៉ែបំរួលធាតុអាកាសមកពីការរលាយហិនហោចពរៃឈើត្រូវគេរំពឹងថាជាហេតុងបង្កឲ្យមានគ្រោះធម្មជាតិ។
សេចក្តីរាយការណ៍ពីប្រជាពលរដ្ឋបានឲ្យដឹងថា សត្វក្របីទាំង៨ក្បាល ដែលត្រូវរន្ទះបាញ់បណ្តាលឲ្យងាប់នោះ ជារបស់ម្ចាស់ឈ្មោះ ស៊ិន សាអុល អាយុ ៤៧ឆ្នាំ ភេទប្រុស ជនជាតិខ្មែរ មានទីលំនៅបច្ចុប្បន្នភូមិថ្មី ឃុំស្នាអន្សា ស្រុកក្រគរ ខេត្តពោធិ៍សាត់។ ករណីស្លាប់ដោយសារគ្រោះធម្មជាតិរន្ទះបាញ់ កើតមានច្រើនលើកច្រើនសារមកហើយ បណ្តាលឲ្យមនុស្សនិងសត្វជាច្រើនផងដែ៕
