ភ្នំពេញ ៖ សម្តេចអគ្គមហាសេនាបតីតែជោ ហ៊ុន សែន នាយករដ្ឋមន្ត្រីកម្ពុជាបានប្រាប់ទូតកាណាដាថាករណីលោក កឹម សុខា មិនមែនជា ជាប់ឃុំឃាំងទេគឺស្ថិតនៅក្រោមការត្រួតពិនិត្យរបស់តុលាការពេល បើកសវ នាការហើយចាំ ពិនិត្យមើលលទ្ធភាពផ្សេងៗទៀត ។
លោក ស្រ៊ី ថាមរ៉ុង រដ្ឋមន្ត្រីប្រតិភូអមនាយករដ្ឋមន្ត្រីបានមានប្រសាសន៍ឲ្យដឹងថា៖សម្តេចតេជោ ហ៊ុន សែនបានបញ្ជាក់បែបនេះពេលទទួឡជួបលោកស្រី ដូនីកា ប៉ុតទី (Donica Pottie)ឯកអគ្គរដ្ឋទូតកាណាដាដែលបញ្ចប់អាណត្តិនៅវិមានសន្តិភាពនារសៀលថ្ងៃទី១១តុលា២០១៩នេះ ។ លោក ស្រ៊ី ថាមរ៉ុង បញ្ជាក់ថា៖តាម រយៈជំនួបសន្ទនានេះតបចំពោះការព្រួយបារម្ភរបស់លោកស្រីទូតដែលបានលើកឡើងពា ក់ព័ន្ធទៅនឹងបញ្ហាបក្សប្រឆាំងនិងបញ្ហាលោកកឹម សុខា សម្ដេចតេជោនាយករដ្ឋមន្ត្រីបានជម្រាបទៅលោកស្រីឯកអគ្គរដ្ឋ ទូតកាណាដាថាបញ្ហាលោក កឹម សុខា មិនមែនជា ប់ឃុំឃាំងទេគឺស្ថិតនៅក្រោមការត្រួតពិនិត្យរបស់តុលាការដែលកំពុងធ្វើការស៊ើបអង្កេតហើយនៅ ពេលដែលតុលាការស៊ើបអង្កេត ចប់នឹងបើកសវនាការហើយពេលនោះយើងនឹងពិនិត្យមើលលទ្ធភាពផ្សេងៗទៀត ។
សម្ដេចបញ្ជាក់ទៀតថាកម្ពុជាត្រូវតែអនុវត្តន៍ទៅតាមច្បាប់របស់កម្ពុជាដោយប្រជាពល រដ្ឋគ្រប់រូបមិនថាជាអ្នកនយោបាយឬជាប្រជាជនធម្មតានោះទេត្រូវតែគោរពរដ្ឋធម្មនុញ្ញនិងគោរព ច្បាប់របស់កម្ពុជាហើយបញ្ហាសំខាន់គឺបញ្ហាសន្តិភាពព្រោះថាបើប្រទេសមិនមានសន្តិភាព គឺ មិនបាច់និយាយអំពីបញ្ហាផ្សេងៗទៀតទេនោះឡើយ ព្រោះកម្ពុជាធ្លាប់បានឆ្លងកាត់បញ្ហាអត់ទាំងនេះរួចហើយ ។មានការកត់សម្គាល់ថាលោកកឹមសុខាមេអតីតគណបក្សង្គ្រោះជាតិត្រូវបានចាប់ឃុំខ្លួននិងបន្ទាប់មកដាក់ឃុំក្នុងផ្ទះជាង២ឆ្នាំហើយពីបទសន្ទិដិ្ឋភាព(ក្បត់ជាតិឃុបឃឹតជាមួយបរទេស)មិនដឹងថាពេលណាតុលាការស៊ើបងអង្កេតចប់នោះទេដែលគេជឿថាតាមស្ថានការណ៍នយោបាយតែប៉ុណ្នោះ?។
ពាក់ព័ន្ធបញ្ហានេះលោកស្រីឯកអគ្គរដ្ឋទូតកាណាដាស្ងៀមទទួលយកនូវការពន្យល់របស់សម្តេចតេជោ ហ៊ុន សែន ហើយមិនមានប្រតិកម្មបែបណានោះទេ។ទោះជាយ៉ាងណាកាណាដាបានសសើរកម្ពុជាក្នុងបេសកកម្មរក្សាសន្តិភាព។លោក ស្រី មានប្រសាសន៍ថា “ខ្ញុំកោតសរសើរប្រទេសកម្ពុជា ដែលទាក់ទងទៅនឹងការបង្កើនកងកម្លាំងថែរក្សា សន្តិភាព មួកខៀវទៅកាន់បណ្ដាប្រទេស ផ្សេងៗដែលជាការរួមចំណែកយ៉ាងសំខាន់ក្នុងការ ថែរក្សាសន្តិភាពទៅកាន់បណ្ដាប្រទេសផ្សេងៗ ជាពិសេសចំនួន ស្ត្រីដែលបានទៅចូលរួមនៅក្នុង កងកម្លាំងមួកខៀវ ថែរក្សាសន្តិភាពនោះ”។
សម្ដេច តេជោ ទទួលស្គាល់ថា កាណាដា បានដើរតួនាទីយ៉ាងសំខាន់ក្នុងការអភិវឌ្ឍរបស់កម្ពុជា ដូចជា ក្នុងការស្វែងរកសន្តិភាពសម្រាប់កម្ពុជា ក្នុងនោះប្រទេសកាណាដាក៏បានចូលរួម ក្នុងវិស័យសំខាន់ៗផងដែរ ដូចជាការវិនិយោគ ពាណិជ្ជកម្ម ការបោសសំអាត មីនវិស័យធនាគារ និងអប់រំជាដើម។
សម្ដេច រំលឹកថា សម្រាប់ទំហំពាណិជ្ជកម្មរវាងកាណាដា និងកម្ពុជាវិញជាង១ពាន់លានដុល្លារ ហើយផលិតផលរបស់កម្ពុជា ដែលនាំចេញទៅកាន់ប្រទេសកាណាដាច្រើននោះគឺសម្លៀកបំពាក់៕