ភ្នំពេញ៖ លោក គង់ បូរ៉ា អតីតតំណាងរាស្ត្រមណ្ឌលខេត្តព្រៃវែង នៃអតីតគណបក្សសង្គ្រោះជាតិបានចូលជាមួយគណបក្សប្រជាជនកម្ពុជាហើយ។
នៅក្នុងពីធីទទួលនៅរសៀល ថ្ងៃទី១០ ខែតុលា ឆ្នាំ២០១៩នេះ នាទីស្នាក់ការគណបក្សប្រជាជនកម្ពុជារាជធានីភ្នំពេញ ក្រោមអធិបតីភាព លោក សក់ សេដ្ឋា សមាជិកគណៈកម្មាធិការកណ្តាល និងជាប្រធានគណបក្សប្រជាជនកម្ពុជា គ២៧គឺមានលោក ដន វ៉ាន់ឌី ដែលជាសមាជិកអតីតគណបក្សសង្គ្រោះជាតិខេត្តព្រៃវែងម្នាក់ដែរ បានចូលរួម ។
លោក គង់ បូរ៉ា និង លោក ដន វ៉ាន់ឌី បានឡើងប្តេជ្ញាចិត្តបម្រើគណបក្សប្រជាជនកម្ពុជា។ លោក គង់ បូរ៉ា ឲ្យដឹង ថា ការមកចូលរួមជីវភាពនយោបាយ ជាមួយគណបក្សប្រជាជនកម្ពុជានេះ គឺលោកមិនចង់ពាក់ព័ន្ធជាមួយអតីតគណបក្សសង្គ្រោះជាតិ ដោយសារតែ លោក សម រង្ស៉ី បានព្យាយាមធ្វើឱ្យច្របូកច្របល់ប្រទេស។
