ខេត្តសៀមរាប៖ ស្ត្រីចិត្តសឿងដែលបានជេរប្រមាថ និងហក់ទះកំភ្លៀងប៉ូលីសវេលាម៉ោង២៣និង៣០នាទីថ្ងៃទី២៨ ខែកញ្ញា ឆ្នាំ២០១៩ នៅត្រង់ចំណុចក្នុងហាងផឹកស៊ីយីហោ ធីមផលបារ ស្ថិតនៅភូមិមណ្ឌល១ សង្កាត់ស្វាយដង្គំ ក្រុងខេត្តសៀមរាបត្រូវបានឃាត់ខ្លួនហើយក្រោយពីការផ្សាយពត៌មាន និង បង្ហោះ វីដេអូផ្អើលតាមហ្វេសប៊ុក។
ជននរងគ្រោះត្រូវបានគេរាយការណ៍ថាមានឈ្មោះ ឆៃ វឌ្ឍនា ភេទប្រុស អាយុ២៩ឆ្នាំ មុខរបរយោធាទីលំនៅបច្ចុប្បន្ន ភូមិ១៤ សង្កាត់បឹងកក់១ ខណ្ឌដូនពេញ រាជធានីភ្នំពេញ និងមិត្តភក្តិ ផ្សេងទៀត បាននាំគ្នាចូលទៅផឹកស៊ីនៅក្នុងហាងខាងលើ ។ ពេលដែលមិនទាន់បានផឹកផង ដើររកកន្លែងអង្គុយពេលនោះ ពួកគេក៏បានជួបនឹងឈ្មោះ ឡៅ ជីងលី ភេទប្រុស អាយុ៣០ឆ្នាំ មុខរបរនៅផ្ទះ មានទីលំនៅបច្ចុប្បន្នភូមិ២សង្កាត់ទំនប់ទឹក ខណ្ឌចំការមន រាជធានីភ្នំពេញ។ ពេលនោះឈ្មោះ តុប សុភក្ត្រា បានមើលមុខ ឈ្មោះ ឡៅ ជីងលី ឈ្មោះ ឡៅ ជីងលី ក៏បាន និយាយថា អាហ្អែងមើលមុខអី ។
ពេលនោះភាគីទាំង២បាននិយាយប្រកែកមានជម្លោះ ពាក្យសំដីគ្នាទៅវិញទៅមក ហើយឈ្មោះ ឡៅ ជីងលី បានស្ទុះ មកវាយលើឈ្មោះ តុប សុភក្ត្រា, ឈ្មោះ ឆៃ វឌ្ឍនា ក៏បានចូលទៅជួយឃាត់ក៏ត្រូវបានឈ្មោះ ឡៅ ជីងលី យកកែវស្រា ថ្មវាយមកលើឈ្មោះ ឆៃ វឌ្ឍនា បណ្ដាលឲ្យបែក ចំនួន២កន្លែង ផ្នែកខាងស្តាំ ដេរ៤ថ្នេរផ្នែកខាងឆ្វេងដាច់រយៈដេរចំនួនមួយថ្នេរ និងរងរបួសរយះលើចង្អុលដៃ ខាងស្ដាំ ដេរចំនួន៣ថ្នេរ។
ចំណែកឈ្មោះ ឡៅ ជីងលី នៅពេលវាយទៅលើជនរងគ្រោះ បណ្ដាលឲ្យកែវបែកមុតដៃ ត្រង់ប្រអប់ដៃខាងស្ដាំ ដេរចំនួន៨ថ្នេរ បន្ទាប់មក សមត្ថកិច្ច នាំខ្លួនភាគីទាំងសងខាងយកមកធ្វើការសាកសួរ ក្រោយពីការសាកសួរឈ្មោះឡៅ ជីងលី បានសារភាពថាខ្លួនពិតជាបានវាយទៅលើ ឈ្មោះ ឆៃ វឌ្ឍនា បណ្ដាលឲ្យរងរបួសដូចបានរៀបរាប់ខាងលើពិតមែន។ក្នុងនោះដែរជនបង្កបានទះកំផ្លៀងទៅលើនគរបាលអន្តរាគមន៍១ដៃដែរនៅមុខមហាជន៕