ខេត្តកណ្ដាល ៖ ក្រុមការងារបច្ចេកទេសនៅវេលាម៉ោងជិត១២ថ្ងៃត្រង់ ថ្ងៃទី៣០ ខែកញ្ញា ឆ្នាំ២០១៩នេះបានអូសសាឡង់ដឹកខ្សាច់ដែលបុកគឿងជាប់សសរស្ពានព្រែកតាមាក់ កាលពីពេលកន្លងទៅដោយជោគជ័យហើយ ក្រោយស្ថានភាពទឹកស្រកប្រមាណជាង ២ម៉ែត្រ។
ក្រុមការងារបច្ចេកទេសបានបូមទឹកចេញក្នុងសាឡង់តាំងពីព្រឹក រហូតមកដល់ម៉ោងជិត១២ថ្ងៃត្រង់ ទើបក្រុមការងារសម្រេចអូសទាញចេញបានតែម្ដង។ ដោយឡែកសសរស្ពាននោះ មិនមានប៉ះពាល់ពាល់អ្វីនោះទេ តែសាឡង់ដែលបុក ក៏មានកំពិតនៅផ្នែកតួខ្លួនផងដែរ។
សូមជម្រាបថា គ្រោះឧបទ្ទវហេតុសាឡង់ដឹកខ្សាច់ បើកទៅបុកជាប់គឿងនឹងសរសរស្ពានព្រែកតាមាក់បាន កើតឡើងកាលពីម៉ោងជាង២ រសៀល ថ្ងៃទី៧ ខែកញ្ញាកន្លងទៅ តែមិនបណ្ដាលឲ្យពលរដ្ឋណាម្នាក់រងគ្រោះថ្នាក់នោះទេ។រដ្ឋមន្ត្រីក្រសួងសាធារណៈការលោកស៊ុនចាន់ថុលនិងចៅហ្វាយខេត្តកណ្តាលបានចុះទៅដឹកនាំកម្លាំងអូសចេញដែរតែអន់បច្ចេកទេសធ្វើមិនបានក៏ទុកចោលឲ្យជាប់អស់២៣ថ្ងៃចឹងទៅ។ទោះជាយ៉ាងណាខាងក្រសួងបិទមាត់ជិតមិបហ៊ានក្អកប្រាប់ថាសាឡង់ដឹកខ្សាច់បុកស្ពានជារបស់ម្សៀណាជាឧកញ៉ាឬឧត្តមសេនីយ៍នោះទេ!៕