ភ្នំពេញ ៖ លោក បោន ប៊ិន មេបញ្ជាការ កងរាជអាវុធហត្ថ ខេត្តបន្ទាយមានជ័យ ព្រះរាជអាជ្ញា និង ព្រះរាជអាជ្ញារង អម សាលាដំបូង ខេត្តបន្ទាយមានជ័យ និង ឈ្មោះ ផេង អិ និង ប្រពន្ធ ឈ្មោះ ថោង រដ្ឋា សរុប ៥នាក់ ត្រូវបាន គេប្តឹង អង្គភាព ប្រឆាំង អំពើពុករលួយ ពាក់ព័ន្ធ រឿង ឃុបឃិត គ្នា ជា ប្រព័ន្ធ ដោះលែង ឧក្រិដ្ឋជន គ្រឿងញៀន ចំនួន បីនាក់ ក្នុងចំណោម មនុស្ស ចំនួន ៧ នាក់ ។
បើយោងតាមពាក្យបណ្តឹងចុះថ្ងៃទី៦ខែសីហាឆ្នាំ២០១៩ប្តឹងទៅអង្គភាពប្រឆាំងអំពើពុករលួយបានទទួលកាលពីថ្ងៃទី២៥ខែកញ្ញាឆ្នាំ២០១៩ឲ្យដឹងថាកាលពីថ្ងៃទី៩ខែមីនាឆ្នាំ២០១៧ឯកឧត្តមនាយឧត្តមសេនីយ៍ម៉ក់ជីតូអគ្គស្នង ការរងនគរបាលជាតិទទួលផែនគ្រឿងញៀនបានបង្ក្រាបមេជួញដូរគ្រឿងញៀនជាក់ស្តែងមួយសំបុកដ៏ធំមានឧក្រិដ្ឋជនចំនួន៧នាក់។ប្រតិបត្តិ ការបង្ក្រាប នេះ បានធ្វើ ឡើង ចំនួន ពីរ គោលដៅ គឺ ក្នុងភូមិ ក្បាលកោះ និង ភូមិ ព្រៃ ព្រិច ក្រុង ប៉ោយប៉ែត ខេត្តបន្ទាយមានជ័យ។
ជនសង្ស័យរួម មាន ១. ឈ្មោះ ឃុ ត ដា រ៉ុង ភេទ ប្រុស ។ ២. ឈ្មោះ យ៉ាន់ មុំ ភេទ ស្រី ។ ៣. ឈ្មោះ រ៉ុង វាសនា ភេទ ប្រុស ។ ៤. ឈ្មោះ តេង ផូង ភេទ ប្រុស ។ ៥. ឈ្មោះ យ៉ាន់ មាន ភេទ ប្រុស ។ ៦. ឈ្មោះ ឃឿ ត កញ្ញា ភេទ ស្រី និង ៧ ជនជាតិ ថៃ ភេទ ស្រី ម្នាក់ទៀត ត្រូវជា ប្រពន្ធ ឈ្មោះ រ៉ុង វាសនា នៅ ភូមិ ព្រៃ ព្រិច សង្កាត់ ប៉ោយប៉ែត ក្រុង ប៉ោយប៉ែត ខេត្តបន្ទាយមានជ័យ ។
សមត្ថកិច្ចបានរឹបអូសវត្ថុតាងជាក់ស្តែងសរុបជាង២គីឡូក្រាមរួមមានៈមេតំហ្វេតាមីនចំនួន៨.០៨០គ្រាប់និងប្រភេទក្រាមដែលហៅថាម៉ាទឹកកកមានទម្ងន់១.៨២៧ក្រាមនិងរថយន្តចំនួន៥គ្រឿងស្ថិតនៅក្នុងសំណុំរឿងព្រហ្មទណ្ឌលេខ១០៧៩ចុះថ្ងៃទី៣០ខែវិច្ឆិកាឆ្នាំ២០១៧ពាក់ពន្ធ័នឹងករណីជួញដូរដោយខុសច្បាប់នូវសារធាតុញៀន។
ប៉ុន្តែឧក្រិដ្ឋជនចំនួន៣នាក់ត្រូវបានគេដោះលែងឱ្យមានសេរីភាពរួមមាន១. ឈ្មោះរ៉ុងវាសនាត្រូវជាកូនធម៌របស់លោកបោនប៊ិនមេបញ្ជាការកងរាជអាវុធហត្ថខេត្តបន្ទាយមានជ័យនិងជាប្អូនបង្កើតរបស់ឈ្មោះផែងអិនិងត្រូវជាកូនបង្កើតរបស់ជនសង្ស័យឈ្មោះឃុតដារ៉ុង។២. ឈ្មោះឃឿតកញ្ញាត្រូវជាប្អូនឧក្រិដ្ឋជនរ៉ុងវាសនានិងជនជាតិថៃភេទស្រីម្នាក់ទៀតត្រូវជាប្រពន្ធឈ្មោះរ៉ុងវាសនាដោយឈ្មោះផេងអិនិងប្រពន្ធឈ្មោះថោងរដ្ឋាត្រូវជាប្អូនធម៌របស់លោកបោនប៊ិនមេបញ្ជាការកងរាជអាវុធហត្ថខេត្តបន្ទាយមានជ័យ។
បណ្តឹងចោទថាគេបានរត់ការសូកប៉ាន់មានលក្ខណៈជាប្រព័ន្ធដើម្បីដោះលែងជនសង្ស័យគ្រឿងញៀនជាមួយលោកបោនប៊ិនលោកមាសច័ន្ទពិសិដ្ឋព្រះរាជអាជ្ញានិងលោកតេងសាម៉ៃព្រះរាជអាជ្ញារងទទួលបន្ទុកសំណុំរឿងព្រហ្មទណ្ឌលេខ១០៧៩ចុះថ្ងៃទី៣០ខែវិច្ឆិកាឆ្នាំ២០១៧ពាក់ព័ន្ធនឹងករណីជួញដូរដោយខុសច្បាប់នូវសារធាតុញៀន។បច្ចុប្បន្ននៅសល់ឧក្រិដ្ឋជនចំនួន៤នាក់ទៀតដែលឈ្មោះផែងអិនិងប្រពន្ធឈ្មោះថោងរដ្ឋាកំពុងរត់ការឲ្យមានការដោះលែងរួមមាន១. ឈ្មោះឃុតដារ៉ុងនិង២. ឈ្មោះយ៉ាន់មុំត្រូវជាមិត្តជិតស្និតបំផុតរបស់លោកបោនប៊ិន៣. ឈ្មោះតេងផូងនិង៤. ឈ្មោះយ៉ាន់មាន។
ជុំវិញបញ្ហានេះគេហទំព័រយើងមិនអាចសុំការបំភ្លឺពីលោកឧត្តមសេនីយ៍ត្រីបោនប៊ិនមេបញ្ជាការកងរាជអាវុធហត្ថខេត្តបន្ទាយមានជ័យបានទេ ៕
