រតនគិរី ៖ បន្ទាប់ពីបានតំកល់ទុកធ្វើបុណ្យទក្ខិណានុប្បទានរយៈ១០ថ្ងៃ សពឯកឧត្តម នាយឧត្តមសេនយ៍ព្រឹទ្ធាចារ្យ ប៊ូ ថង សមាជិកគណៈអចិន្ត្រៃយ៍គណៈកម្មាធិការកណ្តាល គណបក្សប្រជាជនកម្ពុជានិងជាទីប្រឹក្សាម្តេចវិបុលសេនាភក្តី សាយ ឈុំ ប្រធាន ព្រឹទ្ធសភានៃព្រះរាជាណាចក្រកម្ពុជា ត្រូវបានរៀបចំធ្វើពិធី ដង្ហែរ យកទៅបញ្ចុះនៅលើកំពូលភ្នំឥសីបតមៈ ស្ថិតនៅ វត្តឥសានរនារាមហៅវត្តភ្មំសា្វយស្ថិត ភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។
ពិធីដង្ហែរសព ឯកឧត្តម នាយឧត្តមសេនីយ៍ ព្រឹទ្ធាចារ្យ ប៊ូ ថង ប្រព្រឹត្តទៅនៅព្រឹកថ្ងៃទី២៣ខែកញ្ញាឆ្នាំ២០១៩ក្រោមអធិបតី ភាពដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី ។និងមានការយាងចូលរួមពីសំណាក់ សម្តេចព្រះសង្ឃរាជទាំងពីរគណ សមាជិកសមាជិការរដ្ឋសភា ព្រឹទ្ធសភា រាជរដ្ឋាភិបាលព្រមទាំងថ្នាក់ដឹកនាំខេត្ត ក្រុង ស្រុកទាំង៩ មន្ត្រី រាេជការគ្រប់មន្ទីរស្ថាប័នក្នុងខេត្ត កងកម្លាំងប្រដាប់អាវុធទាំងបីប្រភេទ លោកគ្រូអ្នកគ្រូសិស្សានុសិស្ស យុវជន ស.ស.យ.ក យុវជនស្រលាញ់សន្តិភាព យា់ងច្រើនកុះករ ។
មន្ត្រីរាជការ គ្រប់ជាន់ថ្នាក់ និងប្រជាពលរដ្ឋគ្រប់ជនជាតិក្នុងខេត្តរតនគិរី ពិតជាមានក្តីអាឡោះអាល័យជាពន់ពេកក្នុងថ្ងៃជូនដំណើរជា ឯកឧត្តមនាយឧត្តមសេនីយ៍ព្រឹទ្ធាចារ្យប៊ូ ថងលើកចុងក្រោយ នាឱកាសនេះ។
សូមវិញ្ញាណក្ខន្ធឯកឧត្តមព្រឹទ្ធាចារ្យបានទៅ កាន់សុគតិភពកុំបីឃ្លៀងឃ្លាតឡើយ៕
ដោយ ៖ ចាប សំអាន