ភ្នំពេញ ៖ តារាចម្រៀងលោក ខេមរៈ សិរីមន្ត ដោយហេតុតែស្រលាញ់ប្អូនស្រីសំណព្វចិត្តដែលជាតារាចម្រៀងដែរគឺកញ្ញា ខេមរៈ ស្រីពី បើទោះបីជាពេលនេះនាងបានលាចាកលោកចាកលោកនិងក្រុមគ្រួសារហើយក៏ពិតមែន ប៉ុន្តែដើម្បីភាពចងចាំ និងបង្ហាញនូវទំហំទឹកចិត្តក្នុងនាមជាបងប្រុសដ៏ល្អមួយរូបនោះ លោកក៏បានសម្រេចសាងសង់រូបសំណាកប្អូនស្រីទុកជាមើល។
លោកខេមរៈ សិរីមន្តបាននិយាយប្រាប់ថា គិតមកទល់ពេលនេះ រូបសំណាកប្អូនស្រី ខេមរៈ ស្រីពៅ បានសាងសង់រួចរាល់១០០ភាគរយហើយ។ មិនតែប៉ុណ្ណោះលោកក៏បានថ្លែងសារទាំងក្តុកក្តួលថា រូបសំណាក ខេមរៈស្រីពៅ ប្អូនស្រីសំណព្វចិត្តខ្ញុំ នឹងប៉ាម៉ែរួមទាំងបងប្អូនទាំងអស់គ្នាពេលនេះរួចរាល់ហើយ។
លោកបញ្ជាក់ក្នុងហ្វេសប៊ុកថា ថ្វីត្បិតប្អូនស្រីខ្ញុំមិននៅ តែកេរ្តិ៍ឈ្មោះ កិត្តិយសក្តីស្រលាញ់ ពីបងនិងប៉ាម៉ែបងប្អូនយើងរួមទាំងបងប្អូនពូមីងដែលគាត់ស្រលាញ់គាំទ្រប្អូនស្រីគឺនៅឋិតថេរជារៀងរហូតសូមប្អូនបានទៅដល់ឋានសួគ៌។
ជាមួយគ្នានេះបានធ្វើឲ្យទស្សនិកជនបង្ហាញការគាំទ្រនិងលើកសរសើរទឹកចិត្តរបស់លោក ខេមរៈ សិរីមន្ត ដែលបានបំពេញតួនាទីក្នុងនាមជាបងប្រុសល្អផងដែរ។សូមបញ្ជាក់ថាកញ្ញាខេមរៈស្រីពៅបអូនស្រីលោកខេរៈសេរីមន្តបានចូលមរណៈភាពដោយសារជម្ងឺដែលមនុស្សភាគច្រើនវាយតម្លៃថាដោយសារតែប្រតិកម្មពីការប្រើប្រាស់ថ្នាំគីមីថែសម្រស់។លោកខេមរៈសេរីមន្តបានចំណាយលុយច្រើនម៉ឺនព្យាបាលរហូតបញ្ជូនទៅដល់ប្រទេសឥណ្ឌាតែមិនអាចជួយបាន៕
