ភ្នំពេញ ៖ លោក ហូរ វ៉ាន់ មន្ត្រីជើងចាស់ របស់អតីតគណបក្សសង្គ្រោះជាតិ (CNRP) បានសង្ឃឹមថា លោក W.Patrick Morphy ឯកអគ្គរដ្ឋទូតថ្មី សហរដ្ឋអាមេរិកប្រចាំកម្ពុជាដែលមកដល់កម្ពុជា កាលពីរាត្រីថ្ងៃទី១៨ ខែកញ្ញា ឆ្នាំ២០១៩ នឹងជួយរកដំណោះស្រាយ ឲ្យមានការដោះលែង លោក កឹម សុខា មានសេរីភាពវិញ បន្ទាប់ពីទូតថ្មីបាន ។
លោក ហូរ វ៉ាន់ “យើងសង្ឃឹមថា លោក W.Patrick Morphyនឹងមកជួយរកដំណោះស្រាយបញ្ហាកម្ពុជា ឲ្យដោះលែងលោកប្រធាន កឹម សុខា , ស្ដារគណបក្សសង្គ្រោះជាតិ ជាពិសេសប្រគល់ការទាមទាររបស់សហគមន៍អឺរ៉ុបដើម្បីសង្គ្រោះ EBA និងGSP ដើម្បីស្ដារប្រជាធិបតេយ្យ និងសិទ្ធិមនុស្សឡើងវិញ រក្សាអព្យាក្រឹត្យ បូរណភាពទឹកដី”។គឺជួយកម្ពុជា មិនឲ្យមានការលំអៀងទៅចិន ដើម្បីស្របតាមកិច្ចព្រមព្រៀង ទីក្រុងប៉ារីស និងរដ្ឋធម្មនុញ្ញកម្ពុជា ។
ស្របពេលនៃការមកដល់របស់លោក Patrick Murphyនេះ ក្រសួងការបរទេសអាមេរិកបានបញ្ចេញប្រតិកម្មដោយសម្តែងនូវព្រួយបារម្ភទៅនឹងការចាប់ឃុំខ្លួនសកម្មជនអតីតគណបក្សសង្គ្រោះជាតិមួយចំនួនក្នុងពេលថ្មីៗនេះ។ លោកស្រី Morgan Ortagus អ្នកនាំពាក្យក្រសួងការបរទេសអាមេរិកបានចាត់ទុកការចាប់ឃុំខ្លួននេះថា ធ្វើឡើងតាមអំពើចិត្ត និងបំពានច្បាប់ថែមទៀត។ ដូច្នេះហើយ លោកស្រីបានអំពាវនាវឱ្យរដ្ឋាភិបាលកម្ពុជាដោះលែងពួកគេឱ្យមានសេរីភាពឡើងវិញ។
លោក W. Patrick Murphy ដែលជាឯកអគ្គរដ្ឋទូតថ្មី នៃសហរដ្ឋអាមេរិក ប្រចាំប្រទេសកម្ពុជា បានចាប់ផ្តើមការងារនៅថ្ងៃដំបូងរបស់លោកនៅថ្ងៃទី១៩កញ្ញា ដោយមានការសែនព្រេន នៅផ្ទះអ្នកតាក្នុងស្ថានទូត។ ស្ថានទូតអាមេរិកប្រចាំកម្ពុជា បញ្ជាក់ថា «សូមស្វាគមន៍លោកឯកអគ្គរដ្ឋទូត W. Patrick Murphy ដែលជាឯកអគ្គរដ្ឋទូតថ្មីនៃសហរដ្ឋអាមេរិក ប្រចាំប្រទេសកម្ពុជា! លោកបានចាប់ផ្តើមការងារនៅថ្ងៃដំបូងរបស់លោកនៅថ្ងៃនេះ ដោយមានការសែនព្រេន នៅផ្ទះអ្នកតាក្នុងស្ថានទូត»។
ស្ថានទូតអាមេរិកប្រចាំនៅកម្ពុជា បានដកស្រង់សំដីរបស់លោក Heidt កាលពីពេលកន្លងទៅថា លោក Patrick មានប្រវត្តិលេចធ្លោនៅក្នុងការងារ និងស្គាល់តំបន់អាស៊ីអាគ្នេយ៍ច្បាស់ថែមទៀតផង «លោក Patrick គឺជាបេក្ខជនតែងតាំងដ៏ល្អបំផុត។ លោកមានប្រវត្តិលេចធ្លោនៅក្នុងការងារស្គាល់តំបន់អាស៊ីអាគ្នេយ៍ច្បាស់ ហើយដឹងពីគោលនយោបាយការបរទេស របស់សហរដ្ឋអាមេរិកនៅក្នុងតំបន់នេះយ៉ាងច្បាស់»។ លោក Murphy ធ្លាប់ បានមកបំពេញ ទស្សនកិច្ច នៅ កម្ពុជាជាច្រើនដងផងដែរ ក្នុងពេល កាន់តំណែង ជា ឧបការ រង ទទួលបន្ទុក កិច្ចការ អាស៊ី បូព៌ា និង ប៉ាស៊ីហ្វិក ។
លោក W. Patrick Murphy ត្រូវបានព្រឹទ្ធសភាសហរដ្ឋអាមេរិកបានអនុម័ត ឱ្យក្លាយជាឯកអគ្គរដ្ឋទូតវិសាមញ្ញ និងពេញសមត្ថភាពរបស់ប្រទេសខ្លួន ប្រចាំនៅកម្ពុជា កាលពីថ្ងៃទី០២ ខែសីហា ឆ្នាំ២០១៩ រួចហើយប្រធានាធិបតីលោក Trump បានបញ្ជូនការតែងតាំងនេះ ទៅព្រឹទ្ធសភា ដែលយោងតាមមាត្រា២ នៃរដ្ឋធម្មនុញ្ញរបស់សហរដ្ឋអាមេរិក មានការទទួលខុសត្រូវក្នុងការផ្តល់ «ប្រឹក្សា និងការយល់ព្រម» លើការតែងតាំងទាំងឡាយ ដោយប្រធានាធិបតី ក្នុងនោះមានឯកអគ្គរដ្ឋទូតផងដែរ។
លោក Murphy ជាអតីតឧបការីរងរដ្ឋមន្ត្រីក្រសួងការបរទេស ទទួលបន្ទុកតំបន់អាស៊ីអាគ្នេយ៍ ហើយជាសមាជិកអាជីពម្នាក់ នៅក្នុងកិច្ចការបរទេសជាន់ខ្ពស់។ កន្លងមកលោក គឺជាអនុប្រធានទូត និងជាភារធារី ប្រចាំនៃប្រទេសថៃ ពីឆ្នាំ២០១៣ ដល់ ឆ្នាំ២០១៦, នៅប្រទេស Lesotho ពីឆ្នាំ២០០៦ ដល់ ឆ្នាំ២០០៨ ហើយបានធ្វើជាតំណាងស្តីទីពិសេស និងជាអ្នកសម្របសម្រួលគោលនយោបាយ សម្រាប់ប្រទេសមីយ៉ាន់ម៉ាពីឆ្នាំ ២០១២ ដល់ឆ្នាំ ២០១៣។
លោក Murphy បានបញ្ចប់ ការសិក្សា ថ្នាក់ បរិញ្ញាបត្រ ពី ការ សាកល វិ ទ្យាល័យ Vermont រួមជាមួយសញ្ញាបត្រអនុបណ្ឌិត ពី សាកលវិទ្យាល័យ John Hopkins និងមហាវិទ្យាល័យយោធា និងបាន បម្រើ ការងារ ក្នុង វិស័យ ការទូត លើស ២៥ឆ្នាំ ហើយ លោក បានកាន់តំណែង ជាន់ខ្ពស់ជាច្រើន ផងដែរ ។
សូមរំលឹកថា ក្រោយត្រូវបានតែងតាំង ជាទូតអាមេរិកថ្មីប្រចាំកម្ពុជាជាផ្លូវការជំនួសឯកអគ្គរដ្ឋទូតអាមេរិកប្រចាំនៅកម្ពុជាផុតអាណត្តិ លោក William A. Heidt លោក W. Patrick Murphy បានសរសេរនៅលើ បណ្ដាញធ្វីតធ័រ របស់លោក ជាភាសាអង់គ្លេសដែល មានខ្លឹមសារថា ”វាពិតជាអស្ចារ្យណាស់ ដែលបានត្រឡប់ មកប្រទេសកម្ពុជាវិញ! ពីគ្រាដំបូងរបស់ខ្ញុំនៅទីនេះខ្ញុំ មានអារម្មណ៍ស្វាគមន៍យ៉ាងកក់ក្តៅ និងទន្ទឹងរង់ចាំពង្រឹងទំនាក់ទំនង រវាងសហរដ្ឋអាមេរិក និងកម្ពុជា”។កាលពីថ្ងៃទី១៣ ខែកញ្ញា ឆ្នាំ២០១៩ មុនមកដល់ប្រទេសកម្ពុជា លោកទូតអាមេរិកថ្មី ក៏ប្ដេជ្ញាជួយកម្ពុជា-អាមេរិក លើការពង្រឹងកិច្ចប្រតិបត្តិការ ជាពិសេសលទ្ធិប្រជាធិបតេយ្យផងដែរ ។
