ខេត្តព្រះសីហនុៈ ស្ត្រីវ័យចំណាស់ម្នាក់ បានស្លាប់ភ្លាមក្រោយ ពេលបញ្ជូនទៅមន្ទីរពេទ្យបន្ទាប់ពីត្រូវគ្រាប់ភ្លើងរបស់លោកមេប៉ុស្តិ៍នគរបាលឃុំវាលរេញកាលពីវេលាម៉ោង១១យប់ថ្ងៃទី១២ ខែកញ្ញា ឆ្នាំ២០១៩ នៅ ចំណុចក្រោយផ្សារវាលរេញ លើផ្លូវរថភ្លើង ស្ថិតក្នុងភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុនៅមិនទាន់រកអ្នកបាញ់ឃើញ?។
សមត្ថកិច្ចនគរបាលមូលដ្ឋានបានឲ្យដឹងថា:មុនពេលកើតហេតុ លោក កែ សុខន នាយប៉ុស្តិ៍នគរបាលរដ្ឋបាលឃុំវាលរេញដែល មានទីលំនៅភូមិព្រៃនប់១ ឃុំព្រៃនប់ ស្រុកព្រៃនប់ ខេត្តព្រះសីហនុ បានដឹកនាំកម្លាំង២នាក់ មន្ត្រីប៉ុស្តិ៍ម្នាក់ និងប្រជាការពារម្នាក់ រួមជាមួយអាវុធអាការ២ដើម បានចេញល្បាតក្នុងភូមិសាស្ត្ររបស់ខ្លួន ដល់ចំណុចកើតហេតុខាងលើបានប្រទះ ជនសង្ស័យម្នាក់ កាន់កាបូបគួរអោយសង្ស័យ ក៏ឃាត់សួរនាំ ពេលកំពុងឆែកឆេរមើលកាបូប ជនសង្ស័យក៏រត់គេចខ្លួន ។លោកនាយប៉ុស្តិ៍រូបនេះ បានបាញ់ចុះក្រោម ដើម្បីបង្អាក់ជនសង្ស័យនាំឲ្យផ្លាតគ្រាប់ទៅត្រូវស្ត្រីម្នាក់ឈ្មោះ ទូច សុខ អាយុ៦០ឆ្នាំ មានទីលំនៅកើតហេតុ ដែលអង្គុយក្បែរនោះ បណ្តាលអោយរងរបួសធ្ងន់ហើយក៏បានបញ្ជូនទៅមន្ទីរពេទ្យរួចក៏បានស្លាប់ភ្លាមៗ។
ក្រោយកើតហេតុកម្លាំងកម្លាំងកងរាជអាវុធហត្ថស្រុក បានចុះដល់កន្លែងកើតហេតុផងដែរតែមេប៉ុស្តិ៍ដែលបង្កបានរត់គេចខ្លួនបាត់ភ្លាមៗក្នុងគ្រានោះបាត់ដែរ។ ចំណែកសាកសពស្ត្រីរងគ្រោះ ត្រូវបានក្រុមគ្រួសារយកទៅធ្វើបុណ្យតាមប្រពៃណី។សមត្ថកិច្ចគ្រាន់តែឲ្យដឹងថា:បច្ចុប្បន្ននេះសមត្ថកិច្ចបើកការស៊ើបអង្កេតដើម្បីនាំខ្លួនជនបង្កយកមកសាកសួរ?។
ចំណែក ឯលោក ហួរយ៉ៃ អធិការស្រុក ព្រៃនប់ នៅពេលតាព្រហ្ម បានទូរស័ព្ទ សួរ ពីករណី បាញ់ សម្លាប់មនុស្ស នោះលោក មិនបានឆ្លើយ បំភ្លឺ ឲ្យបានក្បោះក្បាយទេ ដោយនិយាយ យ៉ាងខ្លីថា កំពុងតែស្រាវជ្រាវ ហើយក៏បិតទូរស័ព្ទទៅ ហាក់បីដូចជា លាក់បាំង នៅរឿង កូនចៅ គាត់ ទៅបាញ់សម្លាប់ ?
