ភ្នំពេញ ៖ លោក ឈឿន ចាន់ថន (ហៅ ម៉ៅ) អតីតមេអង្គរក្ស សម្តេច ជា ស៊ីម ត្រូវបានសម្តេច សាយ ឈុំ អនុប្រធានគណបក្សប្រជាជនកម្ពុជា ចេញលិខិតតែងតាំងជាសមាជិកក្រុមការងារថ្នាក់កណ្តាល ចុះជួយខេត្តត្បូងឃ្មុំក្រោយពីសម្តេចតេជោសុំលើកលែងទោសចេញពីគុក។
សេចក្តីសម្រេចនេះ ធ្វើឡើងយោងតាមចំណារយល់ព្រមដ៏ខ្ពង់ខ្ពស់របស់សម្តេចតេជោ ហ៊ុន ប្រធានគណបក្សប្រជាជនកម្ពុជា ចុះថ្ងៃទី១០ ខែកញ្ញា ឆ្នាំ២០១៩ កន្លងទៅ។
សូមបញ្ជាក់ថា៖អតីតមេអង្គរក្ស សម្តេច ជា ស៊ីម លោក ឈឿន ចាន់ថន (ហៅ ម៉ៅ) ធ្លាប់ត្រូវបានតុលាការយោធាផ្តន្ទាទោស រយៈពេល១៥ឆ្នាំ ពាក់ព័ន្ធបទល្មើសរំលោភលើទំនុកចិត្ត បំផ្លិចបំផ្លាញដោយចេតនា និងគៃបំបាត់ដោយទុច្ចរិត លក់ដូរ និងចែកចាយអាវុធ បំផ្លិចបំផ្លាញសម្ភារៈយោធាសម្រាប់បម្រើការប្រយុទ្ធ និងខ្វះការទទួលខុសត្រូវ ក្នុងការដឹកនាំគ្រប់គ្រងអង្គភាព។
នៅថ្ងៃទី១២ ខែវិច្ឆិកា ឆ្នាំ២០១៨ ព្រះមហាក្សត្រតាមសំណើនាយករដ្ឋមន្ត្រីព្រះអង្គ បានចេញព្រះរាជក្រឹត្យលើកលែងទោសដល់ទណ្ឌិត ឈឿន ចាន់ថន ហើយត្រូវបានដោះលែងចេញពីពន្ធនាគារ។គេមិនដឹងថាតើជំហានខាងមុខលោកឈឿនចាន់ថនអាចនឹងឡើងជាអ្វីទៀតនោះទេវាស្រេចលើកនាយករដ្ឋមន្ត្រី៕