ខេត្តបន្ទាយមានជ័យ ៖ ប្រភពព័ត៍មាន ចេញពីមន្ទីរសូរិយោដីខេត្តបន្ទាយមានជ័យ បានអោយ ដឹង ថា៖ “ប្រធានមន្ទីរសូរិយោដីថ្មី នឹងប្រកាស៍នៅសប្តាហ៍ក្រោយនេះ ជំនួសលោក ប្រាក់ ប៉ូលី”ក្រោយពីផ្ទុះរឿងអាស្រូវ។គេមិនដឹងថាតើលោក ប្រាក់ ប៉ូលីដែលមានលុយមហាសាលក្នុងតួនាទីនឹងត្រូវបានគេយកទៅណាទេតែ ប្រភពបន្តថា៖ ប្រហែលអោយលោក ប្រាក់ ប៉ូលី ដាក់ទៅក្រសួង សិន!។
ប្រភព បញ្ជាក់ថា៖ ឯកឧត្តម ជា សុផារ៉ា ចុះហត្ថលេខា តែងតាំងអ្នកថ្មី កាលពីថ្ងៃទី១២កញ្ញា! ។ ប្រភព បានអោយដឹងទៀតថា៖មាន សំណង់មិនប្រក្រតី ត្រូវបានរកឃើញនៅក្រុងប៉ោយប៉ែតជាង ៧០០ករណី ។អ្នកក្រុងប៉ោយប៉ែត មួយចំនួន ធ្វើសំណង់នោះ កំពុងស្រក់ទឹកភ្នែក តែមិនមែនយំស្តាយលោក ប្រាក់ ប៉ូលី ទេ គឺយំស្តាយលុយ ដែលសំណង់មិនរួច ហើយប្លង់ដី ដែល លោក ប៉ូលី យកលុយហើយ មិនបានធ្វើអោយពួកគាត់រួចរាល់ទេ។
សេចក្តីរាយការណ៍ចេញពីមន្ត្រីសូរិយោដីក្រុង ដែលមិនបានទទួលផលប្រយោជន៍បានអោយដឹងទៀតថា៖ ដី១កន្លែងៗ លោក ប្រាក់ ប៉ូលីន កាត់ប្លង់ដី ឬ ផ្ទេរមាន ចាប់ពី ៥០០០$ ឡើងទៅ ដែលទារលុយត្រង់ៗ ដោយអោយឈ្មោះ វ៉ិច ជាមន្ត្រីសូរិយោដីក្រុង ជាអ្នកចុះទៅមើល ហើយជួយរៀបចំឯកសារ។ ដូចនេះហើយ ទាំងសំណង់ និង ប្លង់ដី ដែលនៅសល់ ដែលយកលុយគេហើយនោះ កំពុងតែប្រឹង ចុះហត្ថលេខា ទាំងយប់ទាំងថ្ងៃទៀតផង។
ចឹងបើ៖ “សំណង់ដែលរកឃើញមិនប្រក្រតីជាង ៧០០ ករណីនោះ បើ ១កន្លែងយក តែ ១ម៉ឺនដុល្លារ ចុះជាង ៧០០ ករណី នោះ ប៉ុន្មានលុយ$ទៅ?។ នេះមិនគិតពីសំណង់នៅក្នុងទីរួមខេត្តបន្ទាយមានជ័យ ផង ។សេចក្តីរាយការណ៍ខាងលើនេះប្រជាពលរដ្ឋ សូមសំណូមពរដល់ឯកឧត្ដមទេសរដ្ឋមន្ត្រី ឱម យិន ទៀង ប្រធានប្រយុទ្ធប្រឆាំងអំពើពុករលួយ សូមមេត្តាដាក់ការស៊ើបអង្កេតពីរឿងពុករលួយរបស់លោក ប្រាក់ ប៉ូលី និងប្រាក់ ប៉ូលីន ពីនាក់បងប្អូន អោយបានស៊ីជម្រៅក្នុងរឿងករណីខាងលើនេះផង។
កាលពីថ្ងៃទី៣០ខែកក្កដា២០១៩ ឯកឧត្ដម ជា សុផារ៉ាឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគររូបនីយកម្មនិងសំណង់ បានបង្កើតគណកម្មការអធិការកិច្ចមួយដើម្បី ស៊ើបអង្គេតលើលោកប្រាក់ប៉ូលីប្រធានមន្ទីរសុរិយោដីនិងសំណង់ ខេត្តបន្ទាយមានជ័យដែលល្បីល្បាញខាងប្រព្រឹតអំពើមិនគប្បីចំពោះពលរដ្ឋ ជុំវិញការអនុវត្តន៏ផែនការការងារចុះបញ្ជីដីធ្លីជាលក្ខណប្រពន្ធ័នៅខេត្តបន្ទាយមានជ័យកាលពីថ្មីៗនេះ។
សង្ឃឹមថានឹងមានការបកស្រាយពីលោកប្រាក់ប៉ូលីចំពើសេចក្តីរាយាការណ៍ខាងលើនេះជាមិនខាន!។អង្គភាពយើងខ្ញុំ ស្វាគមន៍សាមី រងចាំការបកស្រាយបំភ្លឺ ជុំវិញករណីខាងលើឡើងវិញ រៀងរាល់ម៉ោងធ្វើការ ៕