ខេត្តស្ទឹងត្រែង ៖ រថយន្ត Lexus 300 ពណ៌ស្ក បើកបរ ដោយមនុស្សស្រី មិនស្គាល់ស្លាកលេខ បានបើក បញ្ចា្រស ទិសគ្នា ដល់ផ្លូវកែង បត់ដូចគ្នា មិនប្រយ័ត្ន បានបុកជាមួយម៉ូតូ ស្មាស់រើវ៉ូ ពណ៌ខ្មៅ អត់ស្លាកលេខ បានបណ្តាលឱ្យអ្នកបើកម៉ូតូរងរបួសបាក់ជើង ឆ្វេងឯម៉ូតូខូចខាតតិចតួច។
ហេតុការណ៍នេះកើតឡើងនៅចំណុចកែងមន្ទីរសង្គមកិច្ចខេត្តជាប់តារាងបាល់ចាស់ ឋិតក្នុងភូមិព្រែក សង្កាត់ស្ទឹងត្រែងក្រុងស្ទឹងត្រែង វេលាម៉ោង១៥.៣៥នាទីថ្ងៃទី០៨ ខែសីហា ឆ្នាំ២០១៦ ។
ប្រភពនៅនឹងកន្លែងកើតហេតុបានឱ្យដឹងថា មុនពេលកើតហេតុ រថយន្តលុចស៊ីស បើកបរដោយមនុស្សស្រីចេញពីជើង មកដល់ចំណុច ផ្លូវកែង បានបត់ទៅលិច ក៏បុកជាមួយនឹងម៉ូតូ
ជនរងគ្រោះ បណ្តាលឱ្យដួល ងើបមិនរួចម្ចាស់ រថយន្តបានចុះមើលឃើញរងរបួសធ្ងន់ក័ឡើង រថយន្តបើកទៅបាត់ស្រមោល។
ក្រោយពេលកើតហេតុ នគរបាល ចរាចរណ៍ មកដល់ ធ្វើការវាស់វែង ហើយកំណត់ មុខសញ្ញា រករថយន្តបង្កនោះ ដើម្បីយកមក ដោះស្រាយ ទៅតាមផ្លូវច្បាប់ ឯម៉ូតូជនរងគ្រោះ សមត្ថកិច្ច នគរបាល ចរាចរណ៍យកមករក្សាទុកនៅការិយាល័យ ចរាចរណ៍ផ្លូវគោកស្នងការដ្ឋាននគរបាលខេត្ត។
ចំណែក ជនរងគ្រោះត្រូវបានក្រុមគ្រួសារដឹកយកមកសង្គ្រោះនៅមន្ទីរពេទ្យខេត្ត បច្ចុប្បន្ន
បានដឹកបន្តទៅថតមើល ឆ្អឹងនៅមន្ទីរពេទ្យ យោធភូមិភាគទី១ខេត្ត ៕
