សៀមរាប ៖ នេះមិនមែនជាលើកទីមួយទេដែលកើតឡើង ក្នុងដែនសមត្តកិច្ចមន្ត្រីជំនាញសុរិយោដីក្រុងសៀមរាបរឿងឃុបឃឹតគ្នាជាមួយម្ចាស់សំណង់ខុសច្បាប់នានា។ ជាក់ស្ដែងប្រជាជនរស់នៅក្នុងភូមិស្វាយដង្គំ សង្កាត់ស្វាយដង្គំក្រុងសៀមរាបខេត្ខសៀមរាបបាន ឲ្យដឹងថា ម្ចាស់ដីមួយគ្រួសារ បានយករបងធ្វើជាជញ្ជាំងផ្ទះបណ្ដាលឲ្យអ្នកធ្វើដំណើរមានបញ្ហាគ្រោះថ្នាក់ចរាចរជាញឹកញាប់ដោយសារបាំងជញ្ជាំងផ្ទះ មើលមិនឃើញគ្នា។
ពួកអ្នកស្រុកបានប្ដឹងទៅអាជ្ញាធរ ឃុំក្រុងកាលពី នៅថ្ងៃទី ៥ ខែកញ្ញា ២០១៩ លោកវុធអភិបាលរងក្រុងសៀមរាប បានរៀបចំមន្ត្រីចំរុះចុះមកកន្លែងកើតហេតុ ។ សូមបញ្ជាក់ថាដើមចមនៃបញ្ហាគឺដោយសារ អ្នកស្រីហុងគឹមហូយយកដីមកចាក់ធ្វើផ្លូវខាងមុខផ្ទះគាត់ ៤ឫ៥ឡានបំណងឲ្យដីខ្ពស់ងាយស្រួលធ្វើដំណើរ តែចៃដន្យ មានភ្លៀងធ្លាក់ជាប់គ្នាជាច្រើនថ្ងៃបណ្ដាលឲ្យអ្នកធ្វើដំណើរលំបាកខ្លាំង ។ អ្នកស្រុករករឿងឲ្យកាយដីដឹកចេញឲ្យអស់ ហេតុនេះបានជាមានអាជ្ញាធរចុះមកធ្វើកិច្ចសន្យាជាមួយ អ្នកស្រីហុងគឹមហួយឲ្យដឹក ដីចេញពីផ្លូវ ។
ក្រោយពីមន្ត្រីចំរុះចុះមក ម្នាស់ផ្ទះបានដឹកដីចេញតាមការព្រមព្រៀង តែអ្នកស្រុកនៅមិនស្ងប់ចិត្តទេទាមទាឲ្យអាជ្ញាធជួយអន្តរាគមន៏ ធ្វើយ៉ាងណាឲ្យម្ចាស់ផ្ទះវៃរបងផ្ទះចេញ ហើយធ្វើរបងធម្មតាងាយស្រួលមើលគ្នាឃើញ កុំឲ្យមានគ្រោះថ្នាក់ដោយសារ ប៉ះទង្គិះគ្នាតទៅទៀត តែមកដល់ពេលនេះស្ងាតឈឹង មិនមានអ្វីផ្លែងសោះ បានជាអ្នកភូមិសង្ស័យលើលោក សាវរីទំនងបានសើមមាន់ហើយមើលទៅបានជាហ៊ាន អនុញ្ញាតិឲ្យគេយករបងសង់ជញ្ជាំងបែបនេះ! ។
លោកណាប់យ៉ង់មេភូមិស្វាយដង្គំឲ្យដឹងតាមទូរស័ព្ទថា៖ អារបងបែបនេះមានច្រើន អ្នកស្រុកធ្វើគាត់មិនដែលប្រាប់អាជ្ញាធរទេ អ្វីដែលកើតហើយមានតែអនុគ្រោះ ។ លោកម៉ៅក្រុមប្រឹក្សាសង្កាត់ស្វាយដង្គំឲ្យដឹងតាមទូស័ព្ទថា ប្រគល់លើជំនាញគេសម្រេចយ៉ាងណាមិនទាន់ដឹង?។ លោកវុធអភិបាងរងក្រុងសៀមរាប ឲ្យដឹងថាលោកឲ្យមន្ត្រីជុំនាញធ្វើរបាយការមកឲ្យគាត់តែមកដល់ពេលនេះ នៅមិនទាន់ឃើញ។
លោកសាវរីមន្ត្រីជុំនាញសោរិយោដី ឲ្យដឹងតាមទូស័ព្ទថា ៖ ម្ចាស់ដីធ្វើរបស់ផ្ទះគម្លាតពី អាក់ម៉ែត្រ ៨តឹកដូច្នេះម្ចាស់ផ្ទះធ្វើនេះមិនខុសទេ។ ពេលសួរថាអ្នកស្រុកមិនសប្បាយចិត្ត ព្រោះគេយករបងធ្វើ ជាជញ្ជាំងផ្ទះ លោកសាវរី មិនឆ្លើយសំនួរនេះទេ តែនៅតែអះអាងថា មិនខុសទេ?។ ក្រុមការងារនឹងចុះទៅម្ដងទៀតដើម្បីឲ្យម្ចាស់ផ្ទះកាត់ដំបូលចេញ។
អ្នកស្រីហុងគឹមហួយ ឲ្យដឹងថា មុននឹងធ្វើផ្ទះទៅសុំច្បាប់ច្រកចេញចូលតែមួយ គាត់ធ្វើតាមជើងម៉ែត្រ ហើយនៅសល់ ៨តឹកទៀតបានដល់ព្រុំ ។ ពេលសួរថាធ្វើរបងបាំងជិតចឹងតើសុំច្បាប់ដែរឫទេ? អ្នកស្រីឆ្លើយថាមិនបានសុំទេ តែធ្វើម៉េចបើធ្វើហើយ អ្នកស្រីសន្យាថា បើរដ្ឋត្រូវការ ពង្រីកផ្លូវទាំងសង្ខាង មួយម៉ែត្រឫពីម៉ែត្រសុខចិត្តវៃចោល។ អ្នកស្រីហុងគឹមហួយបន្តថា ខំចំណាយប្រាក់ទិញដីមកចាក់ធ្វើផ្លូវឲ្យស្រួលទាំងអស់គ្នា បែជាមានអ្នកជំទាស់ឲ្យដឹកដីចេញវិញ ខាតប្រាក់ជាងមួយពាន់ដុល្លាមេរិកទទេ ។