ភ្នំពេញ ៖ លោក ចាន់ មុនី ជាបុគ្គលិកអ្នកកាសែត កម្ពុជាថ្មី ដែលគេស្គាល់ថាជាអ្នកកាសែតជើងចាស់ម្នាក់រងគ្រោះខ្វាក់ភ្នែកដោយសារការបំផ្ទុះគ្រាប់បែកនៅមុខរដ្ឋសភាកាលពីថ្ងៃទី៣០មិនាឆ្នាំ១៩៩៧ហើយរកអ្នកទទួលខុសត្រូវមិនឃើញនោះឥឡូវលោកបានធ្លាក់ខ្លួនឈឺជាទំងន់មហារីកច្រមុះ (សាច់កាច)។សព្វថ្ងៃគ្រួសារលោកមានជីវភាពខ្វះខាតមិនមានលទ្ធភាពក្នុងការព្យាបាលជំងឺរបស់ខ្លួនទាមទារការជួយពីសប្បុរសជន។
សូមរម្លឹកថា៖ ក្នុងអាជីពអ្នកសារពត៍មានលោក ចាន់ មុនី បានជួបគ្រោះថ្នាក់ជាច្រើនលើក រហូតធ្វើអោយបាក់ជើងម្ខាង និងខ្វះភ្នែកម្ខាង ដោយសារករណីផ្ទុះគ្រាប់បែកកាលពីអំឡុងឆ្នាំ១៩៩៧ នៅចំណុចខាងមុខមន្ទីររដ្ឋសភាចាស់ សង្កាត់ចតុមុខ ខណ្ឌដូនពេញ រាជធានីភ្នំពេញ ។
លោក ចាន់ មុនី ក៏នៅមានជួបគ្រោះថ្នាក់ចរាចរណ៍ផងដែរខណះកំពុងបំពេញភារកិច្ចជាអ្នកយកព័ត៍មាន។
លោក ចាន់ មុនី ក៏ដូចជា ក្រុមគ្រួសារ មានតែលើកដៃដប់សំពះសុំជំនួយទៅដល់សប្បុរសជន សម្តេច ទ្រង់ ឯកឧត្តម លោក លោកស្រី អ្នកនាង កញ្ញា អ៊ុំ ពូ មីង បងប្អូន ដែលជាអ្នកសារព័ត៍មានដូចគ្នា មេត្តាជួយឧបត្ថម្ភថវិកាតាមសទ្ធាទឹកចិត្ត ដើម្បីជាមធ្យោបាយសម្រាលដល់ការខ្វះខាត គ្រាមានអាសន្ន សម្រាប់យកទៅធ្វើកាវះកាត់នៅប្រទេសថៃ ។
