បន្ទាប់ពីមានការផ្លាស់ប្តូរមន្ត្រីគយ ប្ញុ មេគយតាមបណ្តាខេត្តមួយចំនួន និង ការផ្លាស់ប្តូរតំណែង មេគយចល័ត ដោយដាក់លោក កើត សុធារ៉ា ជាមេ គយចល័តជំនួសលោក កែវ សុខឃាង ក៏ដោយ ក៏គេនៅតែឃើញវត្តមានមេ គយប្រចាំច្រកត្រពាំងផ្លុង ដែលគេ និយាយថា ៈ ជាមេគយដុះស្លែឈ្មោះ វ៉ូ វណ្ណា ពុំមានការផ្លាស់ប្តូរចេញទេ។
ប្រភពពីក្រុមឈ្មួញរកស៊ីដឹកទំនិញ តាម ច្រកត្រពាំងផ្លុង ភាគច្រើនសុទ្ធតែបាន ស្គាល់ថា ៖ លោក វ៉ូ វណ្ណា ជាប្រធាន ការិយាល័យគយ និងរដ្ឋាកប្រចាំច្រក អន្តរជាតិត្រពាំងផ្លុង នៃស្រុកពញា ក្រែក ខេត្តកំពង់ចាម ដែលបានកាន់ តំណែងឡើងដុះស្លែ បើទោះបីជាធ្លាប់ មានរឿងអាស្រូវ បើកឱ្យឈ្មួញនាំកាក សំណល់អេឡិចត្រូនិក ពីស្រុកយួន ដោយខុសច្បាប់ក៏ដោយ ។
អគ្គនាយក គយនិងរដ្ឋាករ ធ្លាប់បានដាក់ចេញនូវ គោលការណ៍ប្តូរវេន សម្រាប់មន្ត្រីគយ ប្រចាំការតាមប៉ុស្តិ៍ និងច្រកអន្តរជាតិ នានា ដែលមិនឱ្យលើសពី២អាណត្តិ នោះទេ ត្រូវចាប់ឆ្នោតផ្លាស់វេន ប៉ុន្តែ សម្រាប់លោក វ៉ូ វណ្ណា នៅតែមាន ឱកាសកាន់តំណែងជាមេគយ ប្រចាំ ច្រកត្រពាំងផ្លុង ទីដែលមានការដឹក ជញ្ជូនទំនិញគេចពន្ធ មកពីស្រុកយួន យ៉ាងអនាធិបតេយ្យ និងការនាំចេញ ឈើខុសច្បាប់យ៉ាងគគ្រឹកគគ្រេង រាប់ ទសវត្សរ៍មកហើយ ដែលភាសាមញ្ញ គេអាចនិយាយបានលោកវ៉ូ វណ្ណបានា ធ្វើប្លង់រឹងកាន់កាប់តំណែង ជាមេគយ ច្រកត្រពាំងផ្លុង គ្មាននរណាអាចមក ដណ្តើមបានឡើយ ។ លោក វ៉ូ វណ្ណា បានជួយសម្របសម្រួល ឱ្យក្រុមឈ្មួញ ទាំងតូចទាំងធំ នាំចូលទំនិញគ្រប់ប្រ ភេទ មកពីស្រុកយួនតាមតែអំពើចិត្ត មិនដែលខ្វល់ខ្វាយ ពីការខាតបង់ចំ ណូលថវិកាជាតិនោះទេ ។
ជាក់ស្តែង គឺការឃុបឃិត នាំចូលទំនិញកាកសំ ណល់នាពេលកន្លងមកនេះ ។ក្រុមឈ្មួញ បានអនុវត្តន៍ តាមសេចក្តីណែនាំ ប្ញុ នីតិវិធី នៃការបង់លុយ តាមការតម្រូវ របស់លោក វ៉ូ វណ្ណា ហើយជាធម្មតា ច្រកព្រំដែនអន្តរជាតិត្រពាំងផ្លុង មាន សភាពស្ងប់ស្ងាត់ នៅពេលថ្ងៃ គឺមាន តែប្រជាពលរដ្ឋ ធ្វើដំណើរឆ្លងកាត់ ព្រំដែន ហើយក៏មានការនាំទំនិញតាម ម៉ូតូ ប្ញុដឹកតាមរទេះបន្តិចបន្តួចប៉ុណ្ណោះ ប៉ុន្តែនៅពេលព្រះអាទិត្យ ចាប់ផ្តើម លិចផុតម៉ោងរដ្ឋបាល គេសង្កេតឃើញ រថយន្តយីឌុបទាំងខ្សែៗ របស់ឈ្មួញ ទាំងតូចទាំងធំ ធ្វើដំណើរឆ្លងកាត់ព្រំ ដែនត្រពាំងផ្លុង យ៉ាងសុខស្រួល គ្មាន ការត្រួតពិនិត្យនោះទេ ។
លោកវ៉ូ វណ្ណា បានចាត់តាំងមនុស្សជំនិតៗ របស់ខ្លួន ឱ្យកាន់ការងារ ផ្នែកត្រួតពិនិត្យទំនិញ និងការបំពេញឯកសារ សម្រាប់បង់ពន្ធ ដែលមុនពេល មានការរឹតបន្តឹងគ្រឿង សំណង់គ្រឿងអេឡិចត្រូនិក ថ្នាំពេទ្យ គ្រឿងចាប់ហួយ និងប្រភេទទំនិញ វិនិយោគ ដែលពន្ធអាករជាបន្ទុករបស់ រដ្ឋ ត្រូវបាននាំចូលយ៉ាងអនាធិបតេយ្យ ដែលប្រភេទទំនិញខ្លះ បង់ពន្ធមិនដល់ ១៥ភាគរយផងទេ ។ ដើម្បីងាយស្រួល គ្រប់គ្រងចំណូលលោក វ៉ូ វណ្ណា ក៏បាន ចាត់តាំងមន្ត្រី ឱ្យចុះទៅកាន់បារ៉ាស់ ឈរជើង ជាមួយមន្ត្រីនគរបាលអន្តោ ប្រវេសន៍របស់លោក កើត ដារ៉ាស៊ី ចាំកោសរូស បង្ខំឱ្យប្រជាពលរដ្ឋបង់ លុយ សម្រាប់ការឆ្លងដែនទៅកាន់ស្រុកយួនឬការទិញទំនិញបន្តិចបន្តួចដាក់ តាមខ្លួនចូលមកក្នុងប្រទេសកម្ពុជាវិញ ដោយគ្មានការយោគយល់អ្វីឡើយ ។
ប្រភពពីក្រុមឈ្មួញ បានបន្តថាៈដោយ ឡែកការនាំចេញឈើខុសច្បាប់ តាម ច្រករបៀងក្បែរនោះ ក៏ស្ថិតក្នុងភូមិសាស្ត្រគ្រប់គ្រងរបស់លោក វ៉ូ វណ្ណា កំពុងដំណើរការដោយសុខស្រួល ក៏ ព្រោះតែលោក វ៉ូ វណ្ណា គឺជាអ្នកបោះមេ ប្រចាំច្រកព្រំដែនត្រពាំងផ្លុង ។
មន្ត្រី គយផ្សេងទៀត ចង់ឃើញអគ្គនាយក គយនិងរដ្ឋាករលោក ប៉ែន ស៊ីម៉ន ពិ សេសលោក អូន ព័ន្ធមុន្នីរ័ត្ន រដ្ឋមន្ត្រីថ្មី នៃក្រសួងសេដ្ឋកិច្ច និងហិរញ្ញវត្ថុ ធ្វើការ ផ្លាស់ប្តូរតំណែងលោក វ៉ូ វណ្ណា ចេញ ពីច្រកព្រំដែនត្រពាំងផ្លុង ហើយដាក់ ជំនួស ដោយមន្ត្រីគយ ដែលស្អាតស្អំ ទើបគេសង្ឃឹមទុកចិត្តថាៈ អាចនឹងជួយ ឱ្យមានកំណើនចំណូលថវិកាជាតិ ទៅ តាមការរឹតបន្តឹងរបស់រដ្ឋាភិបាល ។!
