ភ្នំពេញ ៖ អ្នករត់ Pass App ស្រវឹងដេកដួលតាមផ្លូវប៉ូលិសទៅត្រួតពិនិត្យឃើញកាំភ្លើងខ្លីមួយដើម ស៊េរីទំនើប១ដើមស្ថិតនៅតាមបណ្តោយផ្លូវ១០០៧កែងនឹងផ្លូវ១៩៦៦ ភូមិបាយ៉ាប ក្នុងសង្កាត់ភ្នំពេញថ្មី ខណ្ឌសែនសុខ កាលពីវេលាម៉ោង១១និង៣០នាទី យប់ថ្ងៃទី២៨ ខែសីហា ឆ្នាំ២០១៩ ។
ម៉ូតូកង់បីឥណ្ឌាពណ៌ស ពាក់ផ្លាកលេខភ្នំពេញ 1HB-5147 ចតស្ងៀមនៅកណ្តាលផ្លូវនៅ ចំណុចកើតហេតុម្ចាស់ម៉ូតូកង់បីដេកលក់បែកពពុះមាត់ សង្ស័យតែត្រូវថ្នាំ។អ្នកខ្លះយកខ្ទឹមសមកជូតមាត់និងយកទឹកក្រូចឆ្មារឲ្យផឹកដើម្បីឲ្យស្វាងតែនៅតែមិនដឹងខ្លួនទៀត ទើបបាននាំគ្នារាយការណ៍ជូនសមត្ថកិច្ចមូលដ្ឋាន។
សមត្តកិច្ចមកដល់ឆែកទៅឃើញមានកាំភ្លើង១ដើមទៀត។លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងថា បុរស រូបនេះជាទាហាន មានលិខិតបញ្ជាក់ត្រឹមត្រូវ ហើយឆ្លៀតពេលរត់ Pass App បន្ថែមទៀត ។
បុរសនេះ គឺ លោកអនុសេនីយ៍ឯក អន ពិសិដ្ឋ ធ្វើការនៅបញ្ជាការដ្ឋានវិស្វកម្ម ។នៅអធិការដ្ឋាននគរបាលខណ្ឌសែនសុខបុរសរូបនេះបានដឹងខ្លួន រួចបានប្រាប់សមត្ថកិច្ចថា ខ្លួនបានផឹកសុីជាមួយមិត្តភក្តិតិចតួច ស្រវឹងទើបបើកទៅមុខលែងរួចដេកលក់តែម្តង ។សំណាងហើយមិនប៉ះជើងល្អស៊ីដាច់កាំភ្លើងកុំអីវីវរ ៕
